Pilar ikastetxeko ikasleek “Eguen Zuri” Eguna ospatzeko egin zuten kalejira koloretsuarekin hasi ziren inauterietako ekintzak atzo. Gaur, Sinuosek urteroko ikuskizuna eskainiko du Kultur Etxeko sotoan (22:30), eta bihar, Mozorro Lehiaketarik gabe, baina ez da ekintzarik faltako. (Bideoa dauka)

∞ Ikus hemen
•    Zapatuko ekintzak (agenda)
•    Martitzeneko ekintzak (agenda)

Riyna´s world: sinuoseren soinu jolasak
Eguna: Otsailak 16 (barikua)
Ordua: 22:30
Tokia: Kultur Etxeko sotoan
Haurrentzako jostailuak erabiliz aparteko mundua eraiki nahi dugu aurtengo ekitaldian; txikitako esperientziak gogora ekarri eta musikaren berezko xarma erakutsiko ditugu. Batik bat ikastolako garaietan musikarekin genuen erlazioa eta umeek musikarekiko duten pertzepzio bereziarekin jolastu nahi izan dugu aurtengo kontzertuan. Hau dela-eta, jostailuz  eta umeentzako musika tresnaz inguratu eta gu moduan musikaren aurrean haurrak izaten jarraitzen dutenei omenalditxoa egin nahi izan diegu.

♦     Inauterietako ARGAZKIAK nahi ditugu
Aurten Mozorro Lehiaketarik antolatuko ez bada ere, mozorrorik onenak aukeratzeko aukera eskaini nahi dizue elgoiBARREN.net orainkariak. Horretarako, zeuen edo kalean ikusten dituzuen mozorroen argazkiak bidali, eta astelehenean webgunera igoko ditugu argazkirik onenak. Hortaz, mozorroarekin batera ez ahaztu kamera ateratzeaz.

Argazkiak bidaltzeko: Elgoibarren.net(arroba)elgoibarkoizarra.com (astelehen arratsalderako bidali, ahal baduzue)

 

Bideoa (Pilar ikastetxekoen dantzaldia Plaza Handian)

 

 

 

---

Notizi honen berri emateko