|
Sarrerarik desiratuenak eskuratzeko ilara luzeak |
|
|
|
|
elgoiBARREN.net
|
|
2010-01-21 10:59 |
Herriko Antzokiko aurrealdea ikusita, barruan emanaldi arrakastatsuren
bat eman behar zutela zirudien atzo. Jende ilarak San Lazaro
egoitzaraino ailegatzen ziren ia. Barruan, baina, ez zegoen
emanaldirik, Pirritx eta Porrotx pailazoen hurrengo emanaldirako
sarrera bat eskuratu nahi zuten argazkian ageri diren guztiek. Denak
agortu ziren. Bigarren saiorako sarrerak salduko dituzte gaur.
Elgoibarko Udalaren Gazteria Batzordeak antolatuta, 2010eko urtarrilaren 31n, domeka, Pirritx, Porrotx eta Marimotots pailazoek Irrien lagunak izeneko azken lana eskainiko dute. Ikuskizuna Olaizaga kiroldegian izango da. Ohikoa den bezala, aurten ere, bi saio eskainiko dituzte. Lehendabiziko saioa arratsaldeko 16:00etan izango da; eta bigarrena, 18:30ean.
- Bigarren saiorako sarrerak eskuratzeko bigarren aukera bat izango da gaur (urtarrilak 21), 18:00etatik 20:00etara, Herriko Antzokiko leihatilan.
Komentarioak egiteko izena eman behar duzu. Sartu hemen |