Elgoibarko Izarra Kultur Elkarteko Aisialdi Taldetik jakinarazi digutenez, aurten ere izango dugu nagusientzako Mozorro Lehiaketa Elgoibarren. Otsailaren 2an (zapatuan) izango da eta, nobedade modura, Madalako Parkean antolatuko dute. Antolatzaileen helburua jai herritarra antolatu eta Elgoibarko inauteriei kolorea ematea da.

 

Zein da zapatu gauerako prestatu duten plana?

• 23:30etan, Mauxitxa Txarangak kalejira egingo du Plaza Handitik hasi eta Madalako parkeraino. Ordubeteko kalejira izango da.
• 00:30etan, Madalako parkean DJ bat egongo da eta berak emango dio hasiera jaiari musikarekin eta argiekin.
• Ondoren, Mozorro Lehiaketari emango zaio hasiera. 
• Mozorro Lehiaketa amaitu ondoren, jaiak segitu egingo du goizeko 03:00ak arte.

Lehiaketako oinarriak:  

•  Taldeka edo banaka parte hartu daiteke (bikoteak banakakoak moduan  kontsideratuko dira).
• Jantziak ez ezik, oholtza gaineko koreografia ere baloratuko da eta sari berezia egongo da atal honetarako.
• Lehiaketa honetan 16 urtetik gorakoek bakarrik parte hartu ahal izango dute.

Epaimahaia: Epaimahaia herriko hiru kidek osatuko dute:

• Haritz Dantzari Taldeko kide bat.
• Taupada Antzerki Taldeko kide bat.
• Gazte Asanbladako kide bat.

 
Sariak:

• Taldeko Sariak: 

        1. saria: 275 euro

        2. saria: 175 euro

        3. saria: 125 euro

• Banakako Sariak:

        1. saria: 125 euro

        2. saria: 75 euro

• Koreografia onenari saria: 125 euro

Esan bezala, antolatzaileen helburua jai herrikoia antolatzea da. Jendea animatu nahi dute parte hartzera eta inauteriak direla aprobetxatuz, kolorez eta musikaz jantzi nahi dute Madalako Parkea. Beraz, animatu denok eta hasi mozorroak prestatzen! 

 

 

 

    ∞ Lotura duten albisteak:

• Aurten ez da antolatuko Inauterietako Mozorro Lehiaketarik (2007-01-24 elgoiBARREN.net) 
  

 

---

Notizi honen berri emateko