Gaur eta bihar artean 80 lagun baino gehiagok parte hartuko dute udalen Politikei Buruzko V. Topaketetan. Udal kirolaren inguruan eztabaidatzeaz gainera, kirola egiteko dauden azpiegiturak eta materialak ikusi ahal izango dira Leku-Eder parkean egokitu duten karpan.

 

 

V. Topaketek 80 lagunetik gora bilduko dituzte hilaren 22 eta 23an Elgoibarren. Ekitaldien aurkezpenean, Iñaki Ugarteburuk, Foru Aldundiko Kiroletako zuzendari orokorrak, ekimenaren garrantzia azpimarratu du, “egindako lana itzela da eta bikaina prestatu den programa. Interesgarria da gai hauen inguruan hausnartu eta eztabaidatzea eta, horretarako, hau bezalako ekimenak garrantzi handikoak dira”.

Alfredo Etxeberria Elgoibarko alkateak esperientziak elkartrukatzeko beharraz berba egin du,  “Udal kirola mundu oso aberatsa da edukietan, etengabeko eraldaketan dagoena” adierazi du.

Aurtengo berritasun nagusia ere azaldu du KAITeko (Kirol Arlorako Iritzi Taldea) presidente, Julian Gomezek: “Berritasun gisa, azpimarratu beharra dago amaierako mahai ingurua. Klubek administrazioei galderak egingo dizkiete eta alderantziz. Galdera eta erantzuneko mahai ingurua izango da”.

  • Informazioa karpan
Elgoibarko Udalak joan den Trinitateetako zenbait feria jartzeko erabili zen karpa aprobetxatu nahi du, Kirol Politikei buruzko jardunaldiak herritarrengana hurbiltzeko.

Hori dela-eta, Udalak feria txiki moduko bat prestatu du karparen barrenean. Bertan, kirola egiteko dauden azpiegiturak eta materialak ikusi ahal izango dira. Besteak beste, makinaria berezitua, kaleko saskiak, belar artifiziala edo erabilera anitzeko azpiegiturak.

• Informazio gehiago: elgoibar.org
• Topaketen egitaraua (pdf)

 

 

---

Notizi honen berri emateko