 Alfredo Etxeberria (E), Iņaki Konde eta Tontxu Campos. Obrak aspaldi hasita dauden arren -2008ko udarako eraikuntza-lanak amaituta izatea espero dute-, gaur (azaroak 29), egin dute agintariek Meka proiektua batuko duen eraikinean 'lehen harria' jartzearen ekitaldi sinbolikoa. ( bideoa eta argazkiak dauzka)
Laster, hortaz, teknikari espezializatuak prestatzeko punta-puntako
ikastetxea izango du Elgoibarrek Albitxuri industriguneko D partzelan.
Karrozatu eta Karenatu Ikastetxe
berriak 2008-2009 ikasturtea hastearekin batera ekin ahal izango dio
bere ibilbideari.
•
BIDEOA:
Bideo honetan: Tontxu Campos (Hezkuntza, Unibertsitate eta Ikerketa sailburua)
•
Ekitaldian parte hartu duten agintariak:
Eusko Jaurlaritzako Hezkuntza, Unibertsitate eta Ikerketa sailburua,
Tontxu Campos; Lanbide Heziketako sailburuordea, Iñaki Mugika;
Elgoibarko alkatea, Alfredo Etxeberria; Hezkuntza zinegotzia, Nekane
Ortuoste eta Elgoibarko BHI Institutuko zuzendaria, Iñaki Konde.
Antolatzaileek karpa handi bat prestatu dute ekitaldia aterpean egin ahal izateko. Karpa barruan irakaskuntza munduko aurpegi ezagun mordoa, ordezkari politikoak eta zenbait ikasle bildu dira. Ekitaldiaren amaieran, zizka mizka batzuk jateko erabili dute karparen babesa.
•
Ikastetxeak bi zati desberdin izango ditu:
- Alde batetik, tailerra, hiru espaziotan banatua, egungo nahiz etorkizuneko hezkuntza beharrei erantzun ahal izateko.
- Bestetik, irakaskuntza eta idazkaritza funtzioei eskainitako
alderdia, bi solairutan banatua. Lehenengoan, ikasgelak kokatuko dira
eta bigarrengoan liburutegia, irakasleen gelak eta ikasgelak.
Kristalezko korridore luze batek lotuko ditu
eraikinaren bi zatiok, eta bertatik tailerreko hezkuntza-prozesu oro
ikusi ahal izango da.
•
DATUAK
•
Aurrekontua: 6 milioi €, gutxi gorabehera.
-
Partzela: 996.000€
-
Eraikina: 4.149.047€
-
Ekipamedua: zehaztu gabe oraindik
-
Ikasleak: 250-300
-
Obraren bukaera epea: 2008ko uda.
•
Azalera guztira: 3978 m²
- Eraikia dagoen azalera : 3.894,91 m2.
- Beheko soilairuan Administrazio gunea: 268,61 m2.
- Makina herramintaren karenatu eta karrozatu tailerrak: 1183,38 m2.
- Automozioa: 566,73 m2.
-
Biltegiak eta pintura laborategia 200,93 m2.
-
Ikasgelak, liburutegiak eta irakasle gelak: de 261,70 m2.
-
Bigarren solairuko gelak: 270,00 m2.
Iñaki Konde Elgoibar BHI institutuko
zuzendariak, Alfredo Etxeberria alkateak eta Tontxu Campos Sailburuak Albitxurin bildutakoen aurrean berba egin ondoren, Meka proiektuaren dokumentuak (eguneko egunkariak, Institutuko egutegia, pen-drive-a, e.a.) kutxa batean sartu eta eraikinaren ondoan egin duten zulo batean lurperatu dituzte. Aurrez, Haritz Euskal dantzari taldeko Jon Lizarraldek
Aurreskua dantzatu du agintarien aurrean. Bitxikeria moduan, Elgoibar BHI Institutuko zuzendari-ordeak, Imanol Lopez Artolazabalek, jo du txistua aurreskuan.
•
Erakundeak eta kolaboratzaileak: AFM, makina herramintako enpresak, AEGA, automozio enpresak, galdara-lantegiak, beste sektoretako enpresak, Hezkuntza, Unibertsitate eta Ikerketa Saila, Elgoibarko Udaletxea, Gipuzkoako Foru Aldundia, Kutxa eta Euskadiko Kutxa.
∞ Lotura duten albisteak:
|
ai gure aurreskua....
yantxa 2007-11-30 09:13:26
Orain ere agintariei aurreskua dantzatzen, ze merezimendu daukate ba? beraien lana egitea? Gaur egun edozein inauguraziotan egiten da aurreskua (edozein hormigoi puxkari...). Ala ere superatzen zaila izango da, lur-azpiko basuren inagurazio eguneko imagiņa. Dantzaria Marivi eta zakarrontzi bati aurreskua dantzatzen....tristea benetan... | Barkatu Yantxa baina....
Ynestrillas 2007-11-30 11:42:23
.... Marivi, zakarrontzia eta aurreskuaren irudia, Mariviren 4 urteetako gauzarik dexenteenetakoa izan zan. Atera kontuak!!! |
Komentarioak egiteko izena eman behar duzu. Sartu hemen
|
