Agustin Irustak irabazi du Euskadiko Hiru Txirlo Bolo Txapelketa. San Migel taldeko kideak, jokatu diren lau jardunaldietan 17 txirlo botata lortu du txapela. Ukaezina da sanmigeldarren nagusitasuna lehiaketa honetan: Iaz, 2008an, Xabier Loiolak jantzi zuen irabazlearen txapela, eta, birritan (225 eta 2007) irabazi du Angel Ibarluzeak. Inazio Kortaberria Otsua zenari eskaini zion Irustak bere estreinako txapela. Argazkian hatza zerurantz duela ageri da, Ibarluzea eta Loiolaren erdian.

San Migel A taldeak irabazi du taldekako Euskadiko txapelketa.

Eibarko Asola Berriko bolatokian jokatu zen zapatuan (azaroak 8) Euskadiko XX. Hiru Txirlo Txapelketako azken jardunaldia. Bertan, 57 bolarik parte hartu zuten eta Asola Berri taldeko Jose Luis Rodriguez izan zen irabazlea, zazpi txirlo botata. Txirlo kopuru bera bota arren, San Migel taldeko Xabier Loiola sailkatu zen bigarren postuan. Bietako inork ez zuen, ordea, Euskadiko Txapelketako sailkapen nagusia irabazteko aukerarik. Agustin Irustak bai. Aurreko hiru jardunaldietan eginiko lan onari esker, hiru txirloko aldearekin iritsi zen Irusta azken jardunaldira. Alde polita izan arren, majo sufritu behar izan zuen garaipena eskuratzeko. Asola Berriko saioan hiru txirlo gehiago bota zituen eta 17 txirlo edo punturekin geratu zen sailkapen nagusian. Nahikoa izan ziren.

Otsua akorduan

Juan Luis Antxustegi eta Jabier Osoro elgoibartarra sailkatu ziren bigarren eta hirugarren postuan, hurrenez hurren, biak 16 txirlorekin. Taldeka, berriz, San Migel A taldeak eskuratu du Euskadiko txapela.
 Joan den udan zendu zen Inazio Kortaberria Otsuari eskaini zion Irustak lortutako txapela, bolo jokoa sustatzeko hark egin zuen lanaren eskerretan.

 

 

 

 

---

Notizi honen berri emateko