 Plaza Txikia. GFA AGG-GAO OA7794
Duela 100 urte
Duela 100 urte, 1907an, urte guztian luzatu
ziren Euskal Jaietako ekintzak gure herrian, baina ekintzarik potoloenak (bertsolarien
saioak, musika kontzertuak, txapliguak, dantza erakustaldiak, e.a) uztaileko
aste batean izan zien. Hau dela-eta, Elgoibarko Udalak Mendeurrena ospatzeko
asmoa du aurten, uztailean, hain zuzen ere.
Herritarrek egitaraua osatzeko aukera dute
Urteurreneko ekintza guztiak erabaki gabe
daude oraindik, egitaraua ez dago itxita. Udaleko Euskara eta Kultura
batzordeek eta herritarrek osatutako batzorde bat aspalditik ari da Euskal
Jaiak gogora ekarriko dituen mendeurreneko egitaraua prestatzen. Alabaina,
iradokizun eta ideia guztiak ondo hartuak izango dira.
Ideiak bidaltzeko:
• e-postaz:
E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu.
• Telefonoz: 943 74 43 66
• Kultura eta Euskara batzordeak (Kultur Etxean)
LOGOTIPO
Lehiaketa arautuko duten Oinarriak:
LEHENENGOA: Lehiaketa honetan 18 urtetik gorako edozeinek parte hartu ahal
izango du.
BIGARRENA: Lanak paperean aurkeztu beharko dira A4 paper-formatuan.
Horretaz gain, lan horiek formatu digitalean edo berori erreproduzitzeko moduko
edozein euskarri informatikotan.
HIRUGARRENA: Logotipoan honako testu hau agertu beharko da ezinbestean:
1907-2007
Euskal Jaiak
Elgoibar.
LAUGARRENA: Lehiaketa honetan sari bakarra izango da.
Sari hori hirurehun eurokoa (300 €) izango da.
BOSGARRENA: Lanak Elgoibarko Kultur etxean aurkeztu beharko dira.
Aurkezteko epea 2007ko otsailaren 23an bukatuko da, eguerdiko 13:00etan.
SEIGARRENA: Lanak egilearen sinadurarik gabe aurkeztu beharko dira, eta
atzeko aldean gaitzizena eraman beharko dute. Honekin batera, kartazal itxi
batean, partehartzailearen datu pertsonalak eta NANaren fotokopia sartu beharko
dira. Kartazalaren gainean, berriz, gaitzizena jarri beharko da.
ZAZPIGARRENA: Saritu gabeko lanak jasotzeko hogeita hamar (30) eguneko epea
izango da. Epe horretan, lanak jasotzen ez badira, egileek horiei uko egiten
dietela uste izango da.
ZORTZIGARRENA: Saritutako lana Udalaren esku geratuko da, halaber, Udalak
izango ditu lan hori inprimatzeko, argitaratzeko ezagutarazteko eta gainontzeko
eskubide guztiak.
BEDERATZIGARRENA: Epaimahaiko kideak Elgoibarko Udaleko Euskara eta Kultura
batzordeek aukeratuko dituzte. Epaimahai hori erabakia hartzen den egun berean
osatuko da, eta emaitza otsailaren 28an emango da jakitera. Horretaz gain,
epaimahaiaren erabakia apelaezina izango da. Epaimahaiko kideek ezin izango dute
lehiaketan parte hartu.
HAMARGARRENA: Lehiaketan parte hartu ahal izateko, goitik behera onartu
beharko dira oinarri hauek guztiak.
|
berandu, ezta?
Zipi 2007-02-07 13:26:36
Ehun urte izan duzue hau prestatzeko, eta otsailean, oraindik logo bila? | Zipirentzat
Zape 2007-02-07 15:17:39
Zipi, zergatik diozu berandu dala? Zertarako da berandu? Nor zera zu ezer egiteko berandu dela esateko? Atzo Diarixuan agertu zan bezela batzorde bat dao horretaz arduratzen dana, eta horrek esan biharko dau berandu ala goiz dan. Eta periodiko horretan agertzen zan bezela ekintzak udan egin bihar badira, ez al dago asti nahikua gauzak egitteko? Gaiņera, hobe da gauzak berandu egittia, ezer ez egitia baiņo. Hortaz, hobe zenduke, hemen baztarrak nahasten ibilli biharrian, zu ere lanian jarriko baziņa. Eta lanerako gogorik ez badaukazu, ba badakizu, mingaiņa txulora, ta lagaizuz pakian herri honentzako lan egin nahi dabenak. Ta mezu honen gaiņian esaizu nahi dozuna, ze nik ez diot zure beste mezu bateri ere erantzungo, ez dot-eta uste merezi dabanik. | zaperi
mortadelo 2007-02-07 17:12:57
lasai, enaiz zipi eta. Ikasi ezazu besteen iritzia errespetatzen mesedez. Nere ustez ere logoa urte hasierarako aukeratuta egon biharko litzateke. Mendeurren honen promozioa lenago hasteko. | Errespetua
Filemon 2007-02-07 17:24:46
Mortadelo, arrazoia daukazu. Baina, uste dut Zaperen letxe txarra justifikatuta dagoela. Izan ere, zertara dator "ehun urte izan dituzue hau prestatzeko" esaldia? Gauza bat da berandu dabiltzala esatea (ni ere konforme nago horrekin), baina beste gauza bat da jende batek gauzak esateko daukan modua. Zergatik tono hori? Udala tartean dagoelako al da? | Hi zipi
Joni 2007-02-07 20:01:24
hartu zak parte logotipo lehiaketan ia 300 euruak irabazten ditxuzun. | Gauzak argitze aldera
Zape 2007-02-07 22:30:09
Oinguan, gauza bat argittu nahiko neuke. Bestien iritzixa errespetatzen jakin bihar dala esaten dabanak egixa dio. Ni ez nago ados berak esaten dabanakin, baiņa tira, esaten dabana esateko eskubide guztia dakala uste dot. Beste gauza bat da, ordia, Zipik egiņ dabana. Nere ustez, behintzat, oso agerikua izan da Zipik kalte egitteko euki daban intentziua. Lupuari baiņo beneno gehixago darixo. Hori iritzixa ematia al da? Horrelako jardunek errespetua merezi al dabe? Kalte egitteko eskubidia bai, baiņa defentsarakorik ez?
Azken galdera: mendeurrena Udala ez dan besteren batek antolatu izan baleu, Zipik jarrera bera izango al leuke? | zaperi
rompetechos 2007-02-08 08:18:06
Zuk udalaren aldeko joera hori ez bazenu eukiko, berdin hartuko al zenuke zipiren komentarioa? ez ote zera udaleko langille izango? edo ingurukoa? | zape anaiari, bihotzez
zipi 2007-02-08 12:37:37
zaperen erantzuteko moduak zer pentsatu ematen dit: 1. umorerik ez duela, 2. antolatzaileetakoa dela, eta badakiela berandu dabilela, 3. ez duela kritika soportatzen, 4. Ez duela edukaziorik...
Zipik ez du inor iraindu. Zergatik sentitu zara horrela? Egiak min ematen du? Ez duzu zure lana ondo egiten? |
Komentarioak egiteko izena eman behar duzu. Sartu hemen
|
