 Lurra gauez
Gaur iluntzeko 19:55etik 20:00etara bitartean argi eta tresna elektriko guztiak itzaltzeko deialdi
globala egin du “ L´alliance pour la planete” elkarte frantziarrak.
Argi, kandela, ordenagailu, telebista, arropa-garbigailu, e.a. itzaltzeko gonbitea eginez, energia nola
alferrik galtzen dugun salatzea, eta, klima-aldaketaren gaineko
hausnarketa bultzatzea ditu helburutzat Internet bidez zabaldu den
ekimenak.
Irakurle batek bidali digu Interneten eta komunikabideetan oihartzun handia izaten ari den deialdi honen berri.
Aldaketa-klimatikoaren gaineko hausnarketa
• L´alliance pour la planete elkarteak sarean zabaldutako komunikatuaren arabera, “apagoi edo ilunaldi honen helburua ez da argindarrean aurreztea soilik; hiritar, komunikabide eta agintarien arreta piztea baizik”. Alegia, denok nahi izanez gero, zenbat energia aurreztu dezakegun frogatzea.
• Alferrik galtzen den energia kopuru izugarriaz gogoeta egitea eta berehala akziora pasatzea aldarrikatzen du elkarte ekologistak.
•
Nola? planetari 5 minutuko tregoa eskainiz: “kosturik gabeko ekintza da, denbora tarte oso laburrean eta politikariei aldaketa-klimatikoa eztabaida politikoan pisuzko gaia dela erakusteko balioko du”.
Zergatik gaur?
Nazio Batuen Erakundeko klima adituek txosten berria aurkeztuko dute bihar (otsailak 2) eguraldiaren inguruko gobernu-arteko aditu taldearen Parisko bileran.
Gaurko (otsailak 1) ilunaldi globalerako deialdiarekin klima-aldaketaren larritasunaz ohartarazi nahi da. Deialdiak arrakasta izaten badu, ekimen honek pisu mediatiko eta politiko handia izan dezake 2007ko legegintza hauteskundeei begira.
∞ Informazio gehiago:
|
eibarko liburutegian
elg 2007-02-01 21:52:01
eibarko liburutegian egin dute! | Ilunaldia igarri al zenuten?
elgoiBARREN.net (Asier Orbea) 2007-02-02 08:52:05
Izan al zuen eraginik edo erantzunik atzoko ilunaldiak gure herrian? Emendatu edo itzali al ziren argiak kale, taberna, etxe, leku publiko eta bestelako tokietan? Esango al diguzu non zeunden zortzirak bost gutxiagotan eta zer ikusi zenuen zure inguruan? Nahi duzuenon artean, erretratu bat aterako diogu atzoko ilunaldiari. Eskerrik asko. | Nahiko full izan omen zan
Iluminati 2007-02-02 08:59:44
Euskadi Gaztean entzun dotanez nahiko "full" atera ei zan ilunaldixa, Espainian, behintzat bai. Ematen dabanez, 5 minutu hoietan argindarraren erabilpena %7an gutxitzia espero zaben hau bultzatu dabenek, baina azkenian %2, zerbait bakarrik jaitsi omen zan kontsumoa. Ni neu, jakitun egon arren, akordau ere ez nintzan egin. Eta seguru beste askori ere berdi gertauko jakuela, honen atzian defendatzen dan guztixakin ados egon arren. | Emendau genduan argixa
Imanol 2007-02-02 09:44:08
Ni Mintxetako spinning gelan suertau nintzan zortzirak bost gitxi zianian. Eta bai, emendau genittuan gelako argixa eta musikia (zortziretan ekin genion klasiari). Mintxetako kirol instalaziuetan, orokorrian, ez dot uste argirik emendau zanik. | ahaztu
despistauta 2007-02-02 12:40:56
lanetik etxera joan nintzan konbentzituta umiekin emendaualdi politxa egingo gendula eta hailegatu bezain azkar, umien ongi etorrixakin, buruan neukana ahaztu zitzatan eta kale! Ezta akordatu ere ez!!!!! Simgmako sirenia falta bota neban gogora-arazteko. Lastimia!!! | Lanpetuta
Abel 2007-02-03 17:26:26
Ni Morkaiko M.E.-an nengoen, eta egia esan hain lanpetuta geunden federatuak ordenagailuan sartzen ze, gogoratu be ez ginala egin. Beraz, guk ez genitun argian emendau. | bai
izena 2007-02-04 15:18:28
nik ordu horretan klasea nakan ta argiak itzali genitun... baina ez dut uste gende askok egin zuanik |
Komentarioak egiteko izena eman behar duzu. Sartu hemen
|
