|
Odol emaileen kopurua beherantz, 69 poto gutxiago jaso zituzten iaz |
|
|
|
|
elgoiBARREN.net
|
|
2008-01-29 13:11 |
Odol emaile kopuruaren beherakadarekin kezkatuta dago
Elgoibarko Odol Emaileen Elkartea: 2006an baino 69 odol poto gutxiago
jaso zituzten iaz, 697 poto orotara.
2003tik hona behera egin du ateraldien kopuruak.
| 1993. urtean jo zuen goia odol emaileen kopuruak Elgoibarren. Guztira
835 odol poto, 450 cc-koa bakoitza, entregatu zituzten Donostiako Odol
Bankuan. Handik aurrera behera egin zuten ateraldiek, eta hala jarraitu
zuen joerak, 2003an batu ziren 809 potoen salbuespenarekin |
Bilakaera urtez urte
| Urtea |
Jasotako odol potoak |
| 2007 |
697 |
| 2006 |
766 |
| 2003 |
809 |
| 1993 |
835 |
|
Elgoibartarrei odola emateko deia
Jesus Castañares, Elgoibarko Odol Emaileen Elkarteko presidenteak odola ematera animatu nahi ditu herritarrak, “ ahalegin txiki batekin lortu daitekeen onura garrantzitsua bakarrik ez, ezinbestekoa da hainbat operazio eta tratamenduetarako”. Odol ateraldien kopuruak hartu duen beheranzko joera “ arriskutsuarekin” kezkatuta, errotik moztu nahi dute; beharra eskaria baino handiagoa izan baino lehen. Momentuz, zifra onak direla onartzen du, baina “ gero eta behar handiagoa dago eta emaile gutxiago” ohartarazten du Castañaresek.
“ Zergatik dagoen gero eta odol emaile gutxiago? Zergatiak ez dauzkat argi eta arrazoi bat baino gehiago izan daitezke aldi berean” uste du odol emaileen elkarteko presidenteak, alabaina, jendearen kontzientzia faltarekin dutela zerikusia uste du. “ Beharra dugunean bakarrik akordatzen gara odola ematearen garrantziaz, eta, tamalez, urgentziazko kasuetan izan ei da hori. Odola emaileen bitartez bakarrik lortu liteke, ez dago ordezkatuko duen ezer”.
Ez dago erreleborik
Zaharren lekua hartuko duten odol emaile gazteen beharra dagoela azpimarratzen du Castañaresek.
Odol-emaile izateko baldintzak
Odola ematera joatean pletora-sintomak, egoera fisiko txarra, ahultasun
edo desnutrizio-egoera, anemia, ikterizia, zianosia, disnea,
adimen-ezegonkortasuna edo alkohol, droga edo beste produktu batzuk
kontsumitzeagatik intoxikazio-sintomak dituzten guztiak baztertuta
geratuko dira (1996ko otsailaren 16ko 41 zk. EBO).
|
HILABETEA
|
EGUNAK
|
|
|
|
|
Urtarrila
|
18
|
|
Otsaila
|
8 eta 29
|
|
Martxoa
|
14
|
|
Apirila
|
18
|
|
Maiatza
|
9 eta 30
|
|
Ekaina
|
13 eta 27
|
|
Uztaila
|
11
|
|
Abuztua
|
8
|
* Ordua: 18:30 - 20:30 (Pedro Migel Urruzuno, 8 behea - Anbulatorioan)
* Telefonoa: 943 743936
|
animatu!!!
ilargia 2008-01-29 15:44:13
Ni gaztea naiz eta emailea era bai. Dudatan daudenak animatzen dittut!! Ez da ezer, benetan. Jun, informau, galdetu... hilabete batzutan ezin izaten da eman, ta gero hurrenguan bai. Ez da ezer pasatzen. Bizitzan behin ematiakin ere aportazio haundixa itten da.
Seguru nao inguruan baten bat eukiko dozuela bihar izan dabana odola noizbaitt. Ta hurrenguan zuri tokatzia ere badao.
Eman odola!!!
P.D: Gainera gero tortilla pintxo bat ematen dabe! | Ni behin jun nintzan
Adur 2008-01-29 16:39:56
Ni behin izan nintzan odola ematen eta min haudia egin zidaten, zainaldeak ilun-ilun utzi zikidaten.
Baina beharrezkoa da odola ematea. Ez naiz damutzen joateaz. |
Komentarioak egiteko izena eman behar duzu. Sartu hemen
|
