| Sekula baino antxintxikari gehiago XV. Jose Gurrutxaga krosean |
|
|
|
| ElgoiBARREN.net | |||||||||||||||||||||||||||||||||||||||||||||||||||
| 2008-04-22 11:55 | |||||||||||||||||||||||||||||||||||||||||||||||||||
Adin guztietako 574 korrikalarik, sekula baino gehiagok, parte hartu
zuen domekan (apirilak 20) XV. Jose Gurrutxaga krosean. Aurten,
estrainekoz, 16 urtetik gorakoek ere parte hartu dute.
Elgoibar Ikastolak Jose Gurrutxaga, 86 urteko antxintxikari elgoibartarraren omenez antolatzen duen krosa arrakastatsua izan zen oso: eguraldiak lagundu zuen, partaide errekorra gainditu zen eta ikusleek kale bazter eta txoko guztietatik animatu zituzten parte hartzaile saiatuak.
Elgoibar eta Mendaroko 574 korrikalariek 13 lasterketetan parte hartu zuten. Bestalde, aurtengo nobedade nagusia, 16 urtetik gorakoentzat parte hartzea zabaldu izana da. Halaber, maila honetan, 32 lagunek parte hartu zuten eta Jose Antonio Ruiz eta Pilar Arriola izan ziren irabazleak. Azkenik, gaztetxo guztiek jaso zuten domina, oparia eta kamiseta; trofeoak aldiz, 1997. urtetik gorako lehen neskek eta mutilek.
Juanma Arceri omenaldia
Jose Gurrutxaga Krosaren XV. edizioan lagundu duten guztiei, entitate, pertsona eta abarrei eskerrak eman nahi dizkiete antolatzaileek; baita, lasterketetan parte hartu dutenei, Udala eta Udal Kirol Patronatuari ere. Bestalde, bereziki, Juanma Arce gogoratu nahi izan dute, "kros honen historiaren parte delako, sortu zenetik urtero isilean lanean aritu delako. Beraz, Juanma, eskerrik eta txalorik beroena jaso ezazu hemen gauden guztion partetik".
ELGOIBARKO XV. JOSE GURRUTXAGA KROSA
Notizi honen berri emateko         
|
|||||||||||||||||||||||||||||||||||||||||||||||||||
| < Aurrekoa | Hurrengoa > |
|---|
