Apuntatu agendan: Azaroaren 19tik 30era bitartean Ruben Arozenaren komiki lanekin osatutako erakusketa ikusteko aukera izango da Algortako Villamonte erakusaretoan.

Komikigintzan erreferente den Getxoko Komikiaren eta Mangaren VI. Azokak, 2005ean zendu zen artista elgoibartarra omendu nahi izan du.

Euskal Irudigileen Elkarte Profesionalak eta Getxoko Komiki Azokak (azaroaren 23tik 25era) elkarlanean antolatu duten erakusketan, Ruben Arozenaren (1966-2005) aukeratutako 30 komiki lan egongo dira ikusgai.

 

Pertsonaia gogoangarriak 

Arozenak, "Arotz" moduan ezagunagoa komiki munduan, komiko legatu mardula laga zuen. Baita pertsonaia gogoangarriak ere; esate baterako, Iñaki Mandangas edo Triski eta Bi Lumak osatutako bikotea.

Artista elgoibartarraren inguruan ibilitakoek azaldutakoaren arabera, 90. hamarkadakoak dira Arozenaren lanik gehienak, “Handik aurrera, denbora gehiago eskaini zion margogintzari, nahiz eta sekula ez zion laga komikiak marrazteari, bere pasioa baitzen”.
Euskal komiki argitalpen ia gehienetan kolaboratu zuen Arozenak bere lanekin: Habe, Habeko Mik, Ipurbeltz, Aizu!, Hemen, e.a. Prestigio handiko agerkarietan ere publikatu zituen lanak, hala nola, El Viboran edo Bronx aldizkari italiarrean.

 

 

Arozenaren komiki lan bat.

Ruben Arozena.

Erakusketa

• Ordutegia: 10:00-13:00 eta 18:00-21:30 astelehenetik barikura, 10:00-13:00 eta 18:00-21:00 zapatuan eta 18:00-21:00 domekan.
• Non: Algortako erakustaretoan, hilaren 30era arte.

---

Notizi honen berri emateko