Ovidio Campello 3. aldiz izango da PSE-EE alderdiko alkatetzarako zerrenda-burua, aurreko hauteskundeetan (1999an eta 2003an) bezalaxe. Bigarren hautagaiarentzat, Fernando Suarezentzat, ere hirugarren hauteskundeak izango dira bigarren hautagai gisa. Bi hauek dira, hain zuzen, PSE-EE alderdiak egun Udalean dituen zinegotziak.

 

 

 

Ovidio Campelloren aurkezpen ofiziala

Elgoibarko PSOE-EE alderdiak atzo (martxoak 28) egin zuen Ovidio Campello alkatetzarako zerrenda-buruaren aurkezpen ofiziala. Hona bertan esandakoen entresaka:

-'Herria egin' behar dugu, elgoibartar izatearen harrotasuna berreskuratu. Udalak, gainera, herritarrei zabaldu behar dizkie ateak. Orain artean Batzoki bat bailitzan eraman baitu PNVk Udala.

-Inguruko herri eta instituzioekin erlazioak estutu behar ditugu. Foru aldundiak ahaztuta dauka Elgoibar. Depuradora da egin duten azpiegitura bakarra.

-Udalean lan giro ona eragin eta lortu behar dugu.

-'Kristalezko teilatu eta poltsikoak. Honekin esan nahi dugu ondradua izateaz gain, ondradua dela erakutsi behar duela Udalak. Kontuak puplikoak eta argiak izan behar dute.

 

Ovidio Campellok elgoiBARREN.net-i jakinarazi dionez, “17 laguneko zerrenda osatu gabe daukagu oraindik, nahiz eta izen gutxi batzuk falta zaizkigun. Gehienak elgoibartarrak dira, baina bat edo beste eskualdekoak dira”.

PSE-EEren alkategaia

• Izena: J. Ovidio Campello
• Jaioterria: Guitiriz (Lugo)
• Adina: 56 urte
• Egoera zibila: ezkondua
• Ikasketak: Zuzenbidea (3. mailara arte)
• Lanbidea: Enpresa bateko gerentea
• Ibilbide politikoa: PCE  edo Espainiako Alderdi Komunistan hasi zen. Handik Euskadiko Ezkerra-ra pasa zen, eta azken hauek PSE-ra batu zirenean PSE-EEko kide izatera pasa zen. Azken lau urteetan Elgoibarko PSE-EEko Idazkari Nagusia izan da.

 

 

 

 

---

Notizi honen berri emateko