| Urruzuno eta Lerun Txiki-Morterika proiektuetan Udalak hartu duen jarrera kritikatu du EB-Aralar-ek |
|
|
|
| elgoiBARREN.net | ||
| 2008-02-12 14:32 | ||
Lerun Txiki-Morterikan, berriz, ez daude konforme Arau Subsidiarioetan
egin den azken orduko aldaketarekin. Euren ustez, “ezkutuan” egin da,
eta industrialeku eraikitzeko aukeratutako lurretan “edozein momentutan
merkatal gune handi bat jarri daiteke orain”
Urruzuno 2-3  “Urruzuno 2 eta 3 egitasmoaren proiektuak 2006ko uztailaren 26an onartu ziren hasiera batean (lege berria indarrean sartu baino 6 egun lehenago), irailean indarrean jarriko zen lege berriaren baldintzak ekiditeko asmoz. Proiektua aurrera doan neurrian, tramiteak burutzen joaten dira eta gure harridurarako jakin dugunez, Diputaziotik egin duten txostenak ez zaiela proiektua gustatzen esaten du, oso konprimituta dagoelako urbanizazioa (2007ko azaroaren 21eko Gipuzkoako Aldizkari Ofiziala), baina ezin dutela gelditu, ez baita euren konpetentzia, udaletxearena baizik; udaletxeko Hirigintza sailetik ez dugu sekula horrelakorik entzun”. Ondorioz, Urruzuno 2-3 ingurunean egingo diren 196 etxebizitzetatik 72 alokairurako izango dira. Aldiz, EB/Berdeak-Aralar koalizioak salatzen duenez, “sei egun itxaron eta lege berriaren barruan egingo balitz, etxebizitzen %75 alokairu sozialerako izango lirateke, hau da, 142 etxebizitza. Diferentzia nabarmena diru gutxi dutenen elgoibartarren kalterako. Gutxi gora-behera, 330 Elgoibartar bakarka edo familiaka, Etxebiden apuntatuta dauden bitartean, Elgoibarko PNV eta EAk 147 etxebizitza alokairu sozialean lortzeko aukera, interes pribatuengatik 76 etxebizitzara murriztea lortu dute”. Ezker Batua/Berdeak eta Aralarrek enpresa eraikitzailearekin berba egiteko eta alokairurako etxeen kopurua handitzeko eskatu dio Udal Gobernu Taldeari. Lerun Txiki-Morteriaka  Lerun txiki –morterika proiektua, jira eta buelta gehiegi ematen ari dela uste du Ezker Batua-berdeak/aralarrek: “Hasiera batetik eskatu izan dugu, industrialde berrien beharren gainean estudio serio eta zintzo bat egitea beharko litzatekeela, inoren interesei lotua egongo ez den estudio bat”.
Euren harridurarako eta “kulebroi honen azken kapitulu bezala, buruari heltzeko modukoa iruditzen zaigu. Merkataritza ekipamendu handien lurraldeko erregulazioari kasu eginez eta hasiera baten industrialde bat egiteko lur saila zenari modifikazio berri eta ezkutuan egindakoa atxikitzen zaio, hau da, 2007ko abenduan eginiko plenoan eta ezker batua-berdeak/aralarren protesta eta harridurarekin aprobatu zutena EAJ, EA eta PPk zera da: Elgoibarko Lerun txiki–Morterikako lurretan edozein momentutan zentro komerzial haundi batek bere aktibitatea martxan jarri nahi badu, ez dela posible intentzio hori gelditzea, bertan instalatzeko aukera ematen dioten egin beharreko tramiteak gauzatuta baitaude".
“Alkate jaunari galdetu genion ea posible zen onartu nahi zutenarekin
edozein momentutan instalatu zitekeen monstruo komerzial bat, ea
atzetik proiektu edo eskaintzarik zegoen. Alkatearen erantzuna,
betikoa, erantzuna zuzena bota beharrean, galderak bota eta horrela
berak guri galdetu zigun ea zer alde zegoen monstruo komerzial bat
jarri edo mostruo industrial bat jartzearen artean”.
EAJk eta Eak osatutako Gobernu Taldeak “haserrea, harridura eta inpotentzia” sortzen dutela ere gaineratu zuen, “nahi dutena egiten dutelako”. Honez gain, herriko merkataritza txikiaren alde azaldu zen koalizioa. “Ez dugu sekula defendatuko alde batetik merkatari txikiei laguntzeko dirua gastatzen duen udaletxea eta bestetik zentro komerzial haundien aldeko apustua egiten duen udaletxea. Ez al ditugu nahiko gertu Garbera, Urbil, Max-center, Artea, Bilbondo eta askoz gehiago? zer nahi dugu gure etxeko atean jartzea zentro komerzialak? ez al daukagu nahikoa Netto eta Eroskirekin elgoibarren, merkatari txikien kalterako?" Merkataritzarekin lotuta, eguenetako merkadilloa erdigunera ekartzeko eskaera egin zuten beste behin ere. “Ekarri merkadilloa behingoz zentrora eta jarri dominak zeuon buruei”.
Notizi honen berri emateko         
|
||
| < Aurrekoa | Hurrengoa > |
|---|
