elgoiBARREN.net-en emandako notizia baten harira egindako komentario
batzuk sortu duten kezkak eta zalantzak direla-eta, elgoiBARREN.net
atari digitala zuzentzen eta kudeatzen dugunok, gai honen gainean egin
dugun gogoetaren berri eman nahi dizuegu irakurleoi eta herritarroi.
Gainera, benetan estimatuko genizueke egin dugun hausnarketaren gainean
zuon iritzia jakinaraziko bazenigute. Beraz, animatu eta esaguzue zer
irizten diozuen.
1. Informazio ematea eta irakurleon parte hartzea, bi helburuak: Informazioa euskaraz zabaltzeko beste medio bat da elgoiBARREN.net; baina informazioaren norabidea joan-etorrikoa izatea nahi dugu. Guk informazioa emango dugu, baina irakurleok informazioa gehitzeko edo-eta iritziak eman eta komentarioak egiteko aukerarekin. elgoiBARREN.net-ek aktiboa izan nahi du, bizia. Irakurleok ez zarete hartzaile pasiboak; informazio eta iritzi emaileak ere bazarete.
2. Anonimatuan parte hartzeko aukera: Internetek eskaintzen dituen aukerak eta abantailak aprobetxatu nahi ditugu adierazpen askatasuna eta irakurleon parte hartzea bultzatzeko. Badakigu Interneten arazoak izaten direla anonimotasuna dela-eta, baina anonimatuan parte hartzeko aukera eskaini nahi diogu hala nahi duenari. Hala ere, parte hartzea izenarekin (edo izen-abizenekin) egitea gomendatzen dugu.
3. Arau batzuk bete egin behar dira: Anonimatuan edo izen-abizenekin izan, elgoiBARREN.net-en parte hartzeko arau batzuk bete behar dira. Ezin da edozein modutan parte hartu. Hauek dira gurean parte hartzeko bete behar diren hiru arauak:
3.1. Ez dugu irainik onartuko.
3.2. Errespetuz idatzi behar da: Gauzak esan daitezke, kritikak eta salaketak egin daitezke, baina Interneten ere gutxieneko errespetua gorde behar dugu batak bestearekiko.
3.3. Gaiaren haria segitu behar da:Badakigu gai batek hari-mutur asko izan ditzakeela, baina gaiaren arrastotik ez irteteko ahalegina egin behar dugu.
Komentarioek hiru arauak bete behar dituzte. Arauak betetzen ez dituzten komentarioak kendu egingo ditugu.
4. Moderatzailearen figura: Antzerako foro guztietan egoten den modura, gurean ere moderatzaile bat izango da elgoiBARREN.net-eko parte hartzea moderatzeko. Moderatzailea izango da arauak betetzen direla zaindu eta hartu beharreko erabakiak hartuko dituena. Badakigu askotan erabakiak zailak izango direla. Izan ere, arauen interpretazioa subjektiboa izango da kasu askotan. Moderatzaileak izango du kasu bakoitzean hartu beharreko erabakiaren ardura.
5. Irakurleon borondate ona: Neurri handi batean, irakurleon esku dago parte hartzearen osasun maila. Arauak hor daude eta irakurle bakoitzaren erantzukizuna da hauek betetzea. Guri dagokigunean, konfiantza osoa daukagu irakurleon borondate onean.
Sarreran esan bezala, gustura jasoko ditugu egin dugun gogoetaren gainean dauzkazuen iritziak. Ondo etorriko zaizkigu jaio berria den honi hazten laguntzeko. Eskerrik asko.
elgoiBARREN.net-eko zuzendaritza
|
Arau gehiegi?
Anonio 2007-03-01 14:58:37
Nire iritsiz hiru arau horiek gehiegi dira. Iraina zer den, gauzak errespetuz idatzi diren eta haria segitzen ari den edo ez erabakitzea hain subjetiboa da moderatzailearen lana konplikatua izango dela eta gainera moderatzaileak potere gehiegi edukiko ditu berari gustatzen ez zaizkion gauzak ezabatzeko, inolako arrastorik edo esplikaziorik utzi gabe.
Foro askotan (foro libreetan, iritziak diren bezala, manipulatu gabe azaltzen saiatzen direnetan behintzat, eta ez erlijio talde edo alderdi politiko baten foroan adibidez) irain oso fuerteak mehatxuak eta SPAM-a bakarrik ezabatzen dira, beste guztia utziz. Barreneko foroa librea izaten beharko litzateke. Behintzat hasieran. Arazoak agertzen badira orduan bai arau estuagoak jarri beharko lirateke.)
