|
'Eramos Pocos' Borja Kobeagaren film laburra emango du Ongarrik |
|
|
|
|
elgoibarren.net
|
|
2007-03-15 11:14 |
Azken Ordua: Herriko Antzokira joan ezin zenutenontzat ikus hemen: YouTube Borja Kobeagaren Eramos pocos film laburra. Lan honi esker Oscar Sarietako film laburren ataleko 5
hautagaietako bat izan zen Kobeaga zuzendari donostiarra. Ongarri
Zine Klubak zinta lortzeko aukera izan du eta gaurko (martxoak 15) Zine
Klubeko saioan eskainiko du Herriko Antzokian.
 Borja Kobeaga zuzendari donostiarra -ek 15 minutuko iraupena du, eta aita-seme batzuen istorioa kontatzen du. Oso gazte hasi zen Kobeaga (Donostia, 1977) filmak egiten eta bideo jaialdietan parte hartzen. Ikus-Entzunezkoetako lizentziatura egin zuen EHUn, eta telebistan aritu da lanean -errealizatzaile, gidoigile zein zuzendari-; besteak beste, Espainiako Tele5 kateko Gran Hermano saioan eta ETB2ko Vaya Semanita-n.
Eramos pocos filmaren gidoiarekin Medina del Campoko Zinearen Asteko film laburren proiektuen Estatuko VIII lehiaketa irabazi zuen. Sari horri esker lortu zuen proiektu hori filmatzea eta estreinatzea.
Ondoren luzemetraia
Ramon Barea eta Marivi Bilbao protagonista dituen film laburraren ostean Aki Kaurismaki finlandiarraren Luces al Atardecer luzemetraia eskainiko du Ongarrik. Ohikoa dutenez, 21:30ean hasiko dira emanaldiak.
|
Merezi du ikusteak
Izaro 2007-03-15 12:54:12
"Eramos pocos" oso ona iruditu zitzaidan. Aurrekontu gutxirekin bada ere kontatzen dena interesgarria bada zerbait "txukuna" egin daitekeela erakusten digu. Superprodukzio asko baino hobea. |
Komentarioak egiteko izena eman behar duzu. Sartu hemen
|
