Gaur inauguratu den Apraizko Hondakin Uren Araztegiak,
Elgoibar, Soraluze, Eibar, Mendaro, Ermua eta Mallabiako 90.000 lagunen
hondakin urak garbitu ahal izango ditu. Guztira 16.223.000 euroko
kostua izan du; Gipuzkoako Foru Aldundiak %60a ordaindu du eta
Gipuzkoako Ur Kontsortzioak gainerako %40a.
◊ BIDEOA
•
Ikus hemen Joxe Joan Gonzalez de Txabarri diputatu nagusiaren adierazpenak
Azpiegitura hau Gipuzkoako Foru Aldundiak eta Gipuzkoako Ur Kontsorzioak 2.000. urtean sinatu zuten lankidetza hitzarmenean jasota dago, izan ere, hitzarmen horretan guztira 26 milioi euroko aurrekontua zuten azpiegitura hidraulikoak jaso ziren. Obra horiek guztiak amaituta eta martxan daude dagoeneko.
Inaugurazio ekitaldian parte hartu duten agintariak:
*Joxe Juan Gonzalez de Txabarri (Gipuzkoako diputatu nagusia)
*Leire Ereño (Gipuzkoako Batzar Nagusietako lehendakaria)
*Esther Larrañaga (Eusko Jaurlaritzako Ingurumeneko sailburua)
*Luis Mari Oyarbide (Garapen iraunkorrerako foru diputatua)
*Bittoriano Gallastegi (Gipuzkoako Ur Kontsorzioko lehendakaria)
*Marivi Agirregomezkorta (Elgoibarko alkatea)
Funtzionamenduari buruzko xehetasunak
Apraizko araztegian SBR sistema berria erabili da. Sistema hau Espainian erabili den estreinako aldia den arren, oso erabilia da garatutako beste herrialde batzuetan: Alemanian, Kanadan edo Belgikan, besteak bste. SBR sisteman, garbiketa biologikoaren 3 oinarizko prozesuak (denitrifikazioa, nitrifikazioa eta dekantazioa) elkarren segidan egiten dira tanke berean. Sistemaren tanke bakoitzak 6 orduko zikloetan egiten ditu betetze, dentrifikazio, nitrifikazio, sedimentazio eta huste lanak. Beraz, gutxienez bi erreaktore behar dira etengabe ateratzen den hondakin urak zerbitzuan dauden tankeak betetzeko.
Apraizko araztegiak 6 tanke ditu eta guztira 28.500
m3-ko bolumena. Ziklo bakoitzeko prozesuetarako behar diren ekipo
guztiak ditu tanke bakoitzak: betetze-balbulak, irabiagailua,
aireztapena eta difusoreak, erreaktore bakoitzeko haize emaile bat eta
beste bat erreserban, dekantagailua eta huste balbula. Halaber, prozesu
baten iraupena kontrolatzeko eta hurrengo prozesura joateko behar diren
tresnak ditu. Hasteko, 6 tankeetatik lautan jarri dira ekipoak,
nahikoak gaur egun sartzen den ur emarirako.
Ohikoaren aldean SBR sistemak duen onura prozesu bakoitzaren iraupenean aurki daiteke, izan ere, besteak beste, hondakin ur eta tenperaturaren baldintza aldakorretara egokitu daiteke. Horrela, kutsatzaileak ezabatzeko prozesua hobetu daiteke eta, gainera, energia aurreztu.
Argazkiak:
|
Zenbat lan
Mike 2007-03-12 18:09:15
Dedio! zenbat lan gure txarrikerixak garbitzen. Zenbat lan eta zenbat zakukada euro jarri beharko ete doguzen gure poltsikoetatik erreka eta inguruak garbi edukitzeko kapazak ez geralako. Gezurra dirudi; 26 milioi euro! Zikiera hemendik urte batzutara -2012xan diñue- Deba ibaixan bainatzeko balio badau honek danak... Nik neure begixekin ikusi arte ez dot sinistuko.
Depuradora honek badauka lana. Ibaixa hasi dan honetan ibai bazterrak zikinkerixa eta zakarrez beteta nola geratu dian ikustia besterik ez dago, lotsagarrixa. Natura eta estetikari atentatua, bizixan iturburu dian ibai gardenak bihar luketenak egoera honetan ikustia.
Kontua da horren ohituta gaudela gure ibaixa zikin ikustera, nik neuk bizi osuan ezagutu dot hola, edo okerrago, OHITU egin gerala. Normaltzat jotzen dogu, batere normala ez dana. Eta asko hobetu bada ere, oraindik badago jendea basura poltsak ibaira botatzen dituena, eta oindik okerragua, azken udaretan dauan bizi apurra akabatu daben isurketak egon dia, nondik izan dian inork ez badaki ere. | inaugurazioak
aurresku 2007-03-13 13:04:24
Benetan penagarria iruditzen zait gaur egun egiten den aurreskuaren erabilera. Zer sentituko ote dute dantzariek depuradora bati dantza egiterakoan? edo plaza txikiko basura subterraneo berriei dantza egitean hauen inaugurazioan? beharrezkoa al da inaugurazio bakoitzean alkate eta agintariei aurreskua dantzatzea, zer eta beraien lana egiteagatik? | aurresku- ri
dantzazalea 2007-03-14 20:05:54
Neri ere ez jata oso ondo iruditzen basura batzuei dantza eitxia. Baina ez dogu euskal dantza ikusteko aukerarik askorik izaten, eta inaguraziuei esker behintza, euskal dantzak ikustia lortzen dogu. Ez dozu uste? | Kleenex
John Merrick 2007-03-15 10:27:33
Lastima ez dakidan aurreskua dantza egiten kleenex-a hatzapar potoloan lotuta daukadala, bestela argazkiko "protagonistei" gustora garbituko nizkieke muturrak. Atsegin handiz. | Depuradora
Elgoibartar bat 2007-03-15 11:55:47
Depuradoa: 90.000 biztanleren kakak Elgoibarrera ekarriko dizkigute. Ez dut nahi pentsa guzti honek ekarriko digun antza, usaina ...
Eta zergatik Elgoibar?? Zegatik Arriaxaga? Badirudi barrixo hau guztiz estropeatzen gaudela: autopista, Azkoitiako errepidea eta orain hau. Zer izango da hurrengoa??
Depuradora. Non eta baserri bat zegoen tokian. Pentsatu al dute hor zegoen baserriak zenbat urte zituen? Gure herriko istorian zati bat hor joan zaigu.
Depuradoa. Baserria botatzearekin bat familia bat etxetik kanpora bota dute. Zeinen erraz egiten diren gauza batzuk ...
Aurreskua: Oso polita da norbait aurreskua egiten ikustea, eta zer esan dantzan dauden bi dantzari hauek. Baina pentsatu al dugu inoiz ze pentsatu eta sentitzen duen dantzariak dantza egitean?
Ez dago zertan horrelako toki batera joan behar dantzarika ikustera. Urtean zear hainbat dantza ikusizun egoten dira. | Turismoa
- 2007-03-15 12:08:34
Debabarena Turismoa: Honen inguruan "Apraiz Bekoa" baserria dago, bere ur-errotarekin guztiz baliotsua den ondare historikoa delarik.
Animo, ondare historikoa badaoa desagertzen ... |
Komentarioak egiteko izena eman behar duzu. Sartu hemen
|
