2009ko udazkenetik aurrera Ermua eta Elgoibar artean 15 minutuz behin eskaini ahal izango dira tranbia zerbitzuak. Hala iragarri du Nuria Lopez De Guereñu Eusko Jaurlaritzako Garraio eta Herri Lan Sailburuak.

Bestalde, Eusko Jaurlaritzak datozen hilabeteetan Elgoibar-Eibar-Ermua korridorean burutuko dituen proiektuen artean, Toletxegaingo geltokiaren egokitzapena (0,7 M euro) sartu dute.

• Tranbia (Urrutira gabe/Asier Etxaniz) 

 • 16,4 milioi euro Ermua-Eibar-Elgoibarrerako
Nuria Lopez De Guereñuk, Eusko Jaurlaritzako Garraio eta Herri Lan Sailburuak, Eusko Jaurlaritzak datozen hilabeteetan Elgoibar-Eibar-Ermua korridorean burutuko dituen proiektuak iragarri ditu, Eibarko Ardantzako geltoki berriaz (3,6 milioi €) gain: San Lorentzo-Unibertsitatea zatia bikoiztea (5,5 M euro), Txarakuako trenbide pasagunea kentzea (3,1 M euro), Eibarko Udalak eta Garraio eta Herri Lan Sailburuak erdi bana finantzatuak, Azitaingo geltoki berria (1,1 M euro), Karakateko bidegurutzaketa (2,4 M euro) eta Elgoibarko Toletxegaingo geltokiaren egokitzapena (0,7 M euro).

 

 • Ermua eta Elgoibar arteko tranbia

Azpiegitura eta ekipamendu horiek eraikitzean hobetu ahal izango dira, Garraio eta Herri Lan Sailburuak aurreratu zuenez, trenen trafikoaren maiztasunak eta hiritarrei orokorrean ematen zaien zerbitzua, Ermuak, Eibarrek eta Elgoibarrek osatzen duten multzoan, eta gaur egun Ermua eta Eibar artean, Elgoibarreraino, eskaintzen den tranbia zerbitzua hedatzeko lagungarri izango da.

Eibar eta Elgoibar artean, gaur egun ordu betez behin eskaintzen den maiztasunetik, 15 minutuz behin eskainiko den maiztasunera igaro nahi da, Karakateko trenbide bikoizketari esker. Ermua eta Eibar artean zerbitzua ordu laurdenez behin erregularizatuko da egun osoan zehar. Karakateko bazterbide berria funtsezko pausoa izango da gaur egun Ermua eta Eibar artean eskaintzen den tranbia zerbitzua Elgoibarreraino luzatu ahal izateko. Karakateko bazterbidearen lanak urte honetako uztailean lizitatuko dira, esleipena emateko. Aurreikuspenen arabera, lanak amaitu ondoren, 2009. urtean jarriko da indarrean.

• Ermua-Elgoibar, 1.750.000 bidaiari urtean: Gaur egun 11.143 mugimendu gertatzen dira astegunetan Ermua eta Elgoibar artean, hau da, urtean 3.510.000 mugimendu, eta horrek erakusten du urtean, batez beste, 1.750.000 bidaiarik egiten dutela ibilbide hori.
  
• %25 haztea aurreikusten da: Iragarritako jarduerekin, bidaiari kopurua ehuneko 25 haztea aurreikusten da, hau da, 437.000 bidaiari gehiago urtean, gutxi gorabehera, Ermua-Elgoibar-Ermua ibilbidean, 870.000 mugimendu gehiago urtean.
  

López de Guereñuren hitzetan, “Ermua-Eibar-Elgoibar inguruan aurreikusitako jarduera multzoa oso garrantzitsua da: EuskoTrenek zerbitzuak eskaintzen dituen ordutegi osoan 15 minutuz behingo maiztasunak eskaintzeko aukera emango du. Ziur naiz azpiegitura eta ekipamendu horien eraikuntzak, trenen trafikoaren maiztasunean emango den hobekuntza nabarmenarekin batera, oso ondorio mesedegarriak izango dituela, eta inguruko biztanleen bizitza kalitatea hobetuko duela”.

 

• Informazio gehiago hemen: Euskotren

 

  ∞ Lotura duten albisteak:

• Ermua eta Elgoibar batuko ditu tranbia zerbitzuak 2009an (2007-04-13 elgoibarren.net)

 

 

 

---

Notizi honen berri emateko