Beste gauza bat, arau hoietan ez da ezer esaten euskaraz idazteari buruz. Guztiz gaztelaniaz idatzitako komentarioak ezabatzen ikusi dut baina beste batzuk gaztelaniazko esaldi batzuk tarteka dituztela utzi egin dira. Non dago muga? | Zoritxarrez arauak beharrezkoak
Zalea 2007-03-01 18:00:20
Arauak gustoko ez baditugu ere, zoritxarrez, elgoibarren.net-en aritu diren batzuen jardunak erakutsi digute arauak beharrezkoak direla elkar errespetatu nahi badugu behintzat. Hala ere ez zait egokia iruditzen komentario bat igo, eta ordu batzuk pasa ondoren, arauak betetzen ez dituelako ezabatzea. Nire ustez, komentarioak sarera igo aurretik pasa behar dira moderatzailearen eskutik. Batzuek esango dute zentsura dela baina foro gehienetan hori da ohiko funtzionamendua. | Joder Anonio....
Maider 2007-03-01 21:27:55
Joder Anoniorekin,kejak bakarrik ez dituzu botatzen, gustora ez bazaude...badakizu, ez idatzi,petardo. | Ezabatu "joder" hori, ostia!
Anonio 2007-03-01 23:10:01
"benetan estimatuko genizueke egin dugun hausnarketaren gainean zuon iritzia jakinaraziko bazenigute. Beraz, animatu eta esaguzue zer irizten diozuen."
Ez nago kejatzen, foroaren arauei buruz nebilen.
Badakizue, foroak zenbat eta moderatuago... | Zalearekin ados.
Peru 2007-03-02 08:25:43
Zalearekin ados nago guztiz, moderatzaileak komentarioak sarean agertu baino lehenago irakurri behar ditu, eta ez gero. Gero, berandu izan daiteke eta mina eginda egon daiteke.
Zer iritzi duzue Barren-en? Ez da horrela egokiago? | Maiderri
Mai 2007-03-02 08:33:52
Maider, egin duten gogoetari buruz daukagun iritzia emateko eskatu digute elgoibarren.net-ekoek, eta Anoniok horixe egin du: bere iritzia eman. Amaierako "petardo" hori sobran dagoela uste dut. | konplota
Anonio 2007-03-02 08:48:11
Moderazio gehigo eskatzen dezute? Frankoren garaian zuek bai pozik egongo zinatela... | Peru eta Zalearekin erabat ados
Marixa 2007-03-02 10:02:27
Zoritxarrez, arauak beharrezkoak dira. Mingainari eusteko gai ez garen bitartean, lagun hurkoa errespetatzen ez dugun bitartean, norberaren askatasuna ondokoarena hasten den toki eta une berean amaitzen dela konturatzen ez garen bitartean, bururatzen zaigun lehendabiziko gauza, inori kalterik egingo dion konturatu gabe, esateko eta idazteko gai garen bitartean, norbaitek erabaki beharko du zer idatz daitekeen foro honetan, eta zer ez.
Beraz, erabat beharrezkoa iruditzen zait mezu guztiak, baita idazten ari naizen hau ere, foroan jarri aurretik moderatzailearen eskuetatik pasatzea, eta baldintza egokiak betetzen ez dituztenak ez jartzea. Inolako zalantzarik gabe, moderatzailearen esku egon behar da zein mezu jarri edo zein jarri ez erabakitzea.
Beste kontu bat da anonimotasunarena. Ulertzen dut zenbaitentzat garrantzia handikoa izan daitekeela euren nortasuna gaitzizen baten atzean ezkutatzea; ageriko arrazoiak ikusten ditut hori hala izan dadin. Baina gauza bat da mezuak edo iritziak anonimotasunean idaztea, eta beste gauza bat, oso desberdina, pertsona bakar batek nahi dituen gaitzizen guztiak erabiltzen utziko dion sistema bat baliatzea, eta bidenabar, bateko eta besteko iritziak botatzea, eta bazterrak nahasten ibiltzea.
Nik ez dut esan nahi jendeak hori egiten duenik, hori egiteko aukera duela baizik.
Eta inork inor errespetatzen ez duen sasoi hauetan oso arriskutsua iruditzen zait horrelako sistema bat abian edukitzea.
Hortaz, gaitzizen bat erabili aurretik ezinbestekoa deritzot gaitzizen horren atzean dagoen pertsona erregistratzeari, eta bakoitzak gaitzizen bakarra erabili ahal izateari.
Ez da zentsura, ezta joandako garaien nostalgia ere. Guztion eskubideak babesteko egin beharreko ahalegina egin beharko litzateke. | Basterrak nahasten?
Anonio 2007-03-02 11:11:09
Baina mehatxuez aparte ze irain jarri daiteke hain garrantzisua dela segiduan bistatik kentzea?
Normalean irainak botatzen dituena bera geratzen da leku txarrean.
Baina agian horrek intelijentzia minimo bat suposatzen die irakurleei... | Irainak ala kritikak?
