| BARRENek 15 urte bete ditu! |
|
|
|
| elgoiBARREN.net | |
| 2007-12-21 11:38 | |
 Azken aleko azala.
Herriko notiziak euskaraz ematea zen helburua,
herritarrak euskaraz irakurtzera ohitzeko eta euskarari bultzada
emateko. Hamabost urte pasatu dira eta umea hazi egin da.
Elgoibartarren laguntzarekin nerabezarora iritsi da eta aurrera
jarraitzeko ilusioz beterik dago. 2008an etapa berri bati ekingo diogu.
Urteak ez dira alferrik pasatzen eta BARRENek ere izan ditu aldaketak. Hasieran zuri-beltzez jantzita atera zen kalera, lotsati eta elgoibartarren etxeetara sartzeko beldurrez. Berehala ireki zizkioten ateak eta barruraino sartu zen, sukalderaino. Ondo hartzen zuten toki guztietan eta astero-astero joatea erabaki zuen. Denborarekin etorri ziren aldaketak astekarian: edukia, diseinua, langileak… baina BARREN izaten jarraitzen du, hasierako berbera, elgoibartarron astekaria. Nora joaten da BARREN? Hutsik egin gabe ostiralero sartu da BARREN elgoibartarren etxean. Hasieran gutxi batzuen etxean sartzen zen, baina gaur egun ia etxe guztietara iristen da. Eta ez hori bakarrik: BARRENek bidaiatu ere egiten du eta munduko txoko desberdinetara joaten da.
4.650 ale ateratzen dira astero. Ikus dezagun nola banatzen diren:
3.520: Elgoibarko etxeetan 406: Mendaron 378: Espainiako estatuan 206: Elgoibarko baserrietan 68: Elgoibarko enpresetan 53: Altzolan 24: Atzerrian Herritarren iritzia Herritar guztien iritziak daukate lekua BARRENen, herritarrak dira gure astekariko protagonistak. Gaurkoan kalera atera gara eta BARRENi buruzko iritzia eskatu diegu herritarrei. Jarraian ikus dezakezue bideoa.
• BIDEOA:
Iritzia eman duten herritarren izenak: Amaia Arregi, Carlos Agirre, Carlos Gonzalez, Cassia Fernanda Printes, Eduardo Ayesta, Iosu Atxa, Jose Zuazubizkar, Luis Arakistain, Mari Tere Iraegi, Migel Aizpiri, Nekane Iturbe, Nieves Iza eta Olatz Albarran.
Notizi honen berri emateko          |
| < Aurrekoa | Hurrengoa > |
|---|
