Azken Ordua: Elgoibarko Udaleko Bozeramaileen Batzordeko PSE-EE alderdiaren egoitzak jasandako atentatua gaitzesteko hartu duen erabakia jakitera eman du.

(Jarraian, domeka goizeko kronika) ETAren izenean berba egiten zuen pertsona batek goizeko 2:30ean (zapatua eta domeka arteko goizaldean) deitu du DYAra PSE-EEren egoitzako bonbaren abisua emateko. 3:20rako zegoen programatuta lehergailua eta puntu-puntuan egin du eztanda. Ez da zauritu fisikorik egon, baina kalte material handiak eragin ditu egoitzan bertan eta inguruko etxebizitza eta autoetan.

• Alfredo Etxeberria alkateak atentatua gaitzesteko bi kontzentrazio deitu ditu gaurko (apirilak 21).
• Lehenengo kontzentrazioa 12:00etan udaletxe aurrean.
• Bigarren kontzentrazioa 19:00etan atentatua izan den tokian.

 

 

Urasandi auzoko bizilagunek ez dute gau lasaia pasatu. Goizeko 3:00ak aldera Ertzantzaren megafoniak esnatu ditu, leihoak ireki eta pertsianak jaisteko esanez. Leihoetatik urruntzeko abisua ematen zuten behin eta berriz, PSE-EEko egoitzan bonba bat zegoelako. Kale guztia itxi egin dute, eta bizilagunei leihoetara  ez gerturatzeko  esaten zieten.

 

 

Goizeko 2:32an eman dute bonba abisua ETAren izenean Urasandiko telefono kabinatik eta 3:20an puntuan egin du eztanda. PSE-EEko egoitzako atean zegoen kokatuta bonba, eta Ertzantzak jakinarazi duenez, hiru kilo lehergailu inguru izango zituen. Zorionez, ez da zauritu fisikorik egon, baina bonbak kalte material dezente eragin ditu: PSE-EEren egoitza berritzen ari ziren eta erabat txikituta geratu da, pareko etxebizitzetan zenbait leiho eta pertsiana puskatu dira eta inguruan aparkatuta zeuden auto batzuk ere kristalik gabe gelditu dira.

Kaltetuek jarraitu beharreko prozedura

Etxeetan kalteak jasan dituzten 25-30 bizilagunekin banan bana jarriko da harrmeanetan Udala, kalteordainak-eta bideratzeko. Kaltetu ziren autoak zortzi dira.

Urasandiko auzotarren esperientzia 

• Eztandaren aurrekoa eta gerokoa Elgoibarko auzotar baten berbetan (eitb24 atariko bideoa)

Hiru eraso urtebetean

Elgoibarko PSE-EEko egoitzak hiru eraso jasan ditu urtebeteko epean, azkena joan zen abenduan; eta apur bat gehiago atzera egiten badugu, bi urte eta erdian sei eraso izan dituela esan digute, baina horrelakorik bat ere ez.

Ertzainak goizaldeko 6:00ak ingurura arte lanean jarraitu dute, bigarren bonba bat egon zitekeelakoan, baina ez da horrelakorik gertatu.

Etxeetan kalteak jasan dituzten 25-30 bizilagunekin banan bana jarriko da harrmeanetan Udala, kalteordainak-eta bideratzeko. Kalte ziren autoak zortzi dira.

Politikari ugari gerturatu da
Ez zen domeka goizetako ohiko irudia gaur Urasandin aurkitu duguna. Udaletxeko politikari asko gerturatu dira Urasandira PSE-EEko zinegotziei euren babesa ematera. Alfredo Etxeberria (Elgoibarko alkatea), Markel Olano (Gipuzkoako Foru Aldundiko diputatua), Jon Peli Uriguen (EAko zinegotzia), Unai Zulaika (Ezker Batuako zinegotzia) eta beste herritar asko gerturatu dira Urasandira. Politikariekin berba egin dugu, eta denek esan dute "hau ez dela ezer konpontzeko bidea". Ovidio Campello eta Miguel Hernandez PSE-EEko zinegotziak oso minduta zeuden, baina aurrera egingo dutela ziurtatu dute. Zenbait auzotarrekin ere egin dugu berba, eta "beldurra" pasatu dutela aitortu dute.
Deklarazio hauek guztiak bideoan jaso ditugu. Prest dauzkagunean igoko ditugu web gunera.

  ♦ BIDEOA:
Miguel Fernandez (PSE-EEko zinegotzia), Ovidio Campello (PSE-EE zinegotzia), Alfredo Etxeberria alkatea, Markel Olano, Gipzukoako Foru Aldundiko diputatua, Unai Zulaika (EB-Berdeak alderdiko zinegotzia), Jon Peli Uriguen (EAko zinegotzia), Javier Nuñez (PPko zinegotzia) eta zenbait herritarren balorazio eta iritziak

Kontzentrazioak eta Bozeramaileen Batzordea

Astelehenean (apirilak 21) kontzentrazioa egingo da Plaza Handian 12:00etan eta iluntzeko 19:00etan PSE-EEko egoitzaren aurrean. Bestalde, alkateak Bozeramaileen Batzordea biltzea erabaki du eta aho batez erabaki dute ETAren atentaua gaiteztea.

 
Jaurlaritzako Barne sailburuak adierazi duenez, sozialisten egoitzen kontrako atentatuak egiten ari diren ETAko kideen eta horien egituraren inguruan badakite "zerbait".

• Liberatuetako bat identifikatu dutela jakinarazi du Balzak (eitb24)

    ∞ Lotura duten albisteak:

• Amonala eta nitrometanoa zituen ETAk Elgoibarren jarritako lehergailuak (berria.info)
• Alfredo Etxeberria: "Los ediles socialistas viven un atentado cada día al tener que ir con escolta hasta cuando suben al monte" (deia.com)
  
  

    • ARGAZKIAK

Argazkia: EFE.
Argazkia: EFE.

 

 

 

 

 

---

Notizi honen berri emateko