Onanio 2007-03-02 11:16:53
Batzuek kritika guztiak iraintzat hartzen dituzte. Nor jarriko dio txiliña katuari? | Txiliña
Marixa 2007-03-02 12:11:16
Txiliña, jakiña, moderatzailliak jarri biharko dio, hori da-eta bere lana. Eta foro honetan parte hartzen dogunok, neuk barne, horren irizpidiak aintzat hartu biharko dittugu, foro honetan parte hartzekotan. Hori da, beiñipeiñ nere iritzixa.
Eta beste gauza bat, kritikak ez dira iraiñak. Iraiñak dira, adibidez, forokide batek beste bati "tonto de los cojones", "faxista" eta "hijo de puta" deitzia. Eta horrek ez dira neuk asmatutakuak; atzo forokide batek botatakuak, eta gero, moderatzailliak kendu zittuanak baizik. Eta gauzak gehixago argitzeko, ez naiz ni "lora" horrek guztixak jaso bihar zittuana; baiña berba horrek neretzat ez izatiak ez ditt bide ematen beste alde batera begiratzeko, eta edozer gauza onartzeko.
Bukatzeko, eta gauzak daguaneko nahiko argi geratu badira ere, kritikak dira norbaitek nik egindako zedozer gaizki eginda daguala, edo gustau ez jakola esaten dabanian. Ta hori danok onartu eta errespetau bihar dogulakuan nago, oso zailla izan arren. | Gogoeta zentzuzkoa
Lillo 2007-03-02 15:05:48
Zentzuzkua iruditzen jata egin dozuen gogoetia. Proposautako arauak ez dira asko (kopuruz). Arauak danian daude: ni nere bikotiakin parrandara urtetzen naizenian ere, arau batzuk errespetatzen doguz, eta nik alabatxuari ere egunero ipintzen diodaz arauak, biharrezkuak dittualako. Kontua da arau horrek esplizituak edo inplizituak izan leikezela: esplizituak (nere alabari ipinittakuak); inplizituak (nere bikotiakin parrandan). Eta BARRENekuak egin debena horixe da, arau inplizituak esplizitau eta foro aurrera atara, gurekin konpartitze aldera.
Ados nago: hamen kristonak esan dia eta mugak esplizitau biharra dago. BARRENek eduki dau hori egitteko ausardixia eta hartu dau arduria bere gain. Hartuko al dogu oin geuk ere geuri dagokigun arduria "zentzuz" jokatzeko..?
Azken baten, hor proposautakuak gizalegezko arau oinarrizkuak eta normalak dira. Ez dira izango trabia idazteko orduan. Horregaittik berdin esan leike esan biharrekua. Mezua emateko ASKATASUN OSUA dago.
Foro hau gauza bizixa eta edarra da, ez daigun kaltetzen laga. Nik badakat konfiantzia: elgoibartarrok asmauko dogu "zorrotz" baiña "sano" jokatzen. | Onanio
Marixari 2007-03-02 23:44:15
Irain batzuek garbiak dira, "tonto de los cojones" edo "Hijoputa", baina "Faxista" deitzea agian kritika izan daiteke, norbaiten jokabidearen deskribapena baldin bada. | zentsura
gaztia 2007-03-03 14:26:37
ez dotena ulertzen da zeba ezin leiken erderaz idatzi . irten gaitxezen gure euskal burbujatxotik . | zentsura
lore 2007-03-03 18:57:35
40 urteko zentsuragatik ia ia euskera galdu genuen;30urte "zentsurarik gabe+-"eta ez gara arriskuaz jabetu.Agian guk zentsura aplikatzea izango da bidea gure hizkuntzaz eta identitatez jabetzeko,ez? | zentsura
gaztia 2007-03-04 12:17:01
batzuk guriakin gaizki jokatu izanak ez dau justifikatzen guk oin eureri berdina itxia | zentsura
lore 2007-03-05 12:44:04
gure politika beti izan da besteengatik begiratzia, hau da , erdaldun bat badago talde batean nahiz eta beste guztiak euskaldunak izan denak erderaz hitz egiten dugu,oso "edukauak"garelako edo oso estima baxua daukagulako?.Gu garena aldarrikatzeko besteek gurekin jokatu duten moduan jokatu behar bada, joka dezagun. | loreri erantzuna
gaztia 2007-03-05 19:25:03
noiz ulertuko dogu hizkuntza baten helburu nagusia , bakarra ez esatearren , komunikazioa lortzea dela? | gaztiari erantzuna
lore 2007-03-05 22:40:53
Barkatu baina nire iritziz hizkuntza bat hori baino askoz gehiago da. Gure nortasunaren ezaugarririk nagusiena da ; komunikatzeko bakarrik balitz esperantoa ikastearekin nahikoa izango genduke denok elkar ulertzeko. | zetako
zaharra 2007-03-06 00:50:24
Hain beste buruhauste euskerakin ta ezertarako ez... Ez bagaituzte erderak edo ingelesak asimilatzen ere etorkizunean denok lojban hitzegingo dugu nahi ala ez! Makinen hizkuntza!
