 2006ko filmarik ikusiena Herriko Antzokian
Azken bolaran inguruko herrietan zine areto bat baino gehiago (iazko abenduaren 13an itxi zituen ateak Eibarko Rialto zineak) ixten ari direnez, Udaleko Kultura Sailera jo dugu Herriko Antzokiko zine emanaldien egoeraren berri izateko. Blanca Salegi, kultura teknikaria, elkarrizketatu dugu eta ikusle kopuruaren inguruko hainbat datu interesgarri jaso dugu. (Datuen taulak barruan).
Elkarrizketa:
Blanca Salegi, Kultura teknikaria
“Herriko Antzokiko zine emanaldiak ez dira errentagarriak”
-Inguruko herrietan (Eibar, Deba, Bergara, Arrasate…) zine areto bat baino gehiago itxi da azken aldian. Herriko Antzokiko zine emanaldiak eteteko arriskurik ba al dago?
Ez. Ez da Herriko Antzokiko zine emanaldiak etetea aurreikusten, ez behintzat epe motz, ezta ertainera ere. Dena dela, egia da zine arloan krisi nabarmena bizitzen ari garela. Guztiok igarri dugun krisia; zine areto pribatu zein publikoek.
-Herriko Antzokira zinea ikustera doan ikusle kopuruak gora edo behera egin du azken urteetan?
Ikusle kopuruak behera egin du nabarmen. Ikusleen galera progresiboa eta etengabea izan da azken urteetan. Hala izanik ere, ez da Elgoibarko kontua bakarrik. Krisia orokorra da. Horregatik ixten ari dira horrenbeste zine areto pribatu. Pentsa, zinearen industrian ere badu eraginik ikusleen galerak, eta ondorioz, gero eta superprodukzio gutxiago finantzatzera ausartzen dira produktora handiak
-Zein dira zuen ustez ikusle kopurua jaitsi izanaren arrazoiak?
Zergatiak agerikoak dira; Internetetik filmak jaisteko aukera, top manta; gure etxeetan zinea ikusteko baliabide guztiak ditugu. Honez gain, gero eta erosoagoak gara, kosta egiten zaigu etxetik ateratzea. Filma oso erakargarria izan behar da jendea etxetik aterako bada.
-Ba al du zerikusirik jendeak zinea ikustera merkatal zentroetara joateko duen joerak?
Ez dut uste hala denik. Merkatal zentroetan ere krisialdia jasaten ari dira-eta. Donostian ere itxi dira merkatal zentroetan zeuden zine aretoak. Gure publikoak ez du merkatal zentroetako aretoetara ihes egin. Beste arrazoi eta ohitura batzuk daudela atzean uste dut. Nabarmenena, zinea etxean ikusteko teknologiak izan duen aurrerapena: Home Zinema, DVD-ak, e.a. Konpetentzia itzela zine aretoentzat.
-Egin al daiteke zerbait ikusleak galtzeko joera honen aurrean?
Esperantza bat daukat, krisi garaiok gainditu eta mantentzen bagara fruituak jasoko ditugula. Hori da nire esperantza. Egoerari buelta ematen diogunean gutxi izango gara mantendu garenak eta ikusleek, besterik ezean, guregana itzuli beharko dute. Konstantzian dagoela gakoa uste dut. Antzerkira joateko ohiturak Elgoibarren izan duen bilakaera izan behar da gure itxaropena. Duela urte batzuk apenas joaten zen jenderik antzerkira. Egoera buelta ematen ari da, ordea, gero eta ikusle kopuru handiagoak baititu antzerkiak gure herrian.
-Filma hobeagoak ekarriz, azken estreinaldiak esaterako, ez al litzateke ikusle gehiago erakarriko?
Azken estreinaldiak eta pelikularik ezagunenak lehenago ematea ez dago Kultura batzordearen eskuetan. Izan ere, publiko gehien dagoen tokietara (hiriburuak, Irun, Barakaldo... moduko herri handiak) eramaten dituzte filma onenen kopiak. Zenbat eta jende gehiago joan zine areto batera, aukeratzeko lehentasun gehiago. Guk astero bidaltzen dizkiegu ikusle kopuruen datuak. Hortaz, herritarren kolaborazioa eskatuko nuke, zenbat eta lagun gehiago joan Herriko Antzokira, filma hobeak ekartzeko aukera izango dugu-eta.
-Herriko Antzokia errentagarria al da? Auto-finantzazioa bermatzeko bezain beste?
Ez. Zinea martxan mantentzeko behar den aurrekontuaren zati bat bakarrik lortzen da auto finantzazioaz. Alabaina, zine emanaldiak Udalak irabazi-asmorik gabe eskaintzen duen zerbitzua da. Alegia, Udalak eskaintzen duen zerbitzu publikoa; kultur edo aisialdi eskaintza bat gehiago herritarren zerbitzura. Udalak zinearen aldeko apustu argia egin du: zine komertziala, Zine Kluba, Aire Libreko Zinea... ez dago beste herririk horrelako zine eskaintza zabalarekin.
