|
66 autok parte hartuko dute bihar, V. San Migel Rallysprintean |
|
|
|
|
elgoibarren.net
|
|
2007-09-07 11:42 |
 Rallya iragartzeko argazki bitxia
Hamaika eskuderiak eta Etxebarriko gazteek antolatzen duten proba
17:00etan hasiko da bihar (irailak 8) eta San Migelgo errepideetan
jokatuko da, Elgoibar eta Etxebarri artean. 66 autok eman dute izena
Euskadiko Rallysprint Txapelketarako puntuagarria den proban.
Elgoibartarrik ere izango da tartean, Aitor Dorado (kopiloto gisa) eta
Jesus de la Fuente eta Angel Maria Irusta “Txispi” Peugeot 205 Rally
auto bat gidatuz, hain zuzen ere.
*Aurtengo bideorik baldin badaukazue eskertuko genizueke gurekin harremanetan jartzea.
Iazko irabazleak
Iaz, maiatzaren 6an jokatu zen San Migelgo Rallysprinta eta Josetxo Zapirainek irabazi zuen lasterketa Renault Maxi Megane Kit Kar auto bat gidatuz. 12 segunduko aldea atera zion bigarren sailkatuari; Bernardo Zozayari (BMW M3). Arkaitz Lotina sailkatu zen 3. postuan.
Faboritoak
Aurtengo lasterketa irabazteko faboritoetako batzuk; Josetxo Zapirain, iazko irabazlea eta bere auto berria Seat Cordoba WRC, Ramon Apalanza ( Mitsubishi EVO VI), eta Xabier Lujua ( Skoda Octavia WRC) dira.
Gaueko 22:00etarako amaitzea espero dute
Antolatzaileek 2 ordu atzeratu behar izan dute hasiera ordua: 15:00etatik 17:00etara, txirrindulari lasterketa batekin bat ez egiteko. Hau dela-eta amaiera ere atzeratu egin da, eta gaua sartuta dagoela emango diote amaiera aurtengo motor festari, 22:00ak inguruan.
• Oharra: errepideak lasterketa hasi baino ordubete lehenago itxiko dituzte, 16:00etan
|
Afiziua
Ander 2007-09-07 13:11:41
Euskal Herrixan kotxiekiko dauan afiziuakin, zela ez dao zirkuito dezenterik? | Euskal Herrixan dauana....
Mkl28 2007-09-08 12:00:25
.... kotxiekin eta motorrekin txoruan pare ibiltzen dan TXORIBURU asko da.
Gero euliak bezela jausten dira mundu horretan dabiltzan hainbat eta hainbat gazte.
Tristea, baņa egia. |
Komentarioak egiteko izena eman behar duzu. Sartu hemen
|