http://www.lojban.org/es/ | zaharrari
lore 2007-03-06 14:21:37
Ezin dugu hain erretz amore eman. Momentu latzak badira ere gogora dezagun noiztik gauden hemen eta zenbat eta zenbat kosta izan zaigun historian zehar gu garena mantentzea.Sufrimentu handiak pasa ditugu, pasatzen ari gara eta pasako ditugu oraindik dena bertan behera lagatzeko. Ezin dugu hain erretz amore eman. | Geio
zaharra 2007-03-06 16:08:47
Baina naiz eta batzuk amore eman nahi ez izatea, argi dago hizkuntza dibersidadea murrizten ari dela, mundu globalizatu honetan. Hizkuntzak aldatu egiten dira denboran zehar, eta baita desagertu ere.
Eta sufrimenduei buruz, nik ez det ezagutu, pertsonalki, ikastolen jeneraziokoa naiz eta. Eta aurreko batek esan duen bezala, "batzuk guriakin gaizki jokatu izanak ez dau justifikatzen guk oin eureri berdina itxia".
Arrazoi historikoak ia edozertarako topa daitezke. Italiarrei erromatar inperioak egindakoak leporatu behar diegu? Edo inglesei (aliatuei) Donostia erretzea? Etabar luze luze bat...
Gainera orain diskriminazio positiboa ematen da, foro honetan adibidez, euskararen alde... ez? | euskera
gaztia 2007-03-06 20:15:05
guztiz ados zaharrakin. diskriminazio positibioa baino xenofobia bezala kalifikatuko nuke hainbat euskaltzale radikalen jarrera .
gainera , euskerak ez du behar maitatuko duen jendea , izatekotan erabiliko duena behar du
eta agonia 100 urte luzatu arren , berdin-berdin galduko da euskera . eta? | nortasuna
Zaharra 2007-03-07 11:44:43
Batzuentzat "nortasunaren ezaugarririk nagusiena da" beraien hizkuntza. Ze arraroa, ez? Beste herrialde gehienetan beraien nortasuna definitzeko beste gauzetan fijatzen dira, hemen hizkuntzan ia bakarrik... | Zaharrari
Imanol 2007-03-07 13:31:06
"Zaharra", zertan fijatzen dira, ba, beste herrixak, herrixen (eta bertako herritarren) identidadia edo nortasuna markatzerakuan? | Maitatu eta erabili
pipo 2007-03-07 13:42:31
Euskara maitatzen ez duenak, erabiliko al du euskara? ahal badu, ez. Horrela desagertuko da 100 urtetan. | Ez nago seguru.
Imanoli 2007-03-07 15:09:19
Ba ez dakit baina hizkuntzarekin guk dakagun fijaziua toki gutxitan ikusten da. Badakit arrazoiak egon daitezkela horretarako, baina hala ere gurea kasu nahiko berezia dela iruditzen zait.
Herrialdeen identitatea gauza askok osatzen dute, kultura eta ohiturak... historia... baina ez gera hasiko soziologi eztabaida batean ez? | Pipori
Zaharra 2007-03-07 15:43:25
(Aurreko komentarioa nirea zen baina liatu egin naiz firmarekin)
Eta Pipo, arazoa da maitasuna derrigorrezkoa ezin dela izan, norberarengandik irten behar du. Eta Euskal Herrian askok euskararen aldeko diskriminazio txiki (edo haundi) hauek inposaketa bezala hartzen dituztela, beraz, nola maitatuko dute euskara? | Kasu berezia?
Imanol 2007-03-07 16:57:41
"Zaharra", ez dot uste guria kasu berezixa danik; egixa da euskaldun askok euskeriakin halako "fijazio" bat daukagula, baina hau gure hizkuntza arriskuan ikusten dogulako da; nere kasuan bai, behintzat. 30.000 hizkuntzatik gora desagertu da munduan historian zihar, eta gaur egun bizirik daudenen artetik, % 90a desagertzeko arriskuan dago (Europan dauden 225 hizkuntzetatik, adibidez, 94 desagertzeko arriskuan daude; euskeria tartian). Eta batzuentzat inkomodua dala ematen badeu ere, beste askok gure esku daguana egitteko prest gaude euskeria hildako hizkuntzen zulora jausi ez dadin. Gure aurrekuek ere hala egin zeben eta uste dot bixar ere izango dirala beste batzuk berdin egingo debenak. Eta egunen batian euskeriak (eta euskaldunok) bere etorkizuna ziurtatzen badeu, "fijazioak" amaittu egingo dira, egon seguru, eta euskariaren gaineko eztabaida hauek kontu zaharrak izango dira. | euskeraren estabaida dela eta
lore 2007-03-07 18:42:44
Euskera da euskaldun egiten gaituena. | euskera
gaztia 2007-03-07 18:57:27
zu ingo zaittu euskaldun , beste asko euskaldunak dia euskeraz hitzegin gabe.
nik behintzat, euskera erabiltzen dot , komunikatzeko erraztasuna ematen dialako beste hizkuntzen aldamenian, baina ez dot maittatzen .