Zine-ikusleen DATUAK: (azken 5 urteetako bilakaera)
|
2001-2006
|
Herriko Antzokian
|
|
URTEA
|
IKUSLE KOPURUA
|
|
2001
|
19.030
|
|
2002
|
20.198
|
|
2003
|
15.986
|
|
2004
|
14.593
|
|
2005
|
10.066
|
|
2006
|
9.865
|
|
GUZTIRA(2001-2006)
|
89.738
|
DATUAK (Urteak eta hilabeteak)
|
2001
|
|
Urtarrila
|
1.705
|
|
Otsaila
|
2.338
|
|
Martxoa
|
2.693
|
|
Apirila
|
2.943
|
|
Maiatza
|
1.663
|
|
Ekaina
|
1.500
|
|
Iraila
|
940
|
|
Azaroa
|
2.511
|
|
Abendua
|
2.737
|
|
GUZTIRA
|
19.030
|
|
2002
|
|
Urtarrila
|
2.004
|
|
Otsaila
|
3.115
|
|
Martxoa
|
2.808
|
|
Apirila
|
1.309
|
|
Maiatza
|
1.682
|
|
Ekaina
|
1.460
|
|
Iraila
|
1.511
|
|
Urria
|
2.337
|
|
Azaroa
|
1.927
|
|
Abendua
|
2.045
|
|
GUZTIRA
|
20.198
|
|
2003
|
|
Urtarrila
|
2.168
|
|
Otsaila
|
1.961
|
|
Martxoa
|
1.650
|
|
Apirila
|
1.735
|
|
Maiatza
|
1.272
|
|
Ekaina
|
849
|
|
Iraila
|
942
|
|
Urria
|
1.206
|
|
Azaroa
|
2.843
|
|
Abendua
|
1.360
|
|
GUZTIRA
|
15.986
|
|
2004
|
|
Urtarrila
|
2.184
|
|
Otsaila
|
2.420
|
|
Martxoa
|
1.081
|
|
Apirila
|
1.089
|
|
Maiatza
|
1.307
|
|
Ekaina
|
880
|
|
Iraila
|
1.030
|
|
Urria
|
1.268
|
|
Azaroa
|
1.508
|
|
Abendua
|
1.826
|
|
GUZTIRA
|
1.459
|
|
2005
|
|
Urtarrila
|
1.477
|
|
Otsaila
|
1.059
|
|
Martxoa
|
857
|
|
Apirila
|
857
|
|
Maiatza
|
1.162
|
|
Ekaina
|
515
|
|
Iraila
|
561
|
|
Urria
|
986
|
|
Azaroa
|
995
|
|
Abendua
|
1.597
|
|
GUZTIRA
|
1.066
|
|
2006
|
|
Urtarrila
|
1.541
|
|
Otsaila
|
1.200
|
|
Martxoa
|
765
|
|
Apirila
|
1.394
|
|
Maiatza
|
594
|
|
Ekaina
|
461
|
|
Iraila
|
511
|
|
Urria
|
1.090
|
|
Azaroa
|
1.448
|
|
Abendua
|
861
|
|
GUZTIRA
|
9.865
|
|
2006. urteko FILMARIK
IKUSIENAK
|
|
Saldutako TXARTEL kopurua
|
Filmeak
|
|
689
|
“Kutsidazu
bidea, Ixabel”
|
|
468
|
“El Jardinero Fiel”
|
|
392
|
“Memorias de una Geisha”
|
|
357
|
“Crash”
|
|
303
|
“La edad de Hielo”
|
|
277
|
“Volver”
|
|
275
|
“Harry Potter”
|
|
268
|
“Piratas el caribe II”
|
|
249
|
“El Diablo e viste de Prada”
|
|
230
|
“Brokeback Mountain”
|
|
227
|
“King-Kong”
|
|
219
|
“Match Point”
|
|
202
|
“Las Cronicas de Narnia”
|
|
196
|
“En la cuerda floja”
|
|
|
|
|
Gutxien
ikusi direnak *
|
|
|
19
|
“Bambi 2”
|
|
24
|
“Aventuras de Sharkboy”
|
|
37
|
“La Profecia del as ranas”
|
*Gehienak haurren zine emanaldiko filmak dira,
eta hauek sesio bakarrean botatzen dituzte.
|
normala
zupe 2007-02-07 15:34:53
ekartzen ditxuzten pelikulekin eta zinea daukan preziuakin normala. Ze uste zuten ba? Pelikula kakak 3 edo 4 hilabete beranduo estrenau ta gainera dirua irabaztia? jendia naskatzen hasi da dagoeneko.
pena merezi duten pelikulak ongarrikoak dia. hori bai dala maravilla bat. | Zuperi
Pezu 2007-02-07 15:42:44
Zupe, "ongarriko" pelikulak ikustera zenbat jende joaten den ba al dakizu?
