Kirol-Kontseilu Gorenak Zilarrezko Plaka izeneko saria eman dio Elgoibarko Nazioarteko Juan Mugerza Krosari. Horiek horrela, Krosak Kirol Merezimenduen Errege Ordenean sartzea lortu du.

 

 

 

 

Sari hori, “65 urtetan zehar egindako lanarengatik” eman zaio Mugerza Memorialari; baita, ekitaldi honen antolatzaileek, “soin-kultura zabaltzeko eta bultzatzeko nahiz kirola sustatzeko egin duten ahaleginagatik” ere.  Horrela, nazio mailako kirolaren bilakaerari krosak egin dion ekarpena aitortu nahi da.

Bidenabar, krosaren antolatzaileek eskerrak eman nahi izan dizkie, pertsona, babesle, enpresa, federazio, atletismoko klub, hedabide eta laguntzaile guztiei. “Era berean eskerrak eman nahi dizkiogu ekitaldi honen protagonista nagusi den Elgoibarko herriari. Zuei esker, urte askotan, kirol ekitaldi hau bere espezialitateko eredu izan baita”.

Maiatzaren 27an banatuko da saria Madrilen
Saria datorren maiatzaren 27an emango da, Madrilen, Jarduera Fisikorako Zientzien Fakultatean. Ekitaldi ofizial honen buru Hezkuntza, Gizarte Politika eta Kiroletako ministroa, Mercedes Cabera, izango da, eta bertan, Elgoibarko Juan Muguerza Nazioarteko Krosaren antolatzaileak izango dira.

 

 

Mugerza krosa 7. postuan Espainiako krosik onenen zerrendan

Espainiako Atletismo Federazioak Estatuan egiten diren krosik onenen zerrenda argitara eman berri du, eta Juan Mugerza Nazioarteko krosak bere historiako posturik gorenenetakoa lortu du, zazpigarren postuan ageri baita. Aurtengoa zerrendan gora egiten duen laugarren urtea da jarraian. Azken hiru edizioak kontutan hartzen diren sailkapen nagusian, berriz, 8. postuan dago Elgoibarko krosa.
2009ko Mugerza krosa urtarrilaren 11n
Bestalde, 2009ko Mugerza krosa, 66. edizioa, urtarrilaren 11n izango dela baieztatu eta aurreratu dute antolatzaileek.

• Informazio gehiago hemen
  

 

 

 

---

Notizi honen berri emateko