Atletico Madrilen aurka Madrilen jokatu zuen partidaren 58. minutuan egin zuen Athleticekin debuta Iban Zubiaurrek. Mendarokoak 17 hilabete zeramatzan Espainiako Ligako Lehen Mailako partidarik jokatu gabe. Estreinaldi gazi-gozoa izan zen, ordea, bilbotarrek 1 eta 0 galdu baitzuten. Alabaina, gogoan edukitzeko eguna izango du, eta gol bat sartzeko aukera paregabea ere eduki zuen.

 
 

Ordu erdi eskas egin zuen Zubiaurrek Vicente Calderoneko berdegunean, baina ez ditu erraz ahaztuko minutuok. Igor Gabilondo ordezkatu zuen eta bere betiko postuan, defentsako eskuin hegalean jokatu zuen Torres, Kun Aguero edo Mista moduko jokalarien aurrean.

 

 

Zubiaurreren berbak 

Partidaren amaieran Vicente Calderon futbol zelaian eta atzo Lezaman eskaini zituen prentsaurrekoak entzun ditzakezue hemen. Partidaren gora beherak, debutaren gazi-gozoak, Athleticen sailkapeneko estutasunak eta zelaira atera zenean sentitu zuenaz ari da Zubiaurre.

•    Calderonen eskaini zuen prentsaurrekoa (mp3)

•    Lezaman eskaini zuen prentsaurekoa (mp3)

 

*Iturria: www.athletic-club.net (Athleticen webgune ofiziala)

 

∞ Informazio gehiago:

•     Berria

 

 

 

---

Notizi honen berri emateko