Udaleko Kultura Sailak turismo-gida berria kaleratu du, bertara datozenei, gure herriak dituen gauza erakargarriak erakusteko. 40 iruditik gora dituen argitalpeneko eduki guztia euskaraz, gazteleraz eta ingelesez dago. Guztira 3.000 ale argitaratu dira. Kultura Sailean bertan edo Herritarrentzako Arreta Bulegoan eskuratu daitezke gidak.

 
Kiñuka enpresa arduratu da 40 orrialde dituen turismo-gidaren diseinuaz, maketazioaz eta argazkiez.

 

Gidaren edukia

• Alkatearen agur laburrarekin hasi, eta ondorengo orrietan, herriari buruzko hainbat datu eta mapa bat ageri dira.
• Jarraian, udalerriko arkitektura-ondarea jasotzen du, bereziki, hirigunean kokatuta dagoena. Horretaz gain, eraikinik garrantzitsuenen aipamena egiten du; hala nola, Altzolatarren dorretxea, Zabale Torre baserria edo Altzolako bainuetxea.
• Baserri auzoek ere toki garrantzitsua dute eta baita gure herriko industriaren historiak izan duen bilakaerak ere.
• Makina-Erremintaren museoa, fosilen eta mineralen museoa, jairik nagusienak, telefono interesgarriak eta herriko kaleen mapa bat ere agertzen dira gida horretan.

• Sarean ere ikusgai jarri dute, Udalaren webgunean (www.elgoibar.org)

∞    Egin klik hemen: turismo-gida

 

 

---

Notizi honen berri emateko