Eta igual, euskeriak ere beste hizkuntza batzuk zapaldu izan ditxu historian zihar , ala ze uste dozue, sortu zanian ia 20.000 km karratutan hitzegiten zala?
Guria ez desagertzeko besteren bat desagertuko da .
EZ gaittezen hain xenofobuak izan | euskalduna izatia zein neketsa dan
ERABILI 2007-03-08 09:53:00
Gaztia, euskaraz hitz egin ez, ezta maitatu ere eta euskaldun izan????? Ez nator zurekin bat!
Euskaldun izatia ez da euskara hitz egitea bakarrik baina hori ere bada. Edo, izan al zaitezke inglesa, ingelesik hitz egin gabe? Lurralde batean jaiotzeak bakarrik egiten al zaitu bertako izatea? Eztabaida luzea dela badakit baina horretarako daude hau bezalako foroak eta nik uste, erraza dela baieztapenak egitea, hauek arrazoitzea aldiz, zailagoa.
Gaztia, munduko hizkuntzen inguruan eta euskararen inguruko txostenak irakurtzia gomendatzen dizut. Izan ere, zuk euskara ez maitatzea zure sentimendu pertsonala izan daiteke baina egin dituzun baieztapen batzuk onartezinak dira, soziolinguistikaren ikuspuntutik, ez baitira zuzenak. Eta hala ez bada, esaidazu mesedez, non dokumentatu zaren. Adibidez, nola esan dezakezu euskarak beste hizkuntza batzuk zapaldu ditxuala? Zertan oinarritzen zara hori esateko?
Bestalde, jakin nahiko nuke zuri euskara inposatu al dizuten eta zeri esaten diozun inposaketa. Sentimendu hori duzulako ez duzu maitatzen euskara?
Denboran zehar hizkuntza asko desagertu dira, arrazoi ezberdinak direla medio. Mundu mailan, historian zehar gertatutako egiturazko aldaketak, Frantziako iraultza, inprentaren asmakizuna, iraultza industriala edota garraiobideen ugalketa besteak beste, txikien kalterako izan dira, hizkuntza indartsuen nagusitasuna ekarri dute. Orain arte biziraun dutenak egoera berrietara moldatzen edo isolatuta egoten asmatu dutelako daude bizirik.
Hizkuntzak babestu beharra dago ekosistema ezberdinak salbatzeko espezie ezberdinak babestu behar diren moduan.
Zurea bezalako jarrerek ez dute euskara bizirik jarraitzeko asko laguntzen.
Giaren inguruan hausnartuko duzulakoan... | Hizkuntza GUZTIAK dira beharrezkoak
Lillo 2007-03-08 10:37:53
"Gaztia"-ri...:
Berez, posible da hizkuntza GUZTIAK bizirik mantentzea, espezie GUZTIAK bizirik OREKAN mantentzea posible den bezala. Kontua ez da euskara mantentzea kosta ahala kosta, beste hizkuntza bat sakrifikatuta. Hori ez da gure borroka, inondik inora ere. Gure planteamendua da euskarari hemen lekua egitea eta euskaraz bizi nahi duenari Euskal Herrian eskubide guztiak aitortzea. Baina, noski, gaztelaniari, frantsesari eta munduko beste hizkuntzei kalterik egin gabe. Eta lasai egon, gaztelaniak eta frantsesak milioika hiztun dituzte munduan eta hizkuntza nagusiak dira hainbat estatutan. Beraz, ziurtatuta daukate etorkizuna. Ziurta dezagun geuk ere geurea. Guk, euskaldunok, geuri dagokiguntxoa eskatzen dugu, bat gehiago izatea munduan, ez besteak baino gehiago... Gure herrian euskaraz bizitzeko aukera izatea, horixe da eskatzen duguna, ez besterik. Eta diskriminatuta dagoen gure hizkuntza besteen parera ailegatuko bada noizbait, noski, promozio-lana egin behar izaten dugu: proiektuak, manifak, konpromisoak, azokak, jaialdiak antolatuz eta abar. Zuk horiek denak "inposaketa" bezala ikusten al dituzu?
