Otsaila, hotz-hila da. Edota otso-hila, berdin du, biak pareko kaltea dakarte eta. Aurten baina, eta egutegiaren kapritxoz, festa eta usadio zaharrez gainezka hasiko dugu urteko hilik motzena.

Egun gutxi batzutan pilatu dira guztiak: San Juan Bosko Eguna, inauteriak, santa eskea, San Blas... badago non aukeratua datozen egunotan.

 

San Juan Bosco, ikasleen Eguna
Elgoibar BH Institutuko ikasleak San Juan Bosco Eguna ospatzen dihardute gaur (otsailak 1). Egun batez, liburuak bazterrean laga eta maisu maistren hitz aspertuak entzun beharrik gabe festan murgiltzeko lizentzia izango dute. Ondo pasatzea izango da gaur gainditu beharko duten irakasgai bakarra. Hainbat lehia eta jolasetan parte hartzeko aukera izango dute (ikus hemen: iazko argazkiak)

• Egin klik hemen: 2008ko San Juan Bosko Eguneko egitaraua (agenda)
  

Inauteriak hasi dira

“Eguen Zuri” eguneko kalejirarekin hasi zituzten atzo (urtarrilak 31) Pilar Ikastetxeko ikasleek inauterietarako prestatuta dauden ekintzak.

• Egin klik hemen: 2008ko inauterietako egitaraua (elgoiBARREN.net)

Santa eskea, zapatuan eta astelehenean
Etxegiña taldeak zapatuan (otsailak 2) jardungo du kale eta auzoetan santa eskean eta Elgoibarko Izarrako koruak, berriz, astelehenean (otsailak 4), Santa Ageda bezperan, ibiliko dira baserriz baserri, urtero sasoi honetan egiten duten moduan.
Informazio gehiago:

• Otsailaren 2an aterako da Etxegiña taldea santa eskean (elgoiBARREN.net)
• Elgoibarko Izarraren Santa Ageda koruetan parte hartu nahi? (elgoiBARREN.net)

4, astelehena ikasleak ere santa eskean
    15:00etatik aurrera Herri Eskolako ikasleak santa eskean aterako dira. Urasandiko Haur Eskolan hasi eta Herri Eskolako     patioan amaituko dute.
    15:30etatik aurrera Elgoibar Ikastolako ikasleak aterako dira santa eskean kalez kale (euria bada, Ikastolako frontoian)

San Blas (otsailak 3)
San Blas Eguneko ohitura da sanblas opiltxoak bedeinkatu eta jatea. Opiltxoak egitera animatu nahi baduzue, Mari Sol Zabaleta sanblasgileak iaz erakutsi zigun errezeta tradizionala jarraitu dezakezue.

• Hemen aurkituko duzue: Egingo al ditugu sanblas opilak? Guk errezeta jarriko dugu (2007-02-02 elgoiBARREN.net)

Elizkizunak:

• Kandelaria (otsailak 2, zapatua). 11:00etan elizkizuna San Bartolome parrokian.Eliz atarian egingo da kandelen bedeinkapena eta ondoren, prozesioa eta elizkizuna.
• San Blas opilen bedeinkazioa (otsailak 3, domekia). Ohiko meza guztietan bedeinkatuko dira opiltxoak.
• 9:00etan Madalan
• 9:30ean Santa Klaran
• 10:30ean Santa Klaran
• 12:00 San Bartolome parrokian

---

Notizi honen berri emateko