Miskiren bitartez batutako diru-laguntza eramatera joan da Gemma Agirregomezkorta Peru aldera. Aurtengo aurrekontua osatzea ez dela “erraza” izan aitortu duen arren, ez da esku hutsik joan; hainbat lagun eta erakunderen esku zabaltasunari esker batutako 33.500 euroekin baizik. Lagundu duten guztiak eskertu nahi ditu Miskik, baina Miskik berak ere jasotzen du esker ona; Juan Antonio Ugarte Cuscoko Artzapezpikuarena kasu (ondoko argazkian).

  Otsailaren 26an hasi zuen Gemma Agirregomezkortak urtero Peru aldera egiten duen bidaia.

 Joan aurretik, Cuscoko haurrak eskolatzeko dirua eman duten guztiak eskertu nahi izan ditu Agirregomezkortak. “Miskiri laguntza eman dioten lagun guztiak eskertu nahi ditugu; bai kalean (Elgoibarren eta Mendaron) errifak erosiz lagundu digutenei, bai ikastetxeei (Elgoibar Ikastola eta Herri Eskola). Elgoibarko eta *Getariako Udalak, Milagrosa elkartea eta La Caixa banketxea ere eskertu nahi nituzke egin dituzten ekarpenegatik. Eta, noski, ez nituzke ahaztu nahi eskupekoak eman dizkiguten guztiak. Netto supermerkatuari eta Caja Rural aurrezki kutxari ere luzatu nahi diet esker ona laga diguten material guztiagatik, eta azkenik, baita Arrillaga inprentari ere errifak musutruk ateratzeagatik”.

 Aurtengo aurrekontua osatzeko zailtasunak izan dituztela onartu du Miski Gobernuz Kanpoko Erakundeko aurpegi ezagunena den Gemma Agirregomezkortak, baina pozik dago azkenean helburuetara iristea lortu ahal izan dutelako. Ondorengo taulan ikus ditzakezue Miskik aurtengo kanpainan jasotako diru kopuruak eta laguntzen jatorria.

Laguntzaren jatorria	Dirua (eurotan)
Apadrinamenduekin	19.300
Errifen salmentatik	9.524
Elgoibarko Udalak	3.000
Oñatiko Santa Anak	500
Milagrosaelkarteak	450
Partikularren eskupekoak	420
La Caixak	230
Pañpiñen eta boligrafoen salmentatik	160
Iazko kaxatik geratzen zena	159
SARRERAK Guztira	35.075
2011ko aurrekontua (*gastu guztiak barne)	33.572

 

  *Getariako Udalak emandako 880,70 euroak laguntza berezietarako erabiliko dituzte.

 

∞Lotura duten albisteak:

• Gemma Agirregomezkortaren eskutitza Peruko presidenteari (2010-03-10)
• Zenaydaren ametsa egia bihurtzen lagundu du Gemma Agirregomezkortak (2009-04-20)
• Peruko umeek estreinatu dituzte Elgoibartik bidalitako kirol ekipamenduak (2009-03-16)
• 1.700 euro batu ditu Miskiren aldeko jaialdi benefikoak (2009-03-03)
• Expresion Sonora eta Haritz elkartuko ditu Miskik Herriko Antzokian (2009-02-27)
• 21 afari zozketatuko ditu Miskik Perurako laguntza lortzeko (2008-06-16)
• Errifa guztiak saldu eta 6.100 euro batu ditu 'Miski'k (2007-10-08)
• Peruko haurrak eskolatzeko 24.774 euro batu ditu ‘Miski’k 2006an (2007-01-23)

 

 

 

---

Notizi honen berri emateko