Gabon jaietan Plaza Txikian egon zenaren antzerakoa da Udalak erosiko duen patinatzeko pista eta ez du kokaleku finkorik izango, alegia, beharraren eta aukeraren arabera leku batean zein bestean jartzeko aukera izango da.

 

Aurrekontua: 60.000 euro bideratu ditu Udalak pista erosteko.

Patinatzeko pista baten hornidura egiteko lizitazioaren deialdia alkateak emandako ebazpenaren bitartez erabaki zen martxoaren 6an (ikus Gipuzkoako Aldizkari Ofizialean)

Patinatzeko pistak Gabonetan izan zuen arrakasta ikusirik, eta orduan aurreratu zuten moduan, bat erostea erabaki dute udal arduradunek. Hortaz, litekeena da datozen Gabonetara arte itxoin beharrik gabe bertan patinatzeko aukera izatea. Gainera, luzaroagoan jarri daiteke orain patinatzeko pista herritarren zerbitzura eta hockey partidak edo antzerako ekimenak antolatzeko aukera zabalagoa da.

Kokalekua: Patinatzeko pistak ez du kokaleku finkorik izango. Beharraren eta aukeraren arabera Kiroldegian, Ikastolako frontoian, Plaza Txikian edo beste lekuren batean jar daiteke. 

Bestalde, gogoratzea komeni da pista estaltzeko erabili zuten karpa ere Udalak eta Debemenek erosi egin zutela.

  ∞ Lotura duten albisteak:

• Patinatzeko pistaren arrakasta ikusirik 2008ko Gabonetan ere jarriko dute (2008-01-09 elgoiBARREN.net)
• Agintariek inauguratu dute patinatzeko pista (2007-12-14 elgoiBARREN.net)
• Autotxokeak eta patinatzeko pista izango dira Gabonetako ekintzen nobedadeak (2007-12-05 elgoiBARREN.net)
  
  
  

---

Notizi honen berri emateko