2006ko abenduan desegin zen blues-rock talde elgoibartarraren itzulera puntuala izango da, arrazoi berezi eta sentimentalek bultzatutakoa.

A-8 autopistan izandako istripuan bizia galdu zuen Oihana Alkorta kantariaren omenaldi kontzertuan (apirilaren 5ean Orioko Kiroldegian) parte hartuko duen taldeetako bat izango da Arima Beltza.

Oihana Alkorta (Getaria 1977-11-14 – Orio 2007-5-17) musikari eta abeslaria zen. Besteak beste, Benito Lertxundik Euskadiko Orkestra Sinfonikoarekin ateratako diskoan hartu zuen parte eta Kilometroak 2004 zela-eta plazaratu zen diskoan ere kolaboratu zuen Alkortak, Airean idazten dizkizut abestiarekin. Orion, Zarautzen, Usurbilen eta inguruko herrietan kontzertu ugari emandakoa zen.

Oihanak, gainera, lotura berezia zuen Elgoibarrekin, Iratxo tabernan jardun baitzuen lanean kamarera moduan.

• Informazio gehiago:

• Wikipedia 
• Bizitza, izar iheskor puta hori... (Azken portua, ametsen errepublika)
  
• Oihana Alkorta, A8ko anbulantzian zihoan kantaria (sustatu)
• Atzo A-8an zauritutako emakumea hil egin da (berria)

    Oihana Alkortari Omenaldi kontzertua

• Noiz: apirilak 5 (zapatua)
• Ordua: 19:00
• Lekua: Orioko kiroldegia
• Iraupena: 2 ordu inguru
• EGITARAUA:
• Orioko dantza eskola
• Txalapartariak
• Orioko kantu eskola
• Onintza Manterola
• Iñigo Araujo eta Aitor Badiola "Airean idazten dizkizut"
• Arima Beltza
• Bertsolariak
• Irakurketa
• Argazki emanaldia
  

Arima Beltzak 3 abesti prestatu ditu
Desirak eta gezurrak, gaueko txanda eta nun zaude, taldeak atera zuen azken diskoko (Mundurako ateak) hiru abesti prestatu ditu Arima Beltzak Orioko kontzerturako, eta era akustikoan joko dituzte.

Taldeko bi kidek, Araujok eta Badiolak, berriz, bajua eta kitarra joko dituzte Airean idazten dizkizutMuxi abestian, beraiek ere parte hartu baitzuten, Oihana Alkortarekin batera, Kilometroak 2004rako grabatu zen diskoan. Hirurei, beste elgoibartar batek, Humberto Esnaola "Muxi"k lagundu zien moldaketekin.

 

 

  ∞ Lotura duten albisteak:

• Arima Beltza taldeak desegitea erabaki du (2006-12-15 elgoiBARREN.net)
• 150 lagunek ikusi zuten Internetez Arima Beltzaren kontzertua (2006-11-21 elgoiBARREN.net)
• Arima Beltzaren kontzertua zuzenean elgoibarren.net-en (2006-11-16 elgoiBARREN.net)
  
  

 

---

Notizi honen berri emateko