CD Debabarrena areto futbol klubak egitarau zabala antolatu du barixakuan (maiatzak 18 ) hasi eta domera arte, Sumandu-Gehituz lelopean egingo den jaialdiaren barruan. 240 lagunentzako lekua prestatu dute, eta jana eta edana ez da faltako Madalako karpapean. Bertan, herritarrek adin guztietarako antolatu diren kalitatezko jarduera ugariz gozatzeko aukera izango dute. (egitaraua dauka)

Bi helburu dauzka jaialdiak: batetik, helburu soziala. CD Debabarrena klubak 25 urte egingo ditu datorren denboraldian, eta herritarren artean zabaldu nahi dute. Herritarrak gehitu nahi dituzte klubera; jokatzera, laguntzera edota partidak ikustera. Bigarren helburua ekonomikoa da. CD Debabarrenak 160.000 euroko aurrekontua dauka, eta helburu horri aurre egiteko dirua bildu nahi dute asteburuko jaialdiarekin.
 Gehituz egitasmoaren lehenengo jaian adin eta gustu guztietako herritarren tamainarako egitaraua prestatu dute, areto futbolean denek daukatelako lekua. Elgoibarko udalaren, elkarteen eta eragileen laguntzaz, musika eta kirola uztartu dituzte egitarauan, ez dute-eta inor kanpoan laga nahi, eta herritar guztiak gonbidatu nahi dituzte areto futbolera. Jose Ramon Iriartek eskerrak eman dizkie egitaraua prestatzen lagundu dieten guztiei, eta parte hartuko duten guztiei, musutruk jardungo dutelako lanean. Era berean, Danborradaren batzordeko kideek emandako aholkuak oso garrantzitsuak izan direla nabarmendu du.

• Jaialdiko egitaraua ikusteko egin klik goiko taulan edo klikatu hemen

 

 

 

---

Notizi honen berri emateko