Juanjo Agirregabiriak txinga erakustaldi aparta eskaini zuen zapatuan Errosario kaleko jaietan. Lasturkoak 30 plaza (25 metro) egin zituen 50 kiloko txingekin, eta ia 3 plaza txingak hatz bakarrarekin eramanez. Herritar bat edo beste ere animatu zen 25 kiloko txingak eskuan hartuta indarrak neurtzera.

Atzo (urriak 7) amaitu ziren Errosario kaleko jaiak eguraldi euritsuak baldintzatu ditu. (bideoak dauzka)

 

Juanjo Agirregabiria txinga eramaileak, bost bider Euskal Herriko txapelduna zergatik atera den erakutsi zuen zapatuan (urriak 6) Errosario kalean egin zuen indar erakustaldian. Itziarren bizi den lasturtarrak 30 plaza egin zituen 50 kiloko txinga banarekin. Oraindik ere indarrik geratzen zitzaionez, hatz bakarrarekin ia hiru plaza (bakoitza 25 metrokoa) egin zituen ikusleen harridurarako. Hain zuzen, ikusleek kirol honen gogortasuna bertatik bertara ezagutzeko aukera izan zuten, Agirrebagiriak 25 kiloko txingak ekarri baitzituen jendeak proba zitzan. Bi lagun ausartu ziren, gizonezkoa bata eta emakumezkoa bestea. Sei eta hiru plaza osatzea lortu zuten, hurrenez hurren.

Kaletarrak ere animatu ziren txingak eramatera	3 plaza egin zituen emakume honek 25 kiloko txingekin.

 

 

 

• Pilota partidak bertan behera

Aurreko egunetako euriteen eraginez eta Plaza Handiko frontoiaren gehiegizko hezetasunak sortu zitzakeen arriskuez jabeturik, Iparraldeko eta Lagunak Pilota Eskolako pilotarien arteko norgehiagoka bertan behera lagatzea erabaki zuten antolatzaileak. Hortaz, urtebete itxoin beharko dute Shoroetek eta Aranburuk iazko porrotaz mendeku hartzeko, Loiola eta Atxotegik lortu baitzuten iaz iparraldekoen aurkako lehen garaipena Iparraldeko eta Elgoibarko pilotarien arteko desafio hau, duela urte batzuk, egiten hasi zirenetik.

 

BIDEOAK

• Sokamuturra Errosario kalean 

---

Notizi honen berri emateko