elgoibarren.net orainkaria - ‘Balle’ren omenezko kontzertua emango du Musika Bandak domekan

‘Balle’ren omenezko kontzertua emango du Musika Bandak domekan

elgoibarren.net

2007-09-21 10:07

Jose Zubiaurre “Balle”, abuztuaren 12an hil zen Udal Musika Bandako zuzendaria ohiaren omenezko kontzertua eskainiko du Musika Bandak domeka honetan (irailak 23) Herriko Antzokian (12:30ean). Minutu bateko isiluneaz hasiko da kontzertua eta Balleren biografiako hainbat kontu ere azalduko dituzte piezatik piezara dagoen tartean.

Balleren omenezko kontzertua

Eguna: Irailak 23 (domeka)
Ordua: 12:30ean
Lekua: Herriko Antzokia
Zuzendaria: Jose Antonio Osoro

• Kontzertuaren egitarua

*El ultimo romantico*	Soutullo y Vert
*Carmen*	G. Bizet
*Tango for atoreador*	Ch. Snijders
*James Bond 007*	J. De May
*Bella Italia*	H. Kolditz

• Balleren bizitzako zertzelada batzuk

Jose Zubiaurre Leiaristiri, aita Sallobenteko Ballegoitxi baserrikoa zuelako esaten zioten “Balle”, eta halaxe zen ezaguna herrian. Musikaren munduan ibiltzeagatik zen ospetsua herrian. Batez ere, 1936. urteko uztailaren 1ean Elgoibarko Udal Musika Bandan sartu zenez geroztik.
1936tik 1956ra bitartean bonbardinoa jo zuen, Inazio Bereziartuaren zuzendaritzapean. Gitarra klasikoa jotzen ere maisutasuna zuen.
Irakasle bikainak izan zituen: Inazio Bereziartua, Aita Madina eta Ginebrako kontserbatorioko katedratikoa zen Jose de Azpiazu, besteak beste.
1956an Bereziartuaren lekua hartu eta Bandako zuzendari izendatu zuten. 1983. urtera arte jardun zuen Bandako zuzendari. Bete-betean harrapatu zuen Frankismoaren garaia zela-eta, oztopo bat baino gehiagorekin topo egin zuen bidean, baina beti aurrera egiteko kemena izan zuela nabarmentzen dute gertutik ezagutu zuten lagunek.
1981ean omenaldia egin zioten Elgoibarko Odeon Antzokian, Musika Bandari eskainitako urte luzeengatik. Musikaz aparte, antzerkizalea ere bazen. “El Caserio” edo “Los Claveles” zarzuela ezagunetan, esaterako, bera izan zen aktore nagusia.
Abuztuaren 12an hil zen 85 urte zituela.

Notizi honen berri emateko

Komentarioak

ai ai ai
elessar 2007-09-21 12:14:46

Ez da "Balle", Valle baizik. Bere 2. abizena da.

Oi oi oi!
Mcaguen 2007-09-21 14:02:39

Elessar, notizia irakurtzen baduzu, konturatuko zara Valle ez dela Joseren bigarren abizena. Jose Zubiaurre Leiaristi dira bere izen-abizenak, eta aita Ballegoitxi baserrikoa zelako deitzen zioten Balle.

Kontzertuak merezi dau
Ernat 2007-09-21 15:20:12

Elgoibarko Musika Bandan kontzertu guztietara juten geanok ez dogu failauko. Gainera joten ditxuzuen piezak ikusitxa oso ona izateko itxuria daka!

Ondo segi.

meritua
Mkl28 2007-09-22 10:17:34

elgoibarko musika bandaren kontzertu guztietara joaten bazara meritu itzela daukazu txo!!!

Batzuk futbola...
Ernat 2007-09-22 16:01:20

Batzuk futbolarekin disfrutatzen dute, niri musikak ematen dit lasaitasun hori.

Komentarioak egiteko izena eman behar duzu. Sartu hemen

< Aurrekoa		Hurrengoa >

[Atzera]

Barren astekaria

Mediateka

Gida komertziala

Komentarioak

Elgoibar Koloretan

Publizitatea

Iragarki Laburrak

Bideo inkesta

Zine agenda

Azken komentarioak

Komentarioak egiteko

RSS harpidetza

Albisteak ePostaz jasotzeko

elgoibarren.net Elgoibarko Izarra Kultur Elkarteak sortutako ekimena da, Udalaren babesarekin eta Elgoibarko Makina Erremintaren Institutua, Eusko Jaurlaritza eta Gipuzkoako Foru Aldundiaren laguntza ditu