Gaztelaniazko 10 egunkari dauden lekuan, egunkari 1 euskaraz argitaratzea "inposatzea" al da? Interneteko 5 foro erdaraz diren lekuan alboan 1 euskarazkoa sortzea inposatzea al da? | Gaztiari
Imanol 2007-03-08 11:04:35
"Guria ez desagertzeko besteren bat desagertuko da" diozu, "gaztia". Keba, nahi izanez gero hizkuntza danentzako dago tokixa. Hori bai, horretarako borondatia bihar da. Izan ere, borondatia egonez gero, hizkuntz ekologiaren "formulia" oso-oso sinplia da: HIZKUNTZA BAKOITZARENTZAT LURRALDE BAT, ETA LURRALDE BAKOITZIAN HIZKUNTZA BAT. Balekua begittantzen al jatzu? | euskera
gaztia 2007-03-08 18:03:26
utopia oso polita da , baina konsziente izan gaitezen, euskera, eta gainontzeko hizkuntza guztiak dozena erdi bat ezik, desagertu egingo dira historian zehar. eta?
Orain, egindako galderei eta hitzei erantzuten saiatuko naiz.
Erabili-rentzat:
Lehenengo eta behin, uste det enauzula ezagutzen , beraz ez esan nere jarrerak euskeraren biziraupenean ez duela laguntzen .Euskalduntasunaren inguruan, pertsona baten nortasuna ez du hizkuntza batek mugatzen eta are gutxiago, gure herrian bezala, arazo politiko-identitario bat dugunean. Gu ez gara inor beste norbaiti esateko euskalduna den edo ez, nortasuna oso gauza pertsonala da . Orduan, zure iritziz , aragoieraz ez dakien norbait ezin al daiteke aragoar sentitu?(adibide bat jartzearren) edo bablea ez dakien norbait asturiar?
Nire dokumentazioari dagokionez, aitortzen dut ez naizela inon dokumentatu, baina logikak agintzen du honetan. Non geratu da adibidez NAfarroako erromantzea ? ustye dut euskerak jan diola lurra. edo uste duzu euskera sortu eta hurrengo egunean 7 probintzietan zehar ( eta aurretik izandako eremu zabalagoetan) hedatu zela? Objektiboa da ezetz.
Inposaketari dagokionez, ez dut esan niri euskera inposatzen didatenik ( eta esan badut erretiratu egiten dut), baina beste jende asko inposatua senti daiteke , eta ez dut uste hori denik bidea euskera biziberritzeko.Eta ez dakit zer esan nahi duzuen euskera maite duzuenok , hizkuntza batekiko maitasunaren inguruan. NIk behintzat ezin dut hizkuntza bat maitatu.Hemen ere, euskaldunak atzetik, maitasun gehiegi eta ekintza gutxi.
Azken finean, bakoitza libre dela nahi duen hizkuntza erabiltzeko .
LIllorentzat:
Ez nago hain ziur posible denik hizkuntza denak bizirautea , historiak argi erakutsi digu hori. Galdera bat nahi nizuke egin : nork ukatu dizu zuri euskaraz hitz egiteko eskubidea ? EZ dut uste inork ahoa itxi dizunik. Baina askotan, komunikatzea nahi badugu biok ulertzen dugun hizkuntza bat erabili behar dugu. Okerrena da batzuetan, komunikatzea baino , iruditzen zait gure euskalduntasuna adierazi nahi izaten dugula . Ez gaitezen hain egozentrikoak izan, ez gara ezer munduaren barruan .
Imanol-i:
Egia esna behar badizut, zure formula ez zait egokia iruditzen . Nork determinatuko ditu hizkuntza bakoitzari dagozkion lurraldeak? Horrela jokatuz gero NAfarroan gaztelania izan beharko litzateke hizkuntza bakarra . Eta nafarroako euskaldunek ez al dute eskubiderik? ETa hemen bizi diren erdaldunek?
GArrantzia pertsonak du, eta ez lurraldeak .
Besterik ez, barkatu txaparengatik . GAztetasuna izango da . Jejeje
ZUen erantzunen zain egongo naiz, debate interesgarri hau jarraitzeko desiatzen nao ta | hizkuntz ekologiaren formula
Ni ere gazte 2007-03-08 18:44:52
Ez nago batere ados zure hizkuntz ekologiaren formularekin. Hizkuntzen diskriminazioaz ari garen hontan, nola da posible formula hau aurkeztea? ez al du diskriminazioa adierazten? | Gaztiari
Imanol 2007-03-08 19:28:25
Gaztia, "lurralde bakoitzian hizkuntza bat eta hizkuntza bakoitzarentzat lurralde bat" ez da nere formulia;
hizkuntz ekologiaren oinarrixa da. Ez da nik asmatutakua.
"Nork determinatuko ditu hizkuntza bakoitzari dagozkion lurraldeak?" diozu. Galdera ona da. Neuk ere askotan egin diot galdera bera neure buruari. Ona bezain zailla erantzuteko. Baiña ez dago beste biderik hizkuntza batek bere etorkizuna ziurtatuko badeu. Hizkuntza bakoitzak lurralde bat behar deu. Haundixa ala txikixa, baiña lurralde bat. Eta gure kasuan, euskeriak ere lurralde bat behar deu (ez naiz hamen eta orain hasiko lurralde honen nundik norakuak zehazten). Eta ematen diogun lurraldian bizi diran hiztunek, haien bizitza euskaraz egitteko eskubidia izan behar debe. Gaur egungo egoeratik oso urruti dago hau, ezta? Bai, oso urruti. Euskeria Bizkaian, Gipuzkoan eta Araban bakarrik da ko-ofiziala (gaztelaniarekin batera), baina hiru probintzietan arazo eta oztopo asko gaindittu behar dittugu euskeraz bizi nahi dogunok (ez naiz adibidiak jartzen hasiko, ezta?).
