Espainiako Auzitegi Nazionalak libre utzi ditu Batasunaren aurkako operazioan, 2008ko otsailean, atxilotutako zazpi lagun, 50.000 euroko bermea ordainduta. Horietako bat da Joseba Zinkunegi, Elgoibarren bizi den eibartarra.

 Auzitegi Nazionalak 50.000 euroko bermea jarri zien denei eta dagoeneko atera dira gehienak giltzapetik. Zinkunegi barixaku gauean atera zen Aranjuezeko espetxetik.

 “Beren auzipetzea ekarri duten ekintza berdinak edo antzekoak egiteko berariazko debekuarekin” laga ditu libre Auzitegi Nazionalak Zinkunegi eta beste sei lagunak (Eusebio Lasa, Mikel Etxaburu, Nuria Alzugarai, Mikel Garaiondo, Txema Jurado eta Aitor Aranzabal). Horrez gain, jardunbide politikoa izatea debekatu die denei. Ekintza horiek zeintzuk diren ere zehaztuta dator autoetan: “Bilerak, manifestazioak, ekitaldi publikoak, taldeen osaketa eta ezaugarri berdin edo antzekoetako koalizio edo alderdi politikoak osatzea”.

•Informazio gehiago:

• Politikan aritzea debekatu diete beste zortziri, libre utzi ostean (berria.info) 
• Otros siete independentistas quedarán en libertad en las próximas horas (gara.net)

 

 

 

---

Notizi honen berri emateko