Gaur: Loli Astoreka eta Iñake Irastorza aktore ezagunak Herriko Antzokiko eskenatokian izango dira gaur, barixakua (otsailak 8), EZker ESkuma izeneko antzezlana estreinatzen.

• Emanaldia 22:15ean hasiko da.

 

Glu-Glu Produkzioak antzerki taldeak, beste zenbaitetan egin izan duen moduan: "Hiru Txerritxoak" lana ere bertan estreinatu zuen, Elgoibarko Herriko Antzokia aukeratu du bere azken lanaren publiko aurreko estreinaldia egiteko.

 

Aizpea Goenaga eta Ane Gabarainen zuzendaritzapean ekoiztutako lan honetan bi emakumeren eguneroko bizitza azaltzen da. Rosa eta Sara (Loli Astoreka eta Iñake Irastorza) dira EZker-ESkuma antzezlaneko protagonistak. Bakoitza bere etxean bizi da, bere munduan eta euren egunerokotasunak dituen arazoekin borrokan. Biak solairu berean bizi dira, ezker-eskuma. Bi emakume horien istorioa kontatzen da antzezlanean.

Emakume batek bestearekin zerikusirik ez badu ere, elkarren arteko konpainia eta laguntasuna ezinbestekoa izango da eguneko bizitzan aurrera egiteko. Umorearen bidez bakardadeari, adiskidetasunari eta bizitzari buruzko gogoeta egin nahi du ordu eta laurdeneko ikuskizun honek.

• Sinopsia (glu-glu)
  

 

 

 

---

Notizi honen berri emateko