Ura aurrezteko kanpainaren barruan, famili elgoibartar bakoitzari
Erreduktore Bolumetriko bat emango dio Elgoibarko Udalak. Komuneko
zisternaren hondoan jartzen den urez betetako plastiko malguzko
tramankulu honi esker, pertsona bakoitzak urtean 4.000 litro ur
aurreztea espero dute udal agintariek, alegia, ur kontsumoa %12
murriztu ahal izatea.
Joan zen martitzenean (apirilak 10) hasi zen Udala Erreduktore Bolumetrikoak banatzen. Familia elgoibartarrek postontzian jasoko dituzte erreduktoreak.
Erreduktore bolumetrikoaren ezaugarriak:
 Zisterna barruan sartu behar da erreduktorea
• Pertsona bakoitzak urtean 4.000 litro ur aurrezten ditu.
• Zisterna erabiltzen dugun bakoitzean 1,5 litro ur aurrezten ditugu.
• Komuna da etxeko uraren %30 gastatzen duena. Hortaz, etxeko ur kontsumoaren %12 aurreztu daiteke asmakuntza honekin.
• Dirua aurrezteaz gainera, ingurumenean eragin txikiagoa izatea lortzen da.
• Metodo hau erabiliz gero, 400 lagunek urtean, igerileku olinpikoak hatzen duen ura aurrezten dute, Udalak emandako datuen arabera.
Erabiltzeko modua:
 Erreduktore Bolumetrikoaren lehen planoa
• Urez bete eta gatza bota (2 koilarakada).
• Zisterna hondoan jarri eta bertan laga behin betiko.
• Bere tamainaren pareko ur kopurua aurrezten du Erreduktore Bolumetrikoak.
• Bere diseinuari esker, zisterna guztietara egokitzen da bere mekanismoa hondatu gabe.
• Plastiko malguzkoa da eta apenas hartzen du bolumenik zisterna barruan.
• Instalatzeko ez da behar teknikaririk.
• Merkatuan dauden gainontzeko ur aurreztatzaile guztiekin bateragarria da.
Aholku praktikoak:
Elgoibarko Udaleko Hirigintza eta Ingurumen Batzordeak ura aurrezteko hainbat aholku eta aurreztuko litzatekeen ur kopuruaren inguruko datuak zabaldu ditu:
-Hobe da dutxatzea bainatzea baino. (90 l.)
-Ura aurrezteko mekanismoak jarri. (20 l.)
-Garbigailua beteta dagoenean bakarrik erabili. (25 l.)
-Platerak eskuz garbitzen badituzu, ez eduki kanila irekita. (50 l.)
-Kanila itxi, hortzak eta eskuak garbitzen direnean edo bizarra kentzerakoan. (15 l.)
-Ontzi garbigailua, beteta dagoenean bakarrik erabili (75 l.)
|
iradokizuna
herriko bat 2007-04-12 12:30:03
Gustora jaso dogu ekimena eta erredukotea bolumetrikoa baina deigarria egin zaigu gaztelera hutsean dagoela ikustea. | zergatik euskaraz ez
euskaldun bat 2007-04-12 20:13:05
gustora jaso dot nik ere, ideia ona beintxendu jata, eta jarri dot komunian, baina ez dot ulertzen zegatik udaletxe onek erderaz bakarrik bialdu digun poltsatxua, eta papelian dauan itzulpena ere oso txarra da...oso jarrera txarra dao euskararekiko, ezin dot ulertu, formak ere ez dituzte gordetzen. | euskara eta PNV
euskara eta PNV 2007-04-12 21:33:55
ez da normala PNVren jarrera euskararekiko, beti berdin dabiltza, aurrekoan ajenda, eta orain hau, plenoetan ere berdin dabiltza, dana erderaz.... normala da bere izena idazten ez dakien alkatesa batekin..... (aguirregomezcorta)eta abar.... | euskera
gaztia 2007-04-12 21:50:05
Lelengo, uste det EAk kontrolatzen dabala euskara saila . Oker banabil zuzendu nazazue, eta barkatu.
Horrez gain, udaletxe honek arrespetu gutxi azaltzen du hizkuntzekiko, behin eta berriro euskera edo gaztelania, bietako bat marginatuz. Bestela begiratu polikiroldegiko kantxan jarri dituzten kartelak, edo zuek esan bezala agenda hura.
Azkenik, uste dut txalogarria dela ura aurrezteko ekimen hau, baina administrazioak baditu lan garrantzitsuagoak, hala nola, horrenbeste ur (batzuen arabera uraren %30a) galtzen duten hodiak konpontzea . | marginazioa
munduko bat 2007-04-13 07:36:32
Ura aurrezteko neurriak hartzea oso ideia ona iruditzen jata eta denok kontzientziatu beharko ginake iturria zabaldu eta faltarik ez edukitzea ez dela toki guztietan gertatzen.
Euskarari buruz, gaztia, hizkuntza minorizatu bat indartu nahiz izanez euskara hutsean jarri ezkero kartel ulerterrazak, marginazio egokia begitantzen jata. | Dagokiona dagokionari
betikoa 2007-04-13 15:06:12
Hemen ari zerate euskara dala ta ez dala baina hemen aritzeak ez gaittu inora eramaten. Udalaren jardunari buruzko kexak bertara bideratu bihar diazela pentsatzen dot,eta idatziz badiaz hobe, horrela erantzuna jasoko debe udaletik, hor dago Herritarrentzako Arreta Bulegoa, aprobetxa dezagun! |
Komentarioak egiteko izena eman behar duzu. Sartu hemen
|