Inportantiena pertsona dala diozu, gaztia. Hau zehaztu egin behar dala uste dot; pertsona moduan eskubide batzuk dauzkagu, bai, baina baitta komunitate moduan ere (talde moduan); eta hizkuntzek ere bai, hizkuntzek ere eskubide batzuk dauzkate (nahiz eta jendiak aurpegi arrarua jarri). Hizkuntza, hiztuna eta hizkuntz komunitatia dira aintzat hartu behar dittugun hiru elementuak. Hiruki bat osatzen debe eta hizkun komunitatia da beste biak lotzen dittuana.
Eta, gaiñera, jo daigun konforme naguala zuk diozunarekin; hau da, pertsonak dirala inportantienak. Ba, gauza bat esango dizut: gure aitta amarekin jun bihar izan da medikuana honek euskeraz ez zakixelako, eta gure aittak gaztelaniaz ez dakixelako. Medikuana eta beste hamaika lekutara juten da amarekin gaztelaniaz ez dakixelako. Pertsonak baldin badira inportantienak, euskeraz bakarrik dakixien pertsonei ere kasu gehixao egin beharko genieke, ezta? Erderaz bakarrik dakiten pertsonek haien lurretan daukaten begirune bera eskatzen dot gure aitta eta bera bezelakuentzat. Ez dot uste aparteko ezer eskatzia danik. | euskera
gaztia 2007-03-08 19:32:59
baina zure aita euskeraz atenditu ez izanak justifikatzen al du foro honetan erderaz idatzita dauden iritziak ezabatzea?
Horra iritsi nahi nuan , ez dezagula in bestiekin gurekin egin dutena | Borratu
Jackson 2007-03-08 23:31:46
"Borratu" ezabatu deuzestu kanporatu eta albo batera laga behar dira nire ustez erdaraz eginiko komentario guztiak.niri ongi iruditzen zait hori egitea. | euskera foro hontan
Kaletik 2007-03-09 10:25:49
Gaur egun euskerak bizi duen egoera globalizazioaren ondorioa da. Momentu hontan Hizkuntz ekologiak ba al du lekurik?
Eta beste gauza bat, foro hontan parte hartzeko arau bat euskeraz idaztea den bezala, beste bat gaiari lotutako iritziak botatzea da, kasu hontan, foroan idazteko arauak (eta ez euskararen inguruko erreflexioak...) | Euskaraz bakarrik
kaleko 2007-03-09 11:10:14
Norbaitek ulertu ez badu ere, Elgoibarko Izarra, eta, beraz, elgoibarren.net,euskara sustatzeko helburuarekin eginda dago. Milaka foro dauzkazue gazteleraz hitz egin nahi duzuenentzat.
Eta foro bakar batzuek euskaraz.
Bestela, has gaitezke eztabaidatzen zergatik ez den barren astekarian gaztelera sartzen, e.a.
Ez du zentzurik eztabaidatzeak eztabaidatzearren. | kaletik-i
zainzuri 2007-03-09 11:15:39
Euskararena arauekin lotutako gaia da, arauetan euskaraz bakarrik idatzi ahal direla komentarioak aipatzen baidabe. Hortaz, gaiaren harira dator, batzuk urruneko adarretara jo badabe ere...
Neregatik perfekto, interesgarrixa izaten ari da-eta | erantzuna
Kaletik 2007-03-09 11:31:44
Lehenik eta behin Imanoli erantzun nahi nioke. Ondo ulertuta daukat foro hontan euskeraz idatzi behar dela, eta betetzen dut, ezta?
Baina nik egindako komentarioa ez doa horren arira. Nik esandakoa zera da: gaia ez dela euskeraren egoerari buruzko gogoeta egitea, barren.net-en idazteko araueri buruz idaztea baizik.
Bigarrengoz, zainzuri-ri esan nahi nioke, ez batzuk, baizik eta askok, jo dutela urruneko adarretara.
Besterik gabe, eta jakin dezazuela niri ere gustatzen zaidala euskarazko foroak egotea,
hurrengorarte! | Kaletik-i
Imanol 2007-03-09 12:26:42
"Ondo ulertuta daukat foro hontan euskeraz idatzi behar dela, eta betetzen dut, ezta?". Kaletik, ez dakitx zergatik luzatzen didazun galdera hau. Ez dot uste galdera honi lotutako ezer esan dizudanik. Eta bai, arrazoia daukazu: gaitik urten gera. Foro honetan parte hartziaren gaiñeko gogoetia egitteko zan notizia hau, eta, nahi gabe, euskeriaren gaiñian jardun dogu. Beraz, nere partetik honekin eman nahi diot amaieria. | Bukaera?
