Gaur (azaroak 8) zabaldu du Parrokiko Misio Taldeak Bidezko
Merkataritzaren denda. Aurten ere Merkatu plazan egongo da eta garapen
bidean dauden herrialdetako produktuak salduko dituzte bertan, bere
benetako prezioan. Azarotik maiatzera bitartean irekiko dute denda, 30
jardunalditan.
Duela 13 urte zabaldu zuen estreinakoz Parrokiko Misio Taldeak Bidezko Merkataritzako denda bat Elgoibarren. Kokaleku ezberdinak izan ditu denbora tarte honetan eta azken 3 urteetan Merkatu Plazan kokatu dute, Udalak lagatako lokalari esker.
Zer da bidezko merkataritza?
 Merkatu plazan dago Bidezko Merkataritzaren denda.
Bidezko merkataritza ohiko merkataritzaren alternatiba da. Azken horretan irizpide ekonomikoak baino ez dira aintzat hartzen; bidezko merkataritzaren arabera, horiek ez ezik, balore etikoak ere kontuan hartzen dira, alderdi sozialak eta ekologikoak barne. Bidezko Merkataritza dendaren helburua, erosleari garapen bideko herrialdeetako oinarrizko produktuak, bere benetako prezioan, eskaintzea da. “ Bidezko merkataritzako produktuak erosiz herrialde aberatsen eta pobreen arteko desberdintasunak murrizten baitira” azaltzen dute Misio Taldekoek.
Ezaugarriak
- Bitartekariak ahalik eta gutxien izaten saiatzen gara.
- Ekoizle txikiek “gainprezioa edo bidezko prezioa” jasotzen dute, eta horrek bizitza baldintzak hobetzeko aukera ematen die.
- Ekoizleek aurretiko finantziazioa jasotzeko eskubidea dute.
- Harremanak epe luzera begira ezartzen dira. Horrek aukera ematen du
trebakuntza, alfabetatze, osasun eta hezkuntza programak finantzatzeko.
Segurtasuna ematen zaie, makinetan inbertsioak egiteko.
- Aholkularitza teknikoa eta enpresa aholkularitza eskaintzen da, enpresen bideragarritasunari buruz.
∞ Informazio gehiago:
• Noiz egongo da irekita denda?
Azaroak: 8,9,10,29 eta 30.
Abendua: 1,13,14,15,20,21,22,27,28 eta 29
Urtarrila: 3,4 eta 5
Otsaila: 7,8 eta 9
Martxoa: 6,7 eta 8
Apirila: 10,11 eta 12
Maiatza: 8,9 eta 10
ARGAZKIAK:
Argazkiotan ikus dezakezuen moduan, asko dira dendan aurki daitezkeen produktuak: kafea, kakaoa, txokolatea, panpinak, jaiotzak, likoreak, era guztietako elikagaiak, e.a.
|
Bidezko Merkataritza
Abel 2007-11-10 12:32:27
Bidezko Merkataritzan denda zabaldu dutela Elgoibarren? Benetan txalogarria eta pozgarria da hori. Proiektu horren atzean eliza dagola? Nik ere ez dut oso gogoko eliza, baina idea edo proiektua ona dan bitartean, bost axola nork jarri duen martxan!(Mkl28, zuk holako proiektu bat martxan jartzen duzun egunian, eta zu ere ez zaitut oso gogoko, nire babesa izango duzu). Ondorengo link hauek erakusten digute modu animatuan, bidezko merkataritza gaur egun beharrezkoa dela, zoritxarrez
http://www.comercioconjusticia.com/pages/animacion_dumping.htm
http://www.comercioconjusticia.com/pages/animacion_acceso_mercados.htm
http://www.comercioconjusticia.com/pages/animacion_liberizacion_forzada.htm
http://www.comercioconjusticia.com/pages/animacion_derechos_laborales.htm
http://www.comercioconjusticia.com/pages/animacion_patentes.htm
http://www.comercioconjusticia.com/pages/animacion_rtas.htm |
Komentarioak egiteko izena eman behar duzu. Sartu hemen
|
