|
Merkadilloa berriz lekualdatzeko aukera eztabaidatuko dute alderdiek |
|
|
|
|
elgoibarren.net
|
|
2007-10-01 11:57 |
 Merkadilloa Sigman. Joan zen barixakuan (irailak 28) egin zen Udalbatzarrean PSE-EEk eta
EB-Aralarek, azken orduan eta ezustean, atzera bota zituzten aurrez
aurkezturiko bi mozioak ( 1-azoka txikia herriko erdialdera ekartzea
2-Udalaren lurzoru-ondarerako lurrak erosteko kontu-sail bat
aurreikustea). Oposizioko alderdien iritziz, Udal Gobernu Taldeak gai hauetaz
berba egiteko azaldutako prestutasuna dago erabakiaren atzean. Gauzak horrela,
gaurtik aurrera, merkadilloa berriz lekualdatzeko aukera eztabaidatzen
hasiko dira alderdi guztiak gobernu-batzordeetan.
Mozioak atzera
Unai Zulaikak (EB-Aralar) eta Ovidio Campellok (PSE-EE) adierazi zutenez, “Gobernu taldeak gai hauetaz berba egiteko azaldu duen prestutasunak bultzatuta erabaki dugu udalbatzarrean aurkeztu genituen bi mozioak atzera botatzea. Alderdi guztiekin berba egin ostean adostasun batera ailegatu gara, alegia, gai hauek Gobernu Batzordeetan eztabaidatuko ditugu”.
Udal Gobernu taldearen gonbidapena
Mozioetan ikutzen diren gaiak gobernu-batzordeetan eztabaidatu beharrekoak direla azaldu zuen
Bittori Zabalak (EAJ) Udal Gobernu taldearen izenean. “Horrelako proposamenak Gobernu Taldeetan aurkeztu behar dira
lehenik, eztabaidatuak izan daitezen. Hala ez bada, etxea teilatutik
hastea modukoa da” azaldu zuen. Ildo beretik, gainontzeko gaietarako ere logika eta bide berdinak erabiltzera gonbidatu zituen alderdi guztiak, “Edozein gai eztabaidatzeko prest gaude”. Gauzak horrela,
gaurtik aurrera, merkadilloa berriz lekualdatzeko aukera eztabaidatzen
hasiko dira alderdi guztiak Gobernu Batzordeetan.
|
zenbat buelta gai berdinari?
katta 2007-10-02 18:43:44
Benetan merezi al du bueltaka ibiltziak merkadiluakin?
Badakit udaletxiak ezuala herrixan iritzixa errespetau, ta gaizki iruditzen jata.
Ez dakit merkadilora joaten dan jende kopurua, baina ez al dozue usten merkadilora jun bia dana sigmara ere jungo dala?
Ni egixa esanda gai honekin aspertuta nau! | kaka galanta
casio 2007-10-02 19:09:52
bai, arrazoia dakzu. kaka galanta ari dia ematen gai honekin. nahikua esplotau debe ya.herrixan badauzkagu arazo larrixuaka, ta ez gera asko akordatzen. | kaka galanta?
yantxa 2007-10-03 08:16:06
Galdetu bere salmentaren % haundi bat galdu duen merkadilloko saltzaileari kaka galanta den, galdetu Sigmako merkadillora joan ezin den nire amamari (santa ana kalea pasatzeko horren erraza da eta....)kaka galanta den...Zuk esan dezu Katta. Udaletxeak ez zuen herriaren iritzixa errespetatu. Ez al da hori nahikoa arrazoi "kaka" honekin aurrera jarraitzeko? Alkateak aukera edarra dauka Marivik egindako "kaka" konpontzeko. Eta bide batez puntu asko irabaziko lituzke herriaren aurrean horren erabaki ximplea hartuta. | Nik....
Mkl28 2007-10-07 20:43:11
Merkatua Karakaten ipiniko nuke, jendeak kirol pixkat egin dezan. |
Komentarioak egiteko izena eman behar duzu. Sartu hemen
|