Zaharra 2007-03-09 14:01:39
Ba nere partetik gauza asko geratu zaizkit erantzuteko, naiz eta astirik ez izana. Gaitikan irtetzea hain txarra al da? Eztabaida interesgarria egiten ari gara, jarrai dezagun. Nik asteburuan pentsatzen nuen segitzea, naiz eta batzuk karpetazo eman nahi duten...
Euskararen "ekologiari" buruz, hizkuntzen "eskubide"-ei buruz eta euskaldun identidadearen inguruan nire ustez gauza oso arraroak esan dira eta eta erantzun egingo diet asteburuan. Nahi ez duenak ez dezala irakurri, baina ez det uste Barren-en serbidorea hain kargatuta dagoenik eta komentatzeari utzi behar diogunik. Edozerri buruz, nahiz eta haritik erten. | euskera
gaztia 2007-03-09 14:57:46
ados nao zaharrakin. uste dot gauza sko esan diala , batzuk nahiko fuertiak gainera .
Eta berriro galdera berdina ingot, ez al da zentsura erdarazko mezuak ezabatzea?
Zer lortzen dugu horrela? | euskera
gaztiua 2007-03-09 15:01:22
barkatu, gauza bat ahaztu zait . zergatik da txarra eztabaidatzea? uste dot danon iritzixak aberastu dittugula debate txiki honekin | euskara eta zentsura
gontzal 2007-03-09 15:34:17
benetan gauza batzuk irakurri eta harritzekua da. Gustura azalduko nuke zein den. nire iritziz, hitz batzuen definizioa (xenofobia, esatearren), oso gaizki erabiltzen direlako, baña azkenari erreparatu nahi diot.
Erdaraz dagoena ezabatzea, zentsura al da? Nipadios.
Foro honek erabakitzen ditu bere antolakuntza eta arau bat da euskaraz egindako forua dela. Zergatik? Ez dut uste beharrezkoa denik azaltzea zergatik sortu zan aldizkaria, zein zan helburu nagusia eta euskararen bermeak zer garrantzia zekan proiektu hau sortarazteko.
Hona etorri eta erdaraz idaztea desegokia iruditzen jata.Baina ez foro erdaldun asko dudelako, baizik eta euskara eta erdara maila berean ez daudelako.
Inork uste al du Elgoibarren bilinguismoa dagoenik? Edo Euskal Herrian? Benetako bilinguismoa? Gaur egun, oraindik, euskaraz gauza asko egiteko izugarrizko zailtasunak daude egunero: administrazioekin, ambulategixetan, Ertzantzarekin, komunikabide askorekin, dendetan, mila eta milaka esparru publikoetan arazoak daude euskaraz egin ahal izateko. Eta guzti hau euskara hizkuntza minorizatua delako, erdara ez den bezalaxe.
Gaztelania edota espainola, nahi duzuen bezala, hizkuntza nagusixa da. Gaztelania estatu eta potere baten hizkuntza da eta inposatua izan da mendeetan zehar. Euskal Herrian ere bai. Baina ez dut ezer justifikatu nahi datu historikoekin.
Gaur egun, oraindik, euskara bigarren mailako hizkuntza da eta BABESTU egin behar dugu. esparru euskaldunak, foro honekin gertatzen den bezalaxe, babestu egin behar ditugu; bestela, gaztelaniari atea irekitzen badiogu, epe motzian gaztelania bara barra ariko da foru honetan eta euskarak BESTE esparru bat galduko du.
Baten batek esango dit euskara galtzen badu, egoera baten erretratua izango dela, baina uste dot horrela ez dela.
Lehen esan det euskara eta gaztelania ez daudela maila berean: gaur egun, oraindik, asko faltatzen zaio euskarari lehen mailako hizkuntza izateko. geure burua antlatu arte eta gure hizkuntza bakarik gure eskuetan egon arte euskararen etorkizuna kolokan dago.
Hala ere, euskararen desagerpena ez da inebitablea. Euskarak badu bere esparrua orain dela hiru mila urtetik hona eta Europan ez dago holako hizkuntzarik. Ezta gaztelania ere. Hala ere, euskaraz ez da inoiz armada baten hizkuntza, eta ingelesa, frantsesa edo gaztelania bai, eta horrela zabaldu dira.
Euskara arriskuan dago baina ez nago prest geure esparruak, txikiak badira ere, galtzeko eta foro hau euskal esparru ttiki bat da. Errespeta dezagun. |
Komentarioak egiteko izena eman behar duzu. Sartu hemen
|
