Graffiti ikastaroa egin zuten martxoaren 15ean Kuadrillategi egitasmoko gazteek. Bi ordu pasatxo behar izan zituzten argazkietan ikus daitekeen graffiti erraldoia egiteko. Mintxetako sarrerako horma batean dago. 

 

Topagunearen bitartez Ermutik etorritako bi graffitigilek irakatsi zieten marrazkia egiten eta, Udalaren baimenarekin, Mintxeta kirolguneko sarreran dagoen horma batean margotu zuten Ibon Arregik sortua den Kuadrillategiko logotipoa.

 

Argazkiak

    Eskalada ikastaroa

Bestalde, egun berean, Kuadrillategiko beste talde batek eskalada ikastaroan parte hartu zuen. Donostiako Pio Baroja kiroldegian egin zuten ikastaroa.

 

 

  •  Kuadrillategiren agenda

Elgoibarko Izarrak hainbat ekintza antolatu ditu Kuadrillategin dauden gazteentzako.

 

• Apirilak 5: sexualitate ikastaroa eta sukaldaritza ikastaroa.
• Apirilak 12: tenis ikastaroa, paintball, eta sukaldaritza ikastaroa.
• Apirilak 19: sukaldaritza ikastaroa eta paintball.
• Apirilak 26: euskal erreferente batekin solasaldia.
• Maiatzak 10: paintball eta Debara irteera.

Aurrekoez gain, surf ikastaroa, espeleologia ikastaroa, serigrafia ikastaroa eta beste batzuk egiteko asmoa ere bagago, baina datak zehazteke daude oraindik.

 

 

---

Notizi honen berri emateko