elgoibarren.net orainkaria - Agintariek inauguratu dute patinatzeko pista

Agintariek inauguratu dute patinatzeko pista

elgoiBARREN.net

2007-12-14 11:20

Bihar (abenduak 15), estreinatu ahal izango dugu elgoibartarrok Udalak Plaza Txikian jarri duen patinatzeko pista.

Udal agintariek aurrea hartu, patinak jantzi eta gaur bertan probatu dute pista. Argazki sesioak iraun duen bitartean ez du inork minik hartu.

Bestalde, pista gainean minik hartu gabe ibiltzeko hainbat aholku eman dituzte arduradunek.

Ricardo Garate, Ramon Mugica eta Nekane Ortuoste

Ricardo Garate, Kirol Patronatuko lehendakaria.

Patinatzeko pistari azken ukituak ematen aurkitu ditugu langileak. Hortaz, irristatzeko ezinbestekoa den likido labankorra botatzeke zeudela probatu dute agintariek pista. Ramon Mugica Kirol Patronatuko zuzendaria moldatu da hobekien, baina Patronatuko lehendakariak, Ricardo Garatek eta Nekane Ortuoste zinegotziak ere lurra probatu gabe amaitu dute, luzea izan ez den argazki sesioa. Bihartik aurrera herritarren txanda izango da. Hona pista behar bezala erabiltzeko jarraitu beharreko aholku batzuk:

• Patinaje pistan ibiltzeko aholkuak:

Ezinbestekoa da esku larruak janztea.
8 urtetik beherakoak heldu betekin joan beharko dira.
Kaskoa, buruko babesgarria, edo antzerakoa jartzea komenigarria da, batez ere umeentzat.
Beti ere, monitoreek esandakoari kasu egin beharko zaio.
Erabiltzaileen joera zuzena ez bada, pistatik bota ez ezik, berriz patinatzera etortzeko debekua ere jarriko da.
Instalazioak eta bere baliabide guztiak zaindu beharko dira.

• Pistaren inguruko hainbat xehetasun:

• Irekiera: Abenduaren 15etik urtarrilaren 6ra bitartean egongo da patinaje pista Plaza Txikian.

• Ordutegia:

Goizez: 11:00etatik 14.00etara
Arratsaldez: 16:00etatik 21.00etara.

*Abenduaren 17tik 21era bitartean, pista arratsaldez baino ez da egongo zabalik.

• Neurriak: 200 metro koadro inguruko azalera du pistak eta karpa batez estalita dago.
Azken erremateak.
Erabiltzeko adina: bost urtetik gorako pertsona guztiek erabili ahal izango dute.

• Doakoa: Herritarrak dohainik ibili ahal izango dira pistan.
• Botak: Neurri guztietako 100 bota pare egongo dira erabiltzeko moduan.
• Gehienezko patinatzaile kopurua: gehienez ere 25 lagun sartu ahal izango dira aldi berean eta talde bakoitzak 15 minutuz erabili ahal izango du pista, hala ere “kontuan izan beharko da, une bakoitzean, zenbat pertsona ari diren itxaroten”.

Alfredo Etxeberria Elgoibarko alkatearen esanetan, “benetako izotz pista baten eta Elgoibarren jarritakoaren artean dagoen aldea honakoa da: gure herrian jarritako pistak ez duela mantentze beharrik, eta ez duela hezetasunik sortzen”.

• Karpa erosi egin dute Debemenek eta Udalak
Patinatzeko pista estaliko duen karpa erosi egin dute Debemenek (Debabarreneko landa garapen elkartea) eta Udalak. Patinatzeko pistarekin estreinatuko badute ere, batez ere, baserri auzoetako festa eta beste hainbat ekintzetarako erabiltzeko asmoa daukate. Aterperik ez daukaten baserri auzoen aspaldiko eskariara dela azaldu dute Debemenetik.

Ezaugarriak: karpa modularra da, hau da, nahi eta behar den tamainan handitu edo txikitu daiteke moduluak kenduz edo gehituz. Guztira bost modulu ditu.
Aurrekontua: 38.000 € inguruko kostua izan du.

Notizi honen berri emateko

Komentarioak

oso ondo
yantxa 2007-12-14 14:24:33

"Ezinbestekoa da esku larruak janztea". Eta udaleko agintariak ejemplua ematen ( esku larrurik gabe, noski).
kaskoa ya gehiegi eskatzea da....

Komentarioak egiteko izena eman behar duzu. Sartu hemen

< Aurrekoa		Hurrengoa >

[Atzera]

Barren astekaria

Mediateka

Gida komertziala

Komentarioak

Iragarki Laburrak

Bideo inkesta

Zine agenda

Azken komentarioak

Komentarioak egiteko

RSS harpidetza

Albisteak ePostaz jasotzeko

elgoibarren.net Elgoibarko Izarra Kultur Elkarteak sortutako ekimena da, Udalaren babesarekin eta Elgoibarko Makina Erremintaren Institutua, Eusko Jaurlaritza eta Gipuzkoako Foru Aldundiaren laguntza ditu