Elgoibarko udaltzainek eta Eibarko Ertzain-Etxeko agenteek bi lagun atxilotu zituzten, joan den zapatuan, indarkeria erabiliz lapurreta egitea egotzita. Atxilotuetako bat adintxikikoa da.

 

 Ertzaintzaren arabera, zapatu gauean, 23:00ak aldera, hiru lagunek beste bat nola inguratzen eta “jipoitzen” zuten ikusi zuten Ertzaintzako patruila bateko kideek, Urazandi kaleko lehen blokeko etxeen azpian dagoen pasabidean (goiko argazkian). Praketako poltsikoan eskua sartu eta diru-zorroa nola osten zioten ere ikusi zutela adierazi dute. Ertzainek inguruan zebiltzan udaltzainei jakinarazi zieten ikusitakoa eta elkarrekin bertaratu ziren.

 Agenteak ikustean ihesari eman zioten susmagarriek, baina Ertzainen autoa erabiliz bidea oztopatu eta hiru lagunetako bat atzeman zuten. Atxilotzerako unean ertzain bat jo eta gogor egin zion aurka poliziari. Ihesari eman zion beste gazteak ere poliziari aurka egin zion, baina udaltzaingoko agenteek eta ertzainek atxilotzea lortu zuten.

 Atxilotuetako batek 18 urte ditu eta 16 urte besteak. Indarkeria erabiliz lapurreta egiteaz gain, atentatu delitua egotzi diete gazteei, atxiloketaren unean agenteei eraso egiteagatik. Polizia aurrekariak dituzte batak zein besteak.

 Atxilotu eta gero Eibarko Ertzain-Etxera eraman zituzten delituaren inguruabar eta zertzelada guztiak jaso ahal izateko eta delituaren kalifikazio zehatza egiteko. Alabaina, adintxikiko laguna berehala aske laga zuten, hala eskatutakoan epailearen aurrean agertzeko betebeharrarekin. Beste atxilotua epaileen esku laga zuten.

Ustez lapurretan parte hartu zuen hiruugarren laguna zein den jakiteko ikerketak aurrera jarraitzen duela gaineratu du Ertzaintzak, ihes egitea lortu zuen-eta. 

 

∞Lotura duten albisteak:

• Bi lagun atxilotu dituzte beste bati labanaz eraso egin dotelakoan (2012-06-11)
• Bi gizon atxilotu dituzte, gezurrezko pistola batekin beste gizon bati tiro egiteagatik (2012-05-10)
• Gizonezko bat atxilotu dute, droga trafikoa leporatuta (2012-02-27)
• Hainbat lapurreta izan dira azken egunetan Elgoibarren (2011-11-06)
• Inkestatzaile faltsuekin tentuz ibiltzeko ohartarazi du Udaltzaingoak (201107-04)
• Labana batekin mehatxatu ostean sakelakoa eta diru ostu diete bi umeri (2011-03-21)
• 43 garajetan sartu eta hiru auto ostu dituzte Upaiz Zaharra kalean (2011-03-01)
• Lapurretan egin zuten atzo Mendaron, Landa eta Uztargi tabernetan (2010-03-25)
• Auto karabana barruan topatu du lapurra jabeak, telebista ikusten (2010-04-13)
  
• Mintxetako tabernan lapurretan egin dute (2010-03-17)
• Lapurretan egin zuten atzo Mendaron, Landa eta Uztargi tabernetan (2010-03-25)
• Kamioietatik gasolioa osteagatik atxilotu dute lagun bat (2010-03-15)
• Mendaroko Trinitate eliza argirik gabe laga dute lapurrek (2010-02-17)
• Berea ez den txartelarekin 3.000 euro osteagatik atxilotu dute (2010-01-14)
  
• Bi lagun atxilotu dituzte Elgoibarko lokutorio batean lapurreta egiteagatik (2009-10-27)
• Gaztetxea hankaz gora laga eta lapurreta egin dute (2009-09-23)
• Lapurreta 'Gys Sport' kirol dendan eta kalteak Mintxetako aldageletan (2009-06-16)
  
• Bi lagun atxilotu dituzte Madalako denda batean lapurreta egiteagatik (2009-04-29)
• 80 zapata paretik gora ostu dituzte Osoro Oinetakoak dendatik (2009-03-17)
  
• Plasma telebista bat eta 750 euro ostu dituzte La Perla tabernatik (2009-02-18)
• Zazpi urte eta erdiko kartzela zigorra txinatarren dendan lapurtzeagatik (2009-02-12)
• Lapurreta aldageletan eta txartel gorria, Eli Ibarraren egunik beltzena (2009-02-17)
  
• Hiru ustezko lapur atxilotu dituzte ausartegi gidatuz ihes egin eta gero (2009-02-11)
• Asteburuak bandalismo arrastoak laga ditu herriko komertzioetan (2008-10-16)  
  
• Lokal batean lapurreta egin eta sua eman zioten (2008-10-07)
• Lapurretak ugaritu direla-eta etxeko atea giltzaz ondo ixteko gomendatu du Ertzaintzak (2008-09-22)
  
• Lapurreta egin dute Fadek ile-apaindegian (2008-06-04)
• Txuri-Beltz tabernan ostu zuten lapurrak segituan atxilotu zituzten (2008-05-09)
• Lapurretan egin dute Azkue Argazkiak dendan, bigarren aldiz denbora gutxian (2008-04-14)
  
•  200 prakatik gora lapurtu dituzte Garate Jantzidendatik (2007-10-26)
  
•  7 lapurreta egin zituen ustezko lapurra atxilotu zuen Ertzaintzak (2007-09-12)
•  Bi lapurreta Elgoibarren (2007-02-15)
•  Atxilotu dute txinatarren dendan lapurtu zuen ustezko lapurra (2007-06-06)
•  Lapurreta egin dute San Bartolome parrokian (2007-06-05)
•  Butano bonbona bat erabiliz lapurtu dute Azku Argazkiak dendan (2007-01-03)

---

Notizi honen berri emateko