| Apraizko depuradorak izandako atzerapenen arrazoiak argitu ditu Garapen Iraunkorreko diputatuak |
|
|
|
| elgoiBARREN.net | |
| 2008-05-23 08:46 | |
 Apraizko depuradora Zabale baserritik.
Apraizko depuradoraren lanak atzeratu eta aurrekontua handitu izanaren
arrazoiak "ez daude Foru Aldundiaren esku" Carlos Ormazabal Foru Aldundiko
Garapen Iraunkorreko Departamenduko foru-diputatuak esandakoaren
arabera.
Euskal Sozialistak batzarkide taldeko Felix Asensio jaunak eskatuta, Garapen Iraunkorreko Departamentuko foru-diputatuak, Carlos Ormazabalek, Gipuzkoako Batzar Nagusietako Garapen Iraunkorreko Batzordearen aurrean egindako agerraldian (maiatzaren 14an), azalpenok eman zituen: “Depurazio sistema berritzaile bat ezarri da, eta ondorioz, kostuak handitu egin dira” 2005eko uztailean martxan egon beharko luke, baina 2007an ireki zen Apraizko depuradora. Atzerapenaz gain, lehenengo jakinarazi zen aurrekontua (12 milioi euro) txiki geratu eta 16,22 milioi euro behar izan dira Apraizko depuradora edo ur zikinen araztegia eraikitzeko.  Inaugurazio eguneko ekitaldia. Ordura arte eraikitako zimenduak gainbegiratu beharra izan zen bigarren ustekabea, “eta lanak gehiago atzeratzearen beste arrazoietako bat” Ormazabalek dioenez. Hori eta inguruan aurkitu zituzten zailtasunak: "lurzoruan agertu ziren hutsuneak -hormigoiz bete zituzten-, instalazioak drainatu, ezpondak indartu, e.a” aipatzen ditu Garapen Iraunkorreko Departamenduko diputatuak. Gainera, aurreikusita zeuden hiru tankeen ordez, lau eraiki zituzten azkenean. 2005eko azarora arte atzeratu ziren lanak eta aurrekontua 13,3 milioira igo zen. 
Aurrekoak gutxi ez eta arazo gehiago pilatu zirela azaldu zuen Ormazabalek. Besteak beste, honako hauek: "2004ko erakuntza sektoreko greba, hornidura arazoak 2006an eta klimak sortutakoak. Guzti horiei, kontratistak jarritako oztopoak gaineratu, eta iazko urrira arte ezin izan ziren lanak amaitutzat eman”
∞ Lotura duten albisteak:
Notizi honen berri emateko          |
| < Aurrekoa | Hurrengoa > |
|---|
