Datorren martxoaren 19an, astelehenean, martxan jarriko den bidaiarien garraio zerbitzu berriari esker, maiztasun handiagoak eta linea berriek Debabarrena eskualde barruko lotura hobetuko
dute. Izan ere, Gipuzkoako Foru
Aldundiak eta Elgoibarko, Debako, Mendaroko, Mutrikuko, Soraluzeko eta
Ondarroako udalek errepide bidezko garraio publikoa sustatzea adostu
dute. Hiru ibilgailu berri eta 7 gidari gehiago jarriko dituzte, 300.000 euroko kostua izango duen zerbitzua abiarazteko.
Linea berriak, maiztasun handiagoa eta Express zerbitzuak dira
Gipuzkoako Foru Aldundiak aipaturiko udalekin eta Eusko Tren Errepideak
zerbitzuaren emailearekin lankidetzan egiten duten “apustu sendo eta
berrituaren oinarri ”.
 J.J. Gonzalez de Txabarri, Marivi Agirregomezorta eta Koldo Azkoitia |
|
Joxe Joan Gonzalez e Txabarri Gipuzkoako Diputatu Nagusiak eta Koldo Azkoitia Lurralde Antolaketa eta Sustapenerako foru diputatuak aurkeztu dituzte, eskualdeko alkateak ere bertan zirela, herriarteko zerbitzu berriak eta helburu berriak, gaur goizean Elgoibarko Udalean.
• Eibar eta Deba lotuko duen linea azkarrekin (Express), egungo zerbitzua nabarmen hobetzea.
• Debabarrenako herriak artikulatzea eta Eibar eskualde buruarekin lotzea, maiztasuna handituz, hartara ondoko eskualdeekin eta Donostiarekin lotura ere hobetze aldera. Gainera, Itziar eta Deba artean, taxi-bus zerbitzuaren bidezko lotura ezarriko da.
♦ ZERBITZU BERRIAK linea hauetan:
|
·
Eibar-Deba linea (Express
zerbitzua):
|
|
Eibar-Deba ardatza indartuko da zerbitzuaren
maiztasuna handituz. Zerbitzua 30 minutuan behin emango da puntako orduetan:
06:30-09:30 // 12:00-15:00 // 17:00-19:30. Linea horretan, Eibar eta Elgoibar
arteko maiztasuna 15 minutukoa izango da ordu tarte beretan. Apirilaren 1etik
irailaren 30era, zapatutan eta domeketan, 30 minutuan behin izango da
zerbitzua, 11:30-14:00 eta 16:30-20:00 ordu tartetan, kostaldearekin lotura
errazteko.
|
|
·
Soraluze-Eibar linea:
|
|
Soraluze hobeto egongo da lotuta Eibar
eskualde buruarekin. Zerbitzu berri hau Soraluzetik 30 minutuko maiztasunez abiatuko
da, eta herria hobeto lotuko du Eibartik Donostia aldera eta beste herri
batzuetara abiatzen den zerbitzuarekin ere.
|
|
·
Soraluze-Mendaroko Ospitalea
linea:
|
|
Goizean bi zerbitzurekin, eta beste birekin
arratsaldean, guztiak zuzenak, Mendaroko ospitalera errazago joateko aukera
izango da.
|
|
· Taxi-bus zerbitzua:
|
|
Deba eta Itziar arteko loturan, eguneroko bi
autobusez gain, lau taxi bus zerbitzu ezarriko dira lan egunetan, eta bi,
zapatuetan eta jai egunetan.
|
♦
Debabarrenako beste linea batzuk:
• Ermua-Azpeitia: egungo ordutegiek eta zerbitzuek bere horretan jarraituko dute
• Eibar-Azpeitia (gauekoa): Joan-etorriko 3 zerbitzuek jarraituko dute, baina ordutegia aldatuko zaie trenaren ordutegiarekin tartekatzeko.
• Eibar Elgeta: egungo zerbitzuek bere horretan jarraituko dute.
• Eibartik Pesa-k egiten dituen eskualde arteko lineek bere horretan jarraituko dute.
Flota berria eta gidari gehiago:
* Zerbitzu berriek gidari gehiagoren beharra izango dute, baita autobus berrien beharra ere. Autobus horiek irisgarritasun aldetik bidaiari-bezeroaren beharrei erantzuteko modukoak izan behar dute.
* 7 gidari gehiago behar izango dira
* 3 ibilgailu berri izango dira, egungoekin (12) batera zerbitzu guztiak betetze aldera.
* Urteko km.ak %32,95 gehituko dira; guztira, 238.854 km. Izango dira.
300.000 euroko kostua
Bidaiarien garraio zerbitzu berria martxan jartzeak 300.000 euroko kostua izango du. Finantzazioa:
* Foru Aldundiak (%60)
* Udalek (%20)
* Eusko Tren Errepideak enpresak (%20).
|
Hauteskundeak urtero balira...
Asier 2007-03-12 14:07:26
Berri ona da. Hala ere, nik nahiago nuke ordulaurdenero edo orduerdiro gelditzen dena trena balitz eta ez autobusa. Ermuatik Eibarrera dabilen bezala. | azpeitia-elgoibar
Azpeitia-elgoibar autobusak 2007-03-23 15:43:32
Elgoibar azpeitikin oso gaizki komunikatuta dago , oso autobus gutxi daude egunean zehar | Eta hiriburuetara joateko?
Bidaiari 2007-03-23 15:54:36
Azken urteotan kendu egin dituzte Elgoibartik Bilbora edo Gasteizera joateko autobusak. Ondo dago Debabarreneko herrietara joateko busak jartzea, baina kendu dituztenak ere berriro ipini beharko lituzkete. Garraio publikoa erabiltzeko eskatzen digute, baina ez digute horretarako aukerarik ematen. Gero eta txarrago gaoz. | Alboko herrira....
Iņaki 2007-03-25 11:01:56
Bai, alboko herrira joateko aukera gutxi dugu. Ez ez, Eibarrera ez, Soraluzez ari naiz. Donostiatik datozenak eta Mendarora dituzten lau autobus soilik ditugu alboko herrira joateko. Beno eta alboko herrikoek eotrtzeko. |
Komentarioak egiteko izena eman behar duzu. Sartu hemen
|
