|
Zinema eta kooperazio emanaldiak Kultur Etxean |
|
|
|
|
elgoibarren.net
|
|
2006-11-06 12:56 |
Indigenek egindako film laburrak: dokumentalak eta fikziozkoak, ikusgai izango dira gaurtik (azaroak 6) eguenera (azaroak 9) bitartean Zinema eta Kooperazio Emanaldien 2. edizioan. Mugarik Gabe, Gobernuz Kanpoko Erakundeak antolatu dituen emanaldiak, Kultur Etxeko hitzaldi gelan eskainiko dira egunero (20:30).
2002an egin zuen moduan, Mugarik Gabe erakundeak Herri Indigenei eskaini die Zine eta Lankidetza Erakustaldiaren edizio berri hau.
Gobernuz Kanpoko Erakundearen iritziz, “Globalizazioaren aro honetan, komunikabideek inoiz ez bezalako eragina daukate pertsonen bizimoduan. Nagusiki mendebaldeko agentziek ematen dizkiguten mezu eta albisteek irudi aski estereotipatuak helarazten dizkigute oro har; hori dela-eta, gure ikuspegitik kanpo geratzen dira beste garapen-eredu eta kultura batzuk”.
Alabaina, herri indigena batzuk konturatu dira ikus-entzunezkoak tresna baliagarriak izan daitezkeela euren mundu ikuskera, kultura eta identitate propioa ezagutarazteko, “herri bizi eta dinamikoak direla agerian utziz”.
Jatorri anitzeko lanak ikusgai
Bolivia, Mexiko, Zeelanda Berria, Kanada, Peru, Argentina eta Brasileko indigenek eginiko dokumentalak eta fikzio-lanak emango dituzte. Guztira 11 lan izango dira. Argi dago, hortaz, kultur aniztasuna eta aberastasunik ez dela faltako.
•Ordua: 20:30
•Lekua: Kultur Etxeko hitzaldi gelan
• Ikus hemen filmen eta dokumentalen ordutegiak eta sinopsiak (PDF)
Komentarioak egiteko izena eman behar duzu. Sartu hemen
|
