elgoibarren.net orainkaria - 'Hummer' bat herriko kaleetan

'Hummer' bat herriko kaleetan

elgoibarren.net

2007-10-05 12:16

Argazkiko mendi ibilgailu honekin egin dugu topo San Frantzisko kalean. Auto zaleok ezagutuko duzue seguruenez, Hummer H2 lur-orotarako automobila. Besteok, CSI telesail ezagunean edo albistegietan ikusiko zenuten, Irak-eko berri ematen dutenean. Izan ere, Ameriketako Estatu Batuetako militarrek erabiltzeko sortutako automobila da. Kalean gora eta behera dabiltzan herritar guztien arreta eta kuriositatea bereganatzen duen ibilgailua elgoibartar batena dela esan digute.

Errespetua sortzen duen kanpoko itxura militarra ahantziz, luxuzko autoa dirudi barnealdetik Hummer-ak. General Motors etxeak Humvee ibilgailu militarra hartu zuen oinarritzat Hummer autoak egiteko eta emaitza benetan ikusgarria da. Dena da handia automobil honetan, tamaina, pisua...

∞ Informazio gehiago:

Hummer (webgune ofiziala)
Zer da Hummer bat? (iturria: wikipedia)
Hummer ikusgarrien argazkiak: (bat); (bi); (hiru); (lau); (bost)
Hummer limusinak: (bat); (bi)

Notizi honen berri emateko

Komentarioak

baina zer da hau?
casio 2007-10-05 17:31:28

beti iruditu zait barreneko langileak profesional onak direla, eta ez zaizkit ondo iruditu politikarekin nahastuta alde bat zein ebstetik jasan dituzten kritikak. BAina hau gehiegitxo da...

Ze albiste klase da hau? Elgoibarko tipo batek luxuzko auto bat erosi duela eta barren-en publikatu behar al da? Are lotsagarriago , Erretxindi bezalako tipo baten autoa izanda. Benetan, albistea ezabatzeko eskatuko nizueke. ZEr izango ote da hurrengoa ...

oinezkoentzak erdialdeko kaleak
elgoibartarra 2007-10-05 17:51:02

Baina ez al ziren oinezkoentzat erdialdeko kaleak?? Edo eta, zamalanetan zebilen kotxe hau gaur kalean???

baina bueno!
clutch 2007-10-07 10:30:28

Zer da hau? Hummer bat gure kaleetan zehar? Eta hurrengoa zer izango da? Akaso alemaniar matrikularen bat ikustea! Ez zen ba Eto'o-ren Hummer-a izango ba! Nik uste Kuko Zigandaren erlojua jartzea eta beste alde batera begiratzera izango dela onena...

erretxindikoa??
clutch 2007-10-07 10:34:48

ez da erretxindiko sekreten Hummer-a izango ba?!

OSO BITXTIA BENETAN
Mkl28 2007-10-07 14:06:51

Nik ez dot Hummer-a ikusi, baina oso gauza bitxia iruditzen jat. Nere ustetan Barreneko langileak oso adi egon dira berria ematerakoan.

Gauzak gaizki egin dituztenean kritikau egin ditut, orain ostera txalotu egin behar ditut.

Komentarioak
Asier Etxaniz 2007-10-08 18:26:24

Komentarioak egiteko ordutegi jakin bat al dago? Lahengo ostiralean 17:00-ak baino lehen, komentario bat bidali nuen. Beharbada ez zen helduko nahiz eta niri baiezkoa eman. Edo nik nahi gabe batenbat irainduko nuen eta ez ateratzea erabaki duzue Barren-en. Jakin nahi nuke komentario horri buruz.

Asier Etxanizentzat
Moderatzailea 2007-10-09 08:38:03

Komentarioak egiteko ez dago ordutegirik, edozein momentutan egin daitezke eta komentarioak zuzenean gehitzen zaizkio albisteari. Ez dakigu zer gertatu den zuk egindako komentarioarekin, baina guk ez dugu ezabatu. Saiatu berriz bidaltzen eta arazoren bat baldin badaukazu, gurekin harremanetan jar zaitezke. Mila esker.

Lehengo ostiraleko Komentarioa
Asier Etxaniz 2007-10-09 12:43:07

Esaten nizuen, irudipena neukala azkenaldian, Barreneta txispa galtzen ari ote den. Albisteetan igartzen da gehien, pisua galdu dute, eta azkenengo albiste honekin goia jo duzue. Lotsagarria da Kotxe antiekologiko eta militarista hau nola laudatzen duzuen. Gero etorriko zarete kotxerik gabeko mundu mailako egunean kontseilu egokiak emanez.

Errespetua ez, nazka ematen du auto horrek, nahi duzuen bezala jantzi, luxua, handitasuna, amerikar telesailak eta abarrak. Ostiralean euria ari zuen, auto hau zuenetik bertan zeneukaten, arkazki parea atera eta albistea finikitatua. Beharbada albiste kopuru gutxienekoa izango duzue eta beti ez da izango betetzerik, baina ostegun gauean azkenengo urtean Elgoibarren bizi den gizon bat atxilotu zuten motibo politikoegatik. Asteartea da eta oraindik ez dut ezer irakurri honi buruz.

Komentarioak egiteko izena eman behar duzu. Sartu hemen

< Aurrekoa		Hurrengoa >

[Atzera]

Barren astekaria

Mediateka

Gida komertziala

Komentarioak

Publizidadea

Iragarki Laburrak

Bideo inkesta

Zine agenda

Azken komentarioak

Komentarioak egiteko

RSS harpidetza

Albisteak ePostaz jasotzeko

elgoibarren.net Elgoibarko Izarra Kultur Elkarteak sortutako ekimena da, Udalaren babesarekin eta Elgoibarko Makina Erremintaren Institutua, Eusko Jaurlaritza eta Gipuzkoako Foru Aldundiaren laguntza ditu