elgoibarren.net orainkaria - Danobat, Kondia eta Etxepe enpresak omendu dituzte IMHk antolatutako Mintegian

Danobat, Kondia eta Etxepe enpresak omendu dituzte IMHk antolatutako Mintegian

elgoibarren.net

2006-10-26 08:15

Kondia, Danobat eta Etxepe enpresak omendu zituzten ekitaldian

Makina erremintaren sektorean euskararen presentzia areagotzen laguntzeko egin duten ahalegina eskertzeko, omenaldia jaso zuten Elgoibarko Danobat, Etxepe eta Kondia enpresek IMHk antolatu zuen "30+10 Mintegia: Makina Erreminta arloko enpresen erantzukizun soziala, euskara baliabideak eta praktika onak» izeneko jardunaldian zehar.

Mintegiaren helburu nagusia honakoa izan da: makina erremintaren sektorearen inguruan diharduten enpresei hurbildu eta ezagutarazi euskaraz garatutako praktika onak, zerbitzuak, makinak eta tresnak; egun merkatuak eskaintzen dituen aukerak ezagutu ditzaten. Helburu hauek erdiesteko lau atal eta 3 gunetan banatu dute mintegia.

* 30 +10 Mintegiaren egitaraua (PDF)

+Elgoibar eta inguruetako enpresa ezagunak parte hartzen ari dira Mintegian: Danobat, Etxepe, Kondia, Elay, Fagor Automation, Codesyntax, e.a.

+Euskalgintza munduko enpresa, erakunde eta elkarteak ere bertan izango dira: Euskalan, Emun, Elhuyar, Artez, e.a.

IMH (Makina Erremintaren Institutua) arduratu da antolaketaz, eta kolaboratzaileen zerrenda ere luzea izan da:

Kolaboratzaileak:

* AFM-Makina Erreminta Ekoizleen Elkartea

* Eusko Jaurlaritzako Hizkuntza Politika Sailburuordetza

* Gipuzkoako Foru Aldundia

* Elgoibarko Udala

* AHIZE-AEK hizkuntza aholkularitza

Nori zuzendua egon da?

* Sektoreko enpresak eta harekin harremana dutenak

* Lanbide Heziketako Ikastetxeak

* Lan-mundua euskalduntzeko pertsona/erakunde interesatuak

Argazkiak:

Notizi honen berri emateko

Komentarioak

mintegira etorri zaretenoi eskertza.
edurne bilbao - imh 2006-10-26 17:54:50

Eskerrik asko BARRENekoei mintegiaren berri emateagatik.

80 pertsona bildu ditu mintegiak, enpresa, erakunde, hizkuntza aholkularitza, lanbide heziketa ikastetxe eta euskalgintzako elkarteak medio. Goiza entretenigarria izan dugu, esperientzia, zerbitzu eta produktu berriak ezagutzeko aukera izan dugu eta harreman berriak egun ditugu bertaratu garenon artean.

Eskerrik asko ere inguratu zareten Elgoibartar guztioi.

Komentarioak egiteko izena eman behar duzu. Sartu hemen

< Aurrekoa		Hurrengoa >

[Atzera]

Barren astekaria

Mediateka

Gida komertziala

Komentarioak

Publizidadea

Iragarki Laburrak

Bideo inkesta

Zine agenda

Azken komentarioak

Komentarioak egiteko

RSS harpidetza

Albisteak ePostaz jasotzeko

elgoibarren.net Elgoibarko Izarra Kultur Elkarteak sortutako ekimena da, Udalaren babesarekin eta Elgoibarko Makina Erremintaren Institutua, Eusko Jaurlaritza eta Gipuzkoako Foru Aldundiaren laguntza ditu