Mikel Markezek eta Pako Aristik tabuak izango dituzte hizpide, gaur (martxoak 16), Musika Eskolako auditorioan (20:00) eskainiko duten Tabuak saltsa berdean emanaldian. Korrika Kulturalaren baitan antolatu diren ekitaldietako bat izango da.

 

 

 

 

Mikel Markez abeslaria eta Pako Aristi idazlearen arteko elkarlana ez da berria, lehendik ere eginak baitituzte saio ugari elkarrekin, besteak beste: Tribuaren hitz galduak eta Abiadura handiko urte baten kronika, biak ere oso arrakastatsuak.

 

 

 

Tabuak saltsa berdean ikuskizunean gure arteko tabuak errepasatzen dituzte, umorez, samurtasunez, eta aldi berean sakontasunez. Pako Aristiren olerki eta ipuinetako batzuk “harrikada gogorrak dira normala bizi dugun mundu petral honen kontra”.  Kantuak, musika eta ipuin berriak nahasten dituzte, jendearen bihotzera iristeko asmoz.
Mikel kantari, bere gitarra soilaren laguntzarekin eta Pako olerki eta ipuin laburrak errezitatzen eta, tarteka, musika ere jotzen pianoan edo gaitarekin.

• Non: Musika Eskolako auditorioan
• Noiz: Martxoak 16 (20:00)
• Sarrera: doan
• Antolatzaileak: Ekitaldi hau Korrika Kulturalaren barruan antolatu da,Udal Euskara  Sailaren eta AEK euskaltegiaren lankidetzaz.

 

 

KORRIKA KULTURALA

 

Martxoak 22

20:00 Txorixak galduta egozenian (dokumentala). Herriko Antzokian

Martxoak 23
14:45 Korrika Txikia (King-kong-etik Plaza Handiraino)
22:15 Emetik bertso kabareta (Kultur Etxeko sotoan)

Martxoak 25
14:30 Korrika 15i ongi-etorria (Sigmako zubian)
16:30 “Cristobal Molon” filmaren emanaldia (Herriko Antzokian).

 

 

---

Notizi honen berri emateko