Londoneko talde boteretsuak Espainian duen ordezkaria izango da Juan Sol elgoibartarra. Abramovich aberatsaren talderako talentudun jokalariak bilatu eta topatzea izango da jokalari ohiaren zeregin nagusia.
Jose Mourinhok eta Roman Abramovichek Espainian duten espioia izango da aurrerantzean 59 urteko elgoibartarra. Bere lana: Espainia guztitik zehar partiduak ikustea. Lehen mailan ari diren jokalariez gain, batez ere, 15-16 urteko jokalari gazteak ikusi eta harribitxiak beste inork baino lehen aurkitu beharko ditu.
Chelsea-ren filosofia aldaketa
Dirutza izugarriak ordainduz munduko jokalaririk onenak (Ballack, Drogba, Sevchenko…) fitxatzeagatik egin da ezagun Roman Abramovich errusiarraren Chelsea futbol taldea, baina munduko jokalari gazterik onenak ere beretzako nahi ditu erraldoi ase ezinak. Espainiako jokalari gazteek daukaten dena eman beharko dute aurrerantzean Juan Sol harmailetan ikusten badute. Elgoibartarra konbentzituz gero, Chelsea moduko talde baten jokatzeko ametsa egi bihurtzetik hurbilago eduki dezakete.
Aspaldiko lagun baten deia
Frank Arnessen mediku daniarrarekin zuen adiskidetasunaren bitartez iritsi da Juan Sol Chelsea-ra. 1982an iritsi zen Arnessen Espainiara Valentziako medikua izateko. Han ezagutu zuten elkar daniarrak eta elgoibartarrak, eta gaur arte mantendu duten harremanari esker jaso du Chelsearen deia Solek. Talde Ingeleseko kirol zuzendaria da Arnessen.
Biografia:
• Izen osoa: Juan Sol Oria
• Jaiotza data: 1947/09/13 (Elgoibar)
• Debuta: 1965/09/04
• Postua: atzelaria
• Taldeak: Elgoibar, Valencia (1965-1975, 1979-1981), Real Madrid (1975-1979).
• Espainiako selekzioarekin internazionala: 28 alditan (gol bat)
• Tituloak: Valentzarekin (Liga bat, Kopa bat eta Recopa bat). Real Madrilekin (3 Liga).
* Erretiratu ostean Valentzia F.C taldeko delegatua izan zen.
Ikus hemen: Valentzia F.C taldean lortu zituen estatistikak
|
ZORIONAK
2006-11-09 12:51:40
ZORIONAK SOL JAUNA, SORTE ONA IZAN DEZAZULA CHELSEA TALDEAN. | foballzale 2006-11-09 22:43:00
Realak ere beharko du zer edo zer, Juan Sol, Jon Eguzki edo John Sun.
Ea Sol jaunak ez dizkigun eramaten euskal taldeetako figura guztiak Ingalaterrara, bestela danak segundara xuxen-xuxen... |
Komentarioak egiteko izena eman behar duzu. Sartu hemen
|
