Guztiz ikusgarria izan bada ere, ez da inor zauritu arratsaldeko 18:45 inguruan kamioi-artikulatu batek San Antolineko errotondan izan duen istripuan. Bi zatiko kamioi erraldoiaren atzeko aldea irauli eta gurpilak zerura begira geratu dira errotondan bertan; karga guztia, berriz, lurrean botata. Gidaria eta gidari laguntzailea onik atera dira, baina “benetako beldurra” pasa dutela aitortu digute.

Gidari laguntzaileak, galiziarra bera, pasatako sustoa eta gero ez dela berriz kamioi batera igoko dio

Gidari laguntzailea: "ez naiz berriz kamoi batera igoko"
Gidari laguntzailek, Vigoko galiziarra bera, ez dauka berriz kamioi batera igotzeko inolako asmorik, “izugarria izan da, bizirik nago hau kontatzeko, eta ez da gutxi. Demasekoa izan da! Errotondan sartu orduko igarri dugu atzeko aldea altxatzen hasi dela, baina aurreko aldea ere bazter batera makurtzen hasi denean, orduan bai beldurtu naizela benetan. Lau urte daramazkit txofertzan eta istripu bat eduki dudan estreinako aldia den arren, gehiago ez naizela kamioi batera igoko uste dut” aitortu digu.

 

Gidaria, errumaniarra bera, isilago zegoen, baina gertatutakoari ezin buelta emanda. Alkoholemia kontrola ere egin die Ertzaintzak eta ez dute positiborik eman.

 

Elgoibartik Mutrikurantz zihoan kamioia istripua izan duenean.

Miranda De Ebrotik Mutrikura zihoan
Gidari laguntzaileak, Miranda de Ebrotik zetozela argitu digu eta helburutik oso gertu izan dute zoritxarreko istripua, Mutrikuko supermerkatu batetara baitzeramaten kamioiko karga; era guztietako produktuez bete-beteta. Renault etxeko eta Ourenseko matrikuladun kamioitzarrak 13 tona pisatzen ditu hutsik dagoenean eta 26 tona eraman ditzake gehienez, beteta badago.

 

Autoa ilarak errepidean

Trafiko ilara arinak sortu dira Iraulita geratu den posizioan, ozta-ozta, baina ez da Debarantzko erraia moztu beharrik izan. Kamioiak autoak igarotzeko zirrikitu nahikoa laga du eta bertatik bideratu ahal izan dute trafikoa Ertzaintzako eta Udaltzaingoko agenteek. Gero bai, iraulitako kamioi zatia zuzentzera etorri diren garabiak (3 guztira) lanean hasi direnean trafikoa moztu behar izan dute 20:30ak aldera, eta trafiko ilarak sortu dira Debarantz.

 

• Azken aldian istripu gehiago izan dira ingurune honetan. Ikus hemen: elgoibarren.net (2006-10-16)

ARGAZKIAK:

Kamioiko gidaria etsita

Gruak zuzendu du kamioia

 
 

 

 

 

---

Notizi honen berri emateko