Hemen ere, zuk komentatzen dituzun pelikula "maravilla" hauetan ere jende oso gutxi izaten da, oso oso gutxi. | Gizartearen ispilu da
Lillo 2007-02-07 15:45:27
Oso datu interesgarriak! Zorionak elgoibarren.net-i, hori da benetako kazetaritza egitea, informazioaren bila joatea, ikerketa-lana eginez eta ezkutukoa azalera bistaratuz.
Bat nator Blankak dioenarekin, eta Elgoibarko kultura sailaren politika zuzena iruditzen zait.
1.- Egoera hori gizarte honek daraman martxaren islada da: indibidualismoa, teknologia berriekiko miresmena, kaleko giroa behea jota, kontsumo-ohituren aldaketa...
2.- Publikotasunaren abantaila aprobetxatu behar da Elgoibarren zinea mantendu nahi bada. Pribatua vs. publikoa...
3.- Etorkizunera eta luzera begirako apustu garbia egin behar da. Kultura (baita hezkuntza ere) oso gutxitan da errentagarria, eta horregatik izan behar da oso garbi herritarrei zerbitzu/aukera hori eskaini egin behar zaiela (zine komertziala eta zine-kluba, biak). Horri duintasun kulturala esaten zaio, herrian inbertitzea.
4.- Iraunkortasuna eta kalitatea programazioan: Elgoibarren oso ondo egiten dihardute antzerkiarekin, kalitatezko obrak eta etengabe, iraupen jakin batekin, ari dira programatzen urteetan, eta lortu dute publiko handi bat erakartzea. Horrelaxe egin behar da zinearekin ere.
Cinema paradiso... Ez dezagun galtzen utzi! | Elgoibarren ez gaude batere gaizki!
Jozu 2007-02-07 16:25:09
Ikusita nola dauden Elgoibar baino herri handiagoak, ez dut uste kejatzeko moduan gaudenik Elgoibarren. Ongarriren eskaintza aparta, zine komertziala astian 4 egunetan (konforme pelikula bera dala!), umeentzako pelikulak, Udako plazako emanaldiak...
Ni konforme dagoenarekin! Eutsi horrela, Ongarri eta Udala! | Zinea eta Elgoibar
Mai 2007-02-07 17:00:44
Ni oso gutxitan joaten naiz zinera, baina joaten naizenean izugarri gustura egoten naiz. Herriko Antzokia benetan areto aproposa begitantzen zait zinea ikusteko (eta bestelakoak ikusteko ere bai). Hori bai, eskari txiki bat luzatu nahi diet arduradunei: ez laga jendeari jaten. "El Perfume" ikustera joan nintzen duela gutxi, eta, zoritxarrez, atzekoak jaten ziharduen palomiten perfumea usaintzen egon nintzen pelikula osoa. | zinea
film 2007-02-07 17:07:56
Elgoibarko zinea inguruko merkeenatirikoa da. Nik beintzat ez dot iņun merkiaurik topatzen. Ongarrikoa ondo dago baņa niretzako ez dira egun onenak zinera juteko. | Pelikulen kalitatea
Ander 2007-02-07 17:14:27
Orokorrian zela izango dan ez dakit, baina ni neu oin dala urte batzuk baino askoz gutxiao juten naiz Herriko Antzokira eta arrazoi bakarragatik: ez du merezi. Pelikulia oso txarra da ala, ikusteko modukua bada, aspaldi beste lekuren batetan ikusita daukat.
Pelikula hoberik ezin dala ekarri badiote, hala izango da, baina ni askoz gustorua jungo nintzake Herriko Antzokira Donostiara baino, esate baterako. Gianera, ez dot uste jende asko geratzen danik etxian zinia ikusten. | garestia?
ander 2007-02-07 17:23:01
zinea garesti?
eta kubata bat? hori bai dela garestia | ZORIONAK ONGARRI
karakolita 2007-02-07 18:36:17
Positiboa iruditzen zait benetan zinea mantentzearen aldeko jarrera. Pozten nau jakiteak benetan mantentzeko interes hori egoteak.
Dena dela, pelikula komertzialak oso eskasak dira eta aniztasun apur bat ez litzateke gaizki egongo. Bestalde, bai iruditzen zait oso garestia dela. Badakit beste lekuetan are garestiago dela baina hori ez da eskusa bat prezioa mantentzeko. Antzerkira joatea ere oso garesti egiten zait. Kultura denon eskura egotea garrantzitsua da!
Bestalde, Ongarrikoak zoriondu nahi ditut, benetan. Lan bikaina egin dute urteetan zehar, konstantzia handiarekin. Egia esan, elgoibartik kanpo zaila egin zait halako zerbait aurkitzea. Astero astero benetan film onak dituztenak. Kulturalki benetan lan garrantzitsua egiten duzue, zine komertzial eta iparramerikanotik at, erritmo desberdinak, argumentu desberdinak, kamara erabiltzeko modu desberdinak... zinea ikusteko, entzuteko eta sentitzeko aukera anitzak eskaini dizkiguzue. Segi horrela! |
Komentarioak egiteko izena eman behar duzu. Sartu hemen
|
