Mundu mailako gazta lehiaketa garrantzitsuenetakoa dira World Cheese Awards sariak. Urtero Londonen egiten den lehiaketara munduko bazter guztietako 2.000 gaztatik gora aurkeztu dira aurten, tartean Jesus Maria Ansolak Mausitxa baserrian egiten duen jatorrizko Idiazabal gazta. Gaztagile elgoibartarrak babestutako gazten atalean irabazi du brontzezko domina.

 

 

 

Idiazabal Jatorri Deiturako gaztek 12 domina irabazi dituzte World Cheese Awards lehiaketa prestigiotsuan. Ez da marka makala, batez ere, kontutan hartuz munduko gaztarik ezagunenekin lehiatu behar izan zutela, besteak beste, Ameriketako Estatu Batuetako 250 gazta edo Hegoafrikatik aurkeztu ziren 50 gazten aurka.

Gauzak horrela, esan daiteke munduko gaztarik onenen parean dagoela Arriaga auzoko Mausitxa baserrian ardi esnearekin egiten dutena. 

 

Honako hauek dira dominak irabazi dituzten gaztagile euskaldunak:

• Urrezko dominak:

-Patxi Otaegi (Beizama)

-Idoia Leonet (Beizama)

-Jose Maria Jauregi (Araba)

-Ricardo Remiro (Nafarroa)

• Zilarrezko dominak:

-Nikolas Segurola (Arantzazu, Oñati)

-Ekain Murua (Oñati)

• Brontzezko dominak:

-Jesus Maria Ansola (Elgoibar)

-Pedro Zuzuarregi (Tolosa) 

 

 

 

 

 

 

---

Notizi honen berri emateko