Elgoibarko Udaleko Euskara Batzordeak, Ardatza egitasmoaren baitan, euskara planak diseinatu edo eta abian jartzen dituzten enpresei ematen dizkien diru-laguntzak arautu ditu.

Euskara planak abian jartzen dituzten enpresek hamabost eguneko epea izango dute diru-laguntza eskaera egiteko.

Diru-laguntza horiei buruzko iragarkia, gaur, azaroaren 9ko, Gipuzkoako Aldizkari Ofizialean (GAO) argitaratu da. Horren harira, euskara planak abian jarri dituzten enpresek hamabost eguneko epea izango dute Elgoibarko Udalari diru-laguntza eskatzeko.

 

Diru-laguntza eskaerak egiteko:

• Diru-laguntzak arautzen dituzten oinarriak (pdf).
• Diru-laguntza eskatzeko erabili behar den inprimakia (pdf).

Diru-laguntza horien xedea da Elgoibarko enpresak, 2007 urtean, euskararen erabilera bultzatzeko planak diseinatzera edota martxan jartzera animatzea.

Horiek horrela, euskara planak abian jartzen dituzten enpresei, gehienez ere, 2.000 euroko diru-laguntza emango die Udalak. Diru-laguntza hau, helburu berbererako, Eusko Jaurlaritzak ematen duen diru-laguntzaren osagarri izango da. Era berean, Elgoibarko Udalak ez du, inola ere, diruz lagundu daitezkeen gastuen %70 baino gehiago ordainduko.
 
Horretaz gain, diru-laguntza hauek eskuratzerako orduan, lehentasuna izango dute euskara planak estreinakoz abian jartzen dituzten enpresek.

Diru-laguntza hauek jaso ahal izateko, besteak beste, ezinbestekoa izango da Eusko Jaurlaritzan euskara plana abian jarri ahal izateko diru-laguntza eskaera aurkeztuta edukitzea.

Diru-laguntza hauei buruzko arauak eta diru-laguntza eskabidea egiteko inprimakia Elgoibarko Udaleko Euskara Sailean daude eskuragai.

Informazio gehiago eskuratu nahi duenak Euskara Sailera jo dezake (943 74 43 66, E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu. ).

---

Notizi honen berri emateko