Fadek ile-apaindegian dezentezko lapurreta egin zuten asteburuan: lau telebista, kutxako dirua, ilea mozteko 5 makina eta bitxiak, besteak beste.

 

 

 

Zapatua eta domeka artean izan zen

Fadek ileapaindegiko ugazabek ez dakite lapurreta zehatz-mehatz noiz gertatu zen, “dakiguna da zapatuan eguerdiko 13:00ak inguruan ile-apaindegia itxi genuela eta domekako 19:00ak arte ez genuen lapurreta egin zigutenik jakin”. Herritar bat Errosario kalean dagoen Fadek ile-apaindegi paretik pasa zen domeka arratsaldean, eta susmagarria iruditu zitzaion atea erdi irekita ikustea. Sarraila behartuta zegoela egiaztatu eta gero, ile-apaindegiko ugazabetako baten anaiari abisua eman zion. Hark ahizpa ohartarazi zuen eta azken horrek larrialdi zerbitzuetara deitu zuen lapurretaren berri emanez. Ertzaintzako agenteak ibili ziren hatz-marken bila, baina oraingoz ez daukate susmagarririk.

Alarmarik ez
Segurtasun sistema berezirik ez zeukatela onartu dute ile-apaintzaileek. “Ikusiak ikusita alarma jarri beharko dugu eta hala eta guztiz errepikatzen bada pertsianaren bat, gure gustukoak ez diren arren. Eta lapurrek hori ere gaindituko balute beharbada ate-zain bat, ez dakit, zer egingo dugu ba?”

Pantaila lauko 4 telebista eta ilea mozteko 5 makina
Poltsa beteta eraman zuten lapurrek. Besteak beste, honako gauza hauek ostu zituzten: Paretan zintzilik zeuden pantaila lauko 4 telebista (TFT), ilea mozteko bost makina, kutxan zegoen dirua, larruzko jaka bat eta bitxiak (eskaparatean begi bistan zeuden bitxiak bere lekuan laga zituzten lapurrek, -lapurretarik egon ez zenaren itxura emateko edo-, eta aldiz, armairuan gordeta zeuden bitxi guztiak ostu zituzten.

Ile-apaindegia lekuz aldatu dutenetik izan duten estreinako lapurreta izan da honakoa, baina orain dela 15 urte inguru, kale berean beherago zeukaten ile-apaindegian beste bat izan zuten. Orduko hartan, beraiek barruan zeudela sartu zen lapurra eta larderia erabiliz ostu zieten.

 

• Txuri-Beltz tabernan ostu zuten lapurrak segituan atxilotu zituzten (2008-05-09 elgoiBARREN.net)
• Lapurretan egin dute Azkue Argazkiak dendan, bigarren aldiz denbora gutxian (elgoiBARREN.net 2008-04-14)
  
•  200 prakatik gora lapurtu dituzte Garate Jantzidendatik (2007-10-26 elgoibarren.net)
  
•  7 lapurreta egin zituen ustezko lapurra atxilotu zuen Ertzaintzak (2007-09-12 elgoibarren.net)
•  Bi lapurreta Elgoibarren (2007-02-15elgoibarren.net)
•  Atxilotu dute txinatarren dendan lapurtu zuen ustezko lapurra (2007-06-06elgoibarren.net)
•  Lapurreta egin dute San Bartolome parrokian (2007-06-05 elgoibarren.net)
•  Butano bonbona bat erabiliz lapurtu dute Azku Argazkiak dendan (2007-01-03 elgoibarren.net)

 

---

Notizi honen